Þrymur tók utandeildarbikarinn
Íþróttafélagið og upprennandi körfuboltastórveldi, Þrymur, sem er eingöngu skipað Skagfirskum sveinum unnu lið Boot Camp í úrslitaleik utandeildar Breiðabliks í körfubolta. Leikurinn endaði 45-44, eftir framlengingu og var æsispennandi eins og tölurnar gefa til kynna og boðið var upp á frábæran leik þar sem ekkert var gefið eftir.
Þrymur skoraði fyrstu tvær körfur leiksins en eftir það tóku leikmenn Boot Camp öll völd og héldu forystu sinni allan leikinn. Þegar staðan var 37-29 Boot Camp í vil og stutt til leiksloka, breyttu Þrymsmenn varnarleik sínum og náðu að saxa forskotið niður og jafna 39-39 sem voru lokatölur venjulegs leiktíma og því þurfti að grípa til framlengingar.
Í framlengingunni héldu Boot Camp menn áfram að leiða leikinn og það var ekki fyrr en með ótrúlegu vinstri handar sniðskoti Gunnars Andréssonar frá Tungu þegar 30 sek. voru eftir sem Þrymsmenn komust yfir í fyrsta skipti frá því í byrjun leiks, 45-44. Síðustu andartök leiksins fóru fram á vítalínunni án þess að boltinn færi niður í körfuna og leikmenn Þryms og þeir fjölmörgu aðdáendur sem höfðu komið til að fylgjast með, fögnuðu ógurlega þegar flautan gall.
Lið Boot Camp skartar einnig Skagfirðing en þar er söngfuglinn og tölvuleikjanördinn Sverrir Bergmann innan borðs, en hann mátti gera sér að góðu að þiggja silfrið að þessu sinni.
Í fyrra vann Þrymur Molda-Gnúp í úrslitaleik og eru því meistarar undanfarna tveggja ára í Utandeildinni en hún hófst með riðlakeppni í nóvember.
Aðstandendum Þryms langar að þakka þeim fjölmörgu sem komu að fylgjast með leikjum liðsins í vetur og þá sem hafa stutt við bakið á liðinu með hvatningarorðum og hlýjum hugsunum. Þá fá yngri flokka þjálfarar Tindastóls sérstakt hrós fyrir að hafa ekki gefist upp á að kenna Gunna í Tungu vinstri handar sniðskot í gamla daga. Það borgaði sig svo um munar í leiknum á föstudaginn.
Fleiri fréttir
-
Langar að vera með spurningakeppi í veislunni
feykir.is Vestur-Húnavatnssýsla, Lokað efni 21.04.2025 kl. 10.00Guðni Þór Alfreðsson býr á Hvammstanga og er sonur Alfreðs Alfreðssonar og Unnar Valborgar Hilmardóttur. Alfreð verður fermdur þann 8. júní í Hvammstangakirkju af sr. Magnúsi Magnússyni.Meira -
„Ein eftirminnilegasta gjöfin var skartgripaskrín handsmíðað af afa“
feykir.is Skagafjörður, Mannlíf, Lokað efni 20.04.2025 kl. 15.01Arndís Katla Óskarsdóttir er úr Skagafirði og býr hjá foreldrum sínum á Skógarstígnum í Varmahlíð. Mamma hennar og pabbi eru Hafdís Arnardóttir og Óskar Már Atlason og systkini hennar eru Kristófer Bjarki, Hákon Helgi og Þórdís Hekla. Arndís Katla vinnur á Dvalarheimilinu Dalbær á Dalvík. Kærastinn hennar er þaðan svo hún er duglega að rúnta á milli fjarða. Arndís Katla sagði Feyki frá fermingjardeginum sínum sem var fyrir fjórum árum.Meira -
Myndi bjóða Steinda Jr. í veisluna
feykir.is Austur-Húnavatnssýsla, Lokað efni 20.04.2025 kl. 13.00Aron Logi Svavarsson býr á Skagaströnd og verður fermdur í Hólaneskirkju þann 8. júní. Sr. Guðni Þór fermir drenginn og eru foreldrar hans Fjóla Dögg Björnsdóttir og Svavar Björnsson.Meira -
Langar að útbúa krossgátu um sjálfa sig fyrir gestina
feykir.is Vestur-Húnavatnssýsla, Lokað efni 20.04.2025 kl. 11.00Álfhildur Þórey Heiðarsdóttir býr á Bæ 1 í Húnaþingi vestra. Álfhildur fermist þann 15. júní í Prestbakkakirkju og mun sr. Magnús Magnússon sjá um ferminguna. Foreldrar hennar eru Sigrún Eggertsdóttir Waage og Heiðar Þór Gunnarsson.Meira -
Gleðilega páska!
feykir.is Skagafjörður, Austur-Húnavatnssýsla, Vestur-Húnavatnssýsla 20.04.2025 kl. 06.00Feykir óskar landsmönnum nær og fjær gleðilegra páska.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.