„Það voru sumir orðnir vel skelkaðir“
Enn er víða erfið færð og lítið ferðaveður á Norðurlandi en þegar þessi frétt er skrifuð er þó hægt að komast úr Skagafirði og suður ef notast er við Vatnsskarð og Holtavörðurheiði. Vonskuveður var á Vatnsskarði í gærdag og var haft eftir Þorgils Magnússyni hjá Björgunarfélaginu Blöndu í fréttum Sjónvarps að aðstæður á Vatnsskarði hafi verið erfiðar; fljúgandi hálka og stórhríð og fólk hreinlega hrætt.
Í sumum tilfellum treystu ökumenn sér ekki til að aka bílum sínum við þessar aðstæður og þurftu björgunarsveitamenn beggja vegna Vatnsskarðs að grípa inn í aðstæður. Hátt í 200 bilar og fjöldi fólks voru ferjaðir niður af heiðinni vestanmegin en Flugbjörgunarsveitin í Varmahlíð hjálpaði einnig ferðalöngum niður í Skagafjörð. „Það voru sumir orðnir vel skelkaðir og við keyrðum suma bílana niður því sumir snérust bara út af vindi og hálku,“ sagði Þorgils en meðal þeirra sem voru stopp voru erlendir ferðamenn sem höfðu aldrei upplifað annað eins. Það var lán í ólani að bílar sátu ekki fastir í snjó, það var vindurinn, hálkan og blindan sem setti allt í hnút.
Nú um hádegi á annan í páskum er Öxnadalsheiðin ófær og sem og Þverárfjall og Laxárdalsheiði vestari. Þæfingur er á Siglufjarðarvegi og unnið að mokstri en vegurinn fyrir Vatnsnes er ófær. Hálka eða snjóþekja er á flestum öðrum vegum á Norðurlandi vestra en víðast hvar er skafrenningur. Greiðfært er í Blönduhlíðinni.
Veðurstofan gerir ráð fyrir að vindur gangi hægt niður og vindur jafnan 10-12 m/sek en lægir á þriðjudagsmorgun. Spáð er lítils háttar snjókomu á víð og dreif á Norðurlandi vestra í kvöld. Það er því vissara að fylgjast vel með færðinni ætli fólk að setja undir sig faraldsfótinn.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.