Það helsta um ræktun riðuþols - allt á einum stað
Áfram heldur Karólína Elísaetardóttir í Hvammshlíð að auðvelda okkur lífið í baráttunni við riðu. Til þessa voru upplýsingar um riðuvarnir dreifðar víða og það þoldi Karólína illa.– Sumt fannst hjá MAST, annað hjá RML, svo voru alls konar erlendar vísindagreinar, reglugerðir og ekki síst stakar greinar í Bændablaðinu. Núna er hægt að nálgast upplýsingarnar allar á einum stað riduvarnir.is og ridaneitakk.net
Karólína Elísabetardóttir í Hvammshlíð, frumkvöðull í riðumálum, uppgötvaði í samtali við bændur og aðra að ennþá vantar oft þekkingu – um tæknileg smáatriði, en einnig um grundvallaratriði, til dæmis um þol og næmi breytileika sem heita ekki ARR. „Það kom mér á óvart – þónokkrir vissu til dæmis ekki að T137 sé mjög vel rannsakaður breytileiki, sem miklar vonir eru bundnar við. Aðrir höfðu ekki hugmynd um að í riðuhólfum þurfi að sækja árlega um söluleyfi. Og sumir héldu að í forystufé hafi aldrei neitt fundist nema mjög næmar arfgerðir – sem er alls ekki rétt.“
Þess vegna ákvað hún á eigin spýtur að setja á fót heimasíðu sem sameinar allar helstu upplýsingar og tengir þær líka við gögn á öðrum síðum, t.d. MAST og RML. Vefföng síðunnar eru riduvarnir.is og ridaneitakk.net. Hún sótti um styrk, en vildi samt ekki bíða hvort hann kæmi: „Fólk er að pæla í því einmitt núna. Ef ég hefði beðið, þá hefði það verið of seint. Þá eru lömbin komin frá fjalli, allir á fullu í ýmsu. En sérstaklega þetta haust skiptir miklu máli varðandi framhaldið – hvaða lömb eru sett á, hverjir breytileikar eru teknir alvarlega og hverjir detta út.“
Þótt riduvarnir.is sé einkaframtak, hafði Karólína samband við MAST, RML, Keldur og sauðfjárbændadeild BÍ til að gefa kost á athugasemdum og breytingaróskum, áður en síðan birtist opinberlega. Svo er líka alltaf hægt að breyta einhverju eftirá, ólíkt bók, sem fer í prentun – „sem er mikill kostur, því margt er að breytast hratt í þessum málum“, segir Karólína.
Þekking er undirstaða markvissrar ræktun – ekki síst ef bóndinn vill byggja upp riðuþol á erfðafræðilega breiðum grunni. „Íslenski sauðfjárstofninn er einstaklega fjölbreyttur – í útlöndum eru svoleiðis kyn í útrýmingarhættu og margir öfunda okkur af þessum gamalgróna, hrausta og litríka stofni, sem er á sama tíma afurðarmestur í heiminum“, undirstrikar Karólína. „Við megum ekki missa þennan fjölbreytileika, hann kemur ekki aftur. Þess vegna er tilvalið að nýta sér þekkingu alþjóðlegra vísindamanna, sem hafa rannsakað riðu í marga áratugi. Þeir mæla eindregið með því að stóla ekki eingöngu á ARR.“ Heimasíðan svarar öllum helstu spurningum að mati Karólínu – ef ekki, þá má hafa samband við hana: „Það er alltaf hægt að bæta og breyta!“ segir Karólína að lokum.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.