„Þetta var bara mjög léleg ákvörðun“
„Þetta var að mörgu leyti fín frammistaða heilt yfir. Sköpuðum fleiri færi en undanfarið og varnarleikurinn heilt yfir góður. Það vantaði bara upp á að ná að setja boltann yfir línuna en það voru sannarlega mörg tækifæri til þess í leiknum,“ sagði Donni þjálfari Stólastúlkna þegar Feykir spurði hann út í jafnteflisleikinn gegn liði Keflavíkur í Bestu deildinni í gær.
Leikurinn endaði 1-1 en lið Tindastóls var sannarlega óheppið að taka ekki öll stigin að þessu sinni, gerði fjögur mörk í leiknum en dómarinn leyfði aðeins eitt. Það var því eðlilegt að spyrja Donna hvort honum hafi fundist dómarinn gera rétt. „Það er erfitt fyrir mig að sjá þegar það var dæmt af vegna rangstöðu. En í síðasta markinu er mér sagt að okkar leikmenn hafi staðið fyrir markmanninum. Sem er auðvitað löglegt og leyfilegt og gerist í öllum hornum alls staðar. Ef ekki á sér stað leikbrot þá á ekki að dæma og þetta var bara mjög léleg ákvörðun.“
Úrslitakeppnin hefst um næstu helgi og fyrsti leikur gegn Keflavík hér heima; hvernig leggst það í þig? „Sá leikur leggst vel í mig og við munum gera allt sem í okkar valdi stendur til að gera ennþá betur þá.“
Stjarnan datt niður í neðri hlutann, hentar það lið okkur betur en Þróttur? „Leikirnir við Stjörnuna hafa verið mjög jafnir og skemmtilegir. Það verður hörkuleikur og gaman að eiga við þær.“
Nærðu að styrkja liðið fyrir úrslitakeppnina? „Glugginn er lokaður og við treystum á þann hóp sem er. Við reynum áfram að styrkja þær sem fyrir eru og byggja áfram upp,“ segir Donni að lokum.
Lið Tindastóls og Keflavíkur mætast á Króknum í fyrstu umferðinni sem verður spiluð sunnudaginn 1. september kl. 16. Laugardaginn þar á eftir eiga Stólastúlkur síðan síðasta heimaleik sumarsins þegar Fylkir kemur í heimsókn og í lokaumferðinni spilar liðið við Stjörnun í Garðabænum þann 14. september.
Fleiri fréttir
-
Birgitta og Elísa Bríet í U17 hópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.09.2024 kl. 16.44Snillingarnir okkar, Elísa Bríet Björnsdóttir og Birgitta Rún Finnbogadóttir frá Skagaströnd, hafa verið valdar í 20 leikmanna hóp U17 kvenna fyrir undankeppni EM 2025. Þetta er um margt afar merkilegt því þessir kornungu leikmenn meistaraflokks Tindastóls eru einu stúlkurnar af Norðurlandi sem eru í hópnum.Meira -
Guðni Þór ráðinn til starfa hjá KSÍ
feykir.is Skagafjörður, Íþróttir 13.09.2024 kl. 16.07Knattspyrnusamband Íslands hefur ráðið Króksarann Guðna Þór Einarsson í starf á innanlandssviði skrifstofu KSÍ og mun hann hefja störf 1. október næstkomandi. Fram kemur í frétt á vef KSÍ að meginverkefni séu umsjón með félagaskiptum leikmanna, skráning samninga leikmanna og utanumhald með leikmannalistum. Guðni mun einnig sinna ýmsum málum í tengslum við umsýslu móta, auk annarra tilfallandi verkefna.Meira -
Grunur um myglu í Árskóla á Sauðárkróki
feykir.is Skagafjörður 13.09.2024 kl. 15.17Feykir hafði veður af því að mygla hefði nýlega fundist í húsakynnum Árskóla. Fyrirspurn var send á Sigfús Inga Sigfússon, sveitarstjóra Skagafjarðar, sem svaraði að bragði að við undirbúning framkvæmda við skólann hafi komið í ljós að raki var í útvegg og grunur um myglu.Meira -
„Aftast í kristalskúlunni sjáum við jafnvel 0-1 sigurmark sem mun sjokkera íslenskt knattspyrnusamfélag“
feykir.is Austur-Húnavatnssýsla, Íþróttir, Vestur-Húnavatnssýsla 13.09.2024 kl. 13.38Það er lítið eitt eftir af fótboltasumrinu. Tindastólsfólk hefur haft ástæðu til að gleðjast þar sem strákarnir komust upp um deild og stelpurnar héldu sætinu í Bestu deildinni. Það verður hins vegar langur laugardagur hjá aðdáendum Kormáks/Hvatar sem munu eflaust naga neglur á meðan það ræðst hvort það verða knatttröllin úr KF, Garðbæingar í KFG eða þeirra eigin hetjur í Kormáki/Hvöt sem þurfa að bíta í það súra epli að falla úr 2. deild í þá þriðju. Lokaumferðin er á morgun. Feykir lagði nokkrar spurningar fyrir ónefndan fulltrúa Aðdáendasíðu Kormáks.Meira -
Flaggað vegna útfarar Bryndísar Klöru
feykir.is Skagafjörður, Austur-Húnavatnssýsla, Vestur-Húnavatnssýsla 13.09.2024 kl. 11.24Ýmsir hafa eflaust velt fyrir sér hvers vegna flaggað sé í hálfa stöng við Fjölbrautaskóla Norðurlands vestra í dag og fékk Feykir ábendingu um að sumir væru áhyggjufullir. Ástæðan fyrir því að flaggað er er sú að í dag er Bryndís Klara Birgisdóttir, stúlkan sem lést eftir hnífstunguárás á Menningarnótt í Reykjavík, borin til grafar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.