Tímamóta bæjarstjórn
Það kveður við nýjan sáttartón í bæjarstjórn Blönduósbæjar en óhætt er að fullyrða að ný bæjarstjórn sem mynduð var í gærkvöldi sé tímamótameirihluti. Eftir að bankakreppan skall á í haust þjöppuðu bæjarfulltrúar sig saman og unnu saman að gerð fjárhagsáætlunar. Nú er samvinnan orðin algjör með sameiningu minni og meirihluta. Eftir stendur ein í minnihluta Jóna Fanney Friðriksdóttir sem jafnframt er eina konan í bæjarstjórn.
Húni tók í gærkvöld saman helstu atriði úr nýjum málefnasamningi meirihlutans
Aðilar eru sammála um að standa vörð um fjárhagsstöðu Blönduósbæjar og gæta þess að ekki komi til ónauðsynlegrar skuldasöfnunar. Gætt verði aðhalds í rekstri og leitað nýrra leiða til hagræðingar eftir því sem kostur er. Skipuð verði 3ja manna jafnréttisnefnd sem fer með jafnréttismál sem hafa verið í höndum bæjarráðs.
Unnið verði markvisst að uppbyggingu i atvinnumálum undir forustu bæjarráðs og með þátttöku fyrirtækja á svæðinu. Komið verði á nýrri atvinnustarfssemi á Blönduósi og uppbyggingu nýrra starfa í samvinnu og samstarfi við opinbera aðila og önnur sveitarfélög á svæðinu. Leitað verði leiða til að bæta aðstöðu til fjarnáms og er sérstaklega horft til þess í tengslum við uppbyggingu háskólanáms og þekkingarseturs í Kvennaskólanum.
Áfram verði unnið að því að skoða kosti þess að taka yfir rekstur HSB og auka þjónustuþætti stofnunarinnar s.s. með dagvist aldaðra. Áhersla verður lögð á að ljúka gerð aðalskipulags sem er í vinnslu, fjölgað verði í skipulags,- byggingar og veitunefnd í 5 fulltrúa. Framkvæmdum við sundlaugina verði haldið áfram með það markmið að hún verði tekin í notkun 2010. Skoðaðir verði kosti þess að semja við heimaaðila um að ljúka við frágang húsanna en beðið með búnað og flísalagnir þangað til hægt sé að tryggja fjármögnun þeirra og hagstæðari gengisþróun en verið hefur á síðustu mánuðum.
Lögð verði áhersla á að standa vörð um grunnþjónustu íbúanna og að gjaldtaka vegna hennar sé stillt í hóf. Valgarður Hilmarsson fulltrúi E-lista verður áfram forseti bæjarstjórnar en D-listi og Á-listi skipta með sér formennsku í bæjarráði. Nokkuð verður um breytingar í nefndum en jafnræðis skal gætt í nefndum og skulu öll framboð eiga 1 fulltrúa í 3ja manna nefndum en í stærri nefndum skal almenna reglan vera sú að E og D skipi 2 fulltrúa en Á 1 fulltrúa.
Samkvæmt þessu hefur minnihlutinn verið útilokaður frá nefndarsetum á vegum bæjarins.
Arnar Þór Sævarsson verður áfram bæjarstjóri.
MYND: Auðunn Steinn Sigurðsson, Húni.is
Fleiri fréttir
-
Forsala hefst á morgun
feykir.is Skagafjörður, Austur-Húnavatnssýsla, Vestur-Húnavatnssýsla 21.04.2025 kl. 22.29Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Nú hefur verið ákveðið að halda tónleika í fjáröflunarskyni fyrir sjóðinn.Meira -
Finnst ekki gaman að gera eins og allir hinir
feykir.is Skagafjörður, Lokað efni 21.04.2025 kl. 13.00Sigrún Helga Indriðadóttir á Stórhóli í Lýtingsstaðahreppi hinum forna, konan á bak við Rúnalist, móðir fimm barna, amma þriggja, bóndi, handlagin, listakona sem hleypti heimdraganum og fór í framhaldsskóla FVA á Akranesi og síðan í Garðyrkjuskóla ríkisins á Reykjum í Ölfusi. Hún hefur í gegnum tíðina unnið við ýmislegt, garðyrkju, malbikun, fiskvinnslu, í mötuneyti, á hóteli, við kennslu, landbúnaðarstörf, eigin matvælaframleiðslu og sinnt barnauppeldi.Meira -
Langar að vera með spurningakeppi í veislunni
feykir.is Vestur-Húnavatnssýsla, Lokað efni 21.04.2025 kl. 10.00Guðni Þór Alfreðsson býr á Hvammstanga og er sonur Alfreðs Alfreðssonar og Unnar Valborgar Hilmardóttur. Alfreð verður fermdur þann 8. júní í Hvammstangakirkju af sr. Magnúsi Magnússyni.Meira -
„Ein eftirminnilegasta gjöfin var skartgripaskrín handsmíðað af afa“
feykir.is Skagafjörður, Mannlíf, Lokað efni 20.04.2025 kl. 15.01Arndís Katla Óskarsdóttir er úr Skagafirði og býr hjá foreldrum sínum á Skógarstígnum í Varmahlíð. Mamma hennar og pabbi eru Hafdís Arnardóttir og Óskar Már Atlason og systkini hennar eru Kristófer Bjarki, Hákon Helgi og Þórdís Hekla. Arndís Katla vinnur á Dvalarheimilinu Dalbær á Dalvík. Kærastinn hennar er þaðan svo hún er duglega að rúnta á milli fjarða. Arndís Katla sagði Feyki frá fermingjardeginum sínum sem var fyrir fjórum árum.Meira -
Myndi bjóða Steinda Jr. í veisluna
feykir.is Austur-Húnavatnssýsla, Lokað efni 20.04.2025 kl. 13.00Aron Logi Svavarsson býr á Skagaströnd og verður fermdur í Hólaneskirkju þann 8. júní. Sr. Guðni Þór fermir drenginn og eru foreldrar hans Fjóla Dögg Björnsdóttir og Svavar Björnsson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.