Telja breytingarnar stefna nærþjónustu í voða
Þingflokkur Vinstri grænna mótmælir harðlega í ályktun sinni fyrirhuguðum breytingum í heilbrigðisþjónustunni. Er það mat þingflokksins að breytingarnar séu hvorki til þess fallnar að styrkja þjónustuna né auka öryggi hennar auk þess sem þær stefni í voða nærþjónustu í heimabyggð.
Engin gögn hafa verið lögð fram sem sýna að til lengri tíma litið leiði breytingarnar til þjóðhagslegs sparnaðar. Með breytingunum eru sveitarfélögin þvinguð til að taka yfir nærþjónustuna ellegar verði úr henni dregið. Skipulagsbreytingarnar virðast hafa verið undirbúnar löngu áður en yfirstandandi efnahagskreppa skall á þótt þær séu nú kynntar undir því yfirskini að þær séu óhjákvæmilegar.
Þingflokkur VG mótmælir einnig gerræðislegum vinnubrögðum heilbrigðisráðherra í málinu þar sem ekkert samráð var haft við viðkomandi starfsmenn, stofnanir og sveitarfélög. Þá lýsir þingflokkurinn furðu á því að ekki skuli unnið samkvæmt nýútkomnum leiðbeiningum fjármálaráðuneytisins um sameiningu ríkisstofnana og víðtækt samráð haft við alla aðila áður en farið er í svo umfangsmiklar breytingar. Nefna má sérstaklega vanhugsaðar breytingar á starfsemi St. Jósefsspítala, lokun skurðstofu og sérfræðiþjónustu. Ljóst er að þessi aðgerð er undanfari frekari einkavæðingar í heilbrigðisþjónustunni, sem gengur í berhögg við þarfir og hagsmuni samfélagsins. Þá er með eindæmum hvernig komið er fram við íbúa landsbyggðarinnar þar sem grunnheilbrigðisþjónustu í stórum landshlutum er einhliða sundrað og grafið undan nærþjónustu og sjálfstæði heilbrigðisstofnana í héraði.
Þingflokkur VG mótmælir einnig hækkun sjúklingaskatta, þ.m.t. nýju innlagnargjaldi á sjúkrahús. Óviðunandi er að ósanngjarnar byrðar, sem þjóðin neyðist nú til að axla vegna mistaka ríkisstjórnarinnar í efnahagsmálum, skuli vera lagðar á sjúklinga og aðra notendur heilbrigðisþjónustunnar.
Fleiri fréttir
-
Diskósúpa í Hlöðunni á Stórhóli
feykir.is Skagafjörður 22.04.2025 kl. 13.35Næstkomandi laugardag 26. apríl verður Diskósúpa í Hlöðunni á Stórhól í Skagafirði frá klukkan 12-15.Meira -
Karlakórinn Lóuþrælar með sína árlegu vortónleika
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 13.15Það er komið að vortónleikum Karlakórsins Lóuþræla en þeir verða haldnir þann 23. apríl kl. 20:00 í Félagsheimilinu á Hvammstanga. Tónleikarnir eru orðnir fastur liður á vorin en kórinn var stofnaður í febrúar 1985 og eru því 40 ára á þessu ári.Meira -
Sumarhátíð á Hvammstanga
feykir.is Skagafjörður 22.04.2025 kl. 12.45Haldið verður upp á sumardaginn fyrsta á hefðbundinn hátt þann 24. apríl nk. á Hvammstanga. Hátíðin hefst með skrúðgöngu frá Félagsheimilinu á Hvammstanga klukkan 13:00. Farinn verður hefðbundinn hringur með viðkomu á Sjúkrahúsinu.Meira -
130 ökumenn kærðir fyrir of hraðan akstur yfir páskahelgina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 11.42Lögreglan á Norðurlandi vestra segir að talsverður erill hafi verið í embættinu yfir páskahátíðina en alls voru skráð rúm 240 mál frá miðnætti á miðvikudag, fram til miðnættis á mánudag. Mikið var um skemmtanahöld sem fóru að mestu vel fram og var fylgst gaumgæfilega með ástandi og réttindum ökumanna.Meira -
Karlakór Bólstaðarhlíðarhrepps býður til kaffisamsætis á sumardaginn fyrsta
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 11.34Í tilefni af eitthundrað ára afmæli Karlakórs Bólstaðarhlíðarhrepps býður kórinn til kaffisamsætis fimmtudaginn 24. apríl, sumardaginn fyrsta, í Húnaveri klukkan 15 og eru allir velkomnir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.