Tindastóll með töff sigur á toppliðinu
Karlalið Tindastóls var í eldlínunni í 4. deildinni í dag þegar strákarnir tóku á móti toppliði deildarinnar, Vængjum Júpíters, á Sauðárkróksvelli. Fyrir leik voru Stólarnir hins vegar í fjórða sæti deildarinnar og þurftu nauðsynlega að næla í sigur til að koma sér betur fyrir í toppbaráttu deildarinnar. Það hafðist og var sigurinn nokkuð öruggur. Lokatölur að loknum skemmtilegum leik voru 3-1.
Það voru kjöraðstæður á Króknum í dag, logn og hlýtt, og eftir góðar upphafsmínútur heimamanna var það Jón Gísli Stefánsson sem braut ísinn, komst í gegnum vörn gestanna og skoraði gott mark á 13. mínútu. Eftir þetta voru gestirnir meira með boltann en vörn Stólanna hélt vel, Vængirnir fengu fáa sénsa, en þeir fengu þó ansi ódýra vítaspyrnu eftir um hálftíma leik. Alejandro í markin varði ágæta spyrnu með tilþrifum, kastaði sér til hægri og blakaði boltanum aftur fyrir endamörk. Það var helst að stuðningsmenn Stólanna hefðu áhyggjur þegar boltanum var spilað í öftustu vörn en menn virkuðu stundum heldur kærulausir. Staðan 1-0 í hálfleik.
Gestirnir úr Grafarvoginum voru áfram meira með boltann í byrjun síðari hálfleiks en fengu mark í andlitið á 55. mínútu. Þá náðu Stólarnir góðri skyndisókn, unnu boltann og komu honum fram á David Toro Jimenez. Hann lék boltanum í átt að vítateig Vængjanna, lét síðan vaða á markið utan teigs og skoraði. Staðan 2-0 og markinu vel fagnað. Heimamenn voru nokkuð roggnir eftir þetta og supu seiðið af því, gestirnir unnu boltann þegar Stólarnir höfðu ýtt of mörgum fram, náðu laglegri skyndisókn og Jónas Breki Svavarsson, á auðum sjó, minnkaði muninn þegar hann setti boltann framhjá Alejandro í markinu.
Ef einhverjir óttuðust að toppliðið tæki nú öll völd þá fór það ekki svo því Stólarnir voru snöggir að kvitta fyrir sig. Á 74. mínútu var boltanum spilað upp hægri kant þar sem leikmaður Tindastóls komst í góða stöðu við vítateiginn, sendi fyrir markið og Arnar Ólafs mætti inn á markteig og skoraði af öryggi með sinni fyrstu snertingu en hann hafði komið inn á mínútu áður. Gestirnir reyndu að sækja að marki Tindastóls en gekk illa að skapa færi gegn sterkri vörn Tindastóls og það voru Stólarnir sem fengu hættulegri færi. Þannig fékk Benedikt Gröndal tvö góð færi sem hann hefði sett í markið á öðrum degi en Víðir Gunnarsson í marki VJ lokaði vel á hann. Lokatölur 3-1.
Frábær sigur því staðreynd og Stólarnir klifruðu upp í þriðja sæti deildarinnar, í það minnsta tímabundið þar sem lið KFK á leik inni og eru einu stigi á eftir Stólunum. Lið Tindastóls gerði vel í dag, reyndu að halda boltanum innan liðsins í fyrri hálfleik og náðu oft skörpum sóknum. Framan af síðari hálfleik voru strákarnir þó helst til glaðir að losa fram þar sem andstæðingarnir hófu hverja sóknina af annari. Stólarnir eru með eina sterkustu vörn deildarinnar og fengu fá færi á sig og þar fyrir aftan greip Alejandro vel inn í þegar á þurfti að halda. Oft brá fyrir skemmtilegum töktum hjá leikmönnum Stólanna og þar fór David Jimenez fremstur í flokki í dag – sá er ansi laginn með boltann.
Næsti leikur Tindastóls er gegn liði Skallagríms í Borgarnesi næstkomandi föstudag. Áfram Tindastóll!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.