„Það er fólkið sem er ómissandi“
„Húnavaka þróast með hverju árinu þó við höldum alltaf í gamlar góðar hefðir líka. Fyrir tveimur árum gerðum við verulegar breytingar, m.a. á staðsetningu hátíðarsvæðisins. Við reynum ávallt að bæta við nýjum og spennandi viðburðum sem gera hátíðina enn skemmtilegri og fjölbreyttari,“ segir Kristín Ingibjörg Lárusdóttir, reynslubolti í stjórnun Húnavöku, þegar Feykir spyr hvort Húnavakan sé alltaf að vinda upp á sig. Dagskráin er sérlega metnaðarfull og glæsileg í ár en Húnavakan verður á Blönduósi dagana 18. til 21. júlí.
Eru einhverjar nýjungar í ár eða eitthvað sem þú ert mjög spennt fyrir? „Já, það eru nokkrar spennandi nýjungar í ár og ég er sérstaklega spennt fyrir Vilko vöfflu röltinu sem verður kl. 15:30-17:30 föstudaginn 19. júlí nk. þar sem tólf heimili bjóða heim í vöfflur. Vonandi er þetta viðburður sem er kominn til að vera hér í heimabæ vöfflunnar.“
Hverjir eru að þínu mati helstu dagskrárliðirnir? „Í dagskránni í ár er mikið af spennandi viðburðum. Við leggjum sérstaka áherslu á tónlist en það verða fimm tónleikar á Húnavöku þetta árið. Það verður líka mikið um að vera fyrir börnin og alla fjölskylduna. Ég bind miklar vonir við að það verði fjölmenni á kvöldvökunni á laugardagskvöldinu.“
Hverjir sækja Húnavöku? „Brottfluttir Húnvetningar eru duglegir að mæta. Fólk úr nágranna sveitarfélögum er líka duglegt að kíkja við. Við sjáum líka að það hefur orðið aukning í að ferðamenn, þá aðallega fjölskyldufólk, komi á Húnavöku. Svo fer þetta líka alltaf eftir blessaða veðrinu, en þá er bara að klæða sig eftir veðri.“
Gefur uppbyggingin í gamla bænum tækifæri á fjölbreyttari Húnavöku? „Já, klárlega, við fundum það vel í fyrra, það var mikill fjöldi fólks sem mætti á viðburði í gamla bænum. Til dæmis verða tvennir tónleikar í Krúttinu í ár og því von á mikilli stemmningu og ég hvet fólk sem hefur ekki séð þessa flottu breytingu sem hefur orðið í gamla bænum, að taka röltið eða rúntinn þangað.“
Hvað er skemmtilegast við Húnavöku – hvað er ómissandi? „Fólkið, samveran, gleðin og stemningin. Það er svo gaman að hitta gamla vini og kunningja. Það er fólkið sem er ómissandi.“
Hvað gefur hátíðin heimamönnum? „Hátíðin gefur heimamönnum tækifæri til að koma saman, gleðast, hitta fólk og njóta menningar og fjölbreyttrar skemmtunar.“
Er búið að panta rétta veðrið? „Já, og það er eins gott að veðurguðirnir standi sig, því þeir sviku okkur illilega í fyrra.“
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.