Þórður Guðjónsson býður Sjálfstæðisflokknum krafta sína
“Ég hef ákveðið að gefa kost á mér til væntalegs þingmannssætis hjá Sjálfstæðisflokknum í Norðvesturkjördæmi. Í dag eru þrír þingmenn fyrir kjördæmið og því gef ég kost á mér í eitt af þremur efstu sætum listans,” segir Þórður Guðjónsson knattspyrnumaður í samtali við Skessuhorn.
Þórður tilkynnti félögum sínum í Sjálfstæðisfélagi Akraness þessa ákvörðun sína á fundi sl. þriðjudag. “Ég tilkynnti þeim að aðilar innan flokksins hafi komið að máli við mig og skorað á mig að bjóða fram krafta mína. Ég fór í framhaldinu yfir málið með mínum nánustu og ákvað í kjölfarið að hella mér í þetta,” segir Þórður.
Þórður Guðjónsson er 35 ára, giftur og þriggja barna faðir. Hann var um árabil atvinnumaður í knattspyrnu og segist lítið hafa komið nálægt íslenskri pólitík áður enda hafi hann búið erlendis í 13 ár. “Síðan ég flutti heim árið 2006 hef ég beitt mér í ýmsum verkefnum meðal annars í skólamálum á Akranesi. Mín helstu baráttumál verða velferðar- og fjölskyldumál, svo sem atvinnu-, mennta- og heilbrigðismál.” Þórður segir að Íslendingar séu nú að upplifa tíma sem flest yngra fólk hafi ekki þekkt áður.
“Það er að verða uppstokkun í þjóðfélaginu. Burtséð frá fyrri störfum alþingismanna, þá hefur almenningur ekki endilega verið að kalla eftir áframhaldandi þátttöku þeirra að undanförnu. Nýliðun er því nauðsynleg í pólitík, í það minnsta í bland við reynslufólkið. Ég tel það gríðarlega mikilvægt fyrir Sjálfstæðisflokkinn að það verði prófkjör í öllum kjördæmum þar sem trúverðugleiki flokksins hefur orðið fyrir skakkaföllum. Því er nauðynlegt að öllum standi það til boða að bjóða fram krafta sína. Prófkjör er því í mínum huga lykilatriði. En framboð mitt er með öllu óháð því hvað sitjandi þingmenn hyggjast gera,” sagði Þórður Guðjónsson að lokum.
Því má við þetta bæta að fundur verður í kjördæmisráði Sjálfstæðisflokksins í Norðvesturkjördæmi næstkomandi laugardag í Borgarnesi. Þá mun verða tekin ákvörðun um aðferðafræði við val á lista flokksins.
Fleiri fréttir
-
Forsala hefst á morgun
feykir.is Skagafjörður, Austur-Húnavatnssýsla, Vestur-Húnavatnssýsla 21.04.2025 kl. 22.29Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Nú hefur verið ákveðið að halda tónleika í fjáröflunarskyni fyrir sjóðinn.Meira -
Finnst ekki gaman að gera eins og allir hinir
feykir.is Skagafjörður, Lokað efni 21.04.2025 kl. 13.00Sigrún Helga Indriðadóttir á Stórhóli í Lýtingsstaðahreppi hinum forna, konan á bak við Rúnalist, móðir fimm barna, amma þriggja, bóndi, handlagin, listakona sem hleypti heimdraganum og fór í framhaldsskóla FVA á Akranesi og síðan í Garðyrkjuskóla ríkisins á Reykjum í Ölfusi. Hún hefur í gegnum tíðina unnið við ýmislegt, garðyrkju, malbikun, fiskvinnslu, í mötuneyti, á hóteli, við kennslu, landbúnaðarstörf, eigin matvælaframleiðslu og sinnt barnauppeldi.Meira -
Langar að vera með spurningakeppi í veislunni
feykir.is Vestur-Húnavatnssýsla, Lokað efni 21.04.2025 kl. 10.00Guðni Þór Alfreðsson býr á Hvammstanga og er sonur Alfreðs Alfreðssonar og Unnar Valborgar Hilmardóttur. Alfreð verður fermdur þann 8. júní í Hvammstangakirkju af sr. Magnúsi Magnússyni.Meira -
„Ein eftirminnilegasta gjöfin var skartgripaskrín handsmíðað af afa“
feykir.is Skagafjörður, Mannlíf, Lokað efni 20.04.2025 kl. 15.01Arndís Katla Óskarsdóttir er úr Skagafirði og býr hjá foreldrum sínum á Skógarstígnum í Varmahlíð. Mamma hennar og pabbi eru Hafdís Arnardóttir og Óskar Már Atlason og systkini hennar eru Kristófer Bjarki, Hákon Helgi og Þórdís Hekla. Arndís Katla vinnur á Dvalarheimilinu Dalbær á Dalvík. Kærastinn hennar er þaðan svo hún er duglega að rúnta á milli fjarða. Arndís Katla sagði Feyki frá fermingjardeginum sínum sem var fyrir fjórum árum.Meira -
Myndi bjóða Steinda Jr. í veisluna
feykir.is Austur-Húnavatnssýsla, Lokað efni 20.04.2025 kl. 13.00Aron Logi Svavarsson býr á Skagaströnd og verður fermdur í Hólaneskirkju þann 8. júní. Sr. Guðni Þór fermir drenginn og eru foreldrar hans Fjóla Dögg Björnsdóttir og Svavar Björnsson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.