Tekist á um ívilnanir til lágvöruverslana
Umræða um lágvöruverslanir á Norðurland vestra hefur verið nokkur að undanförnu. Þannig lagði Álfhildur Leifsdóttir, fulltrúi VG í skipulagsnefnd Skagafjarðar, fram tillögu um miðjan október þar sem lagt var til að „... sveitarstjórn nýti sér 8. grein úthlutunarreglna Skagafjarðar um vilyrði til að skipuleggja sérstaklega hentuga lóð fyrir lágvöruverslun.“ Í aðsendri grein í Feyki segir Álfhildur að tillagan hafi jafnframt gengið út á að lóðin verði með ívilnunum þar sem felld yrðu niður eða veittur verulegur afsláttur af lóða- og gatnagerðagjöldum en fordæmi væru í sveitarfélaginu fyrir ívilnunum af slíku tagi.
Tillagan var samþykkt með tveimur atkvæðum gegn einu í skipulagsnefnd en málið var tekið fyrir á sveitarstjórnarfundi sl. miðvikudag og skapaðist um það talsverð umræða.
Í bókun sem Jóhanna Ey Harðardóttir lagði fram sagði m.a.: „Við fulltrúar Byggðalistans getum ekki stutt þá tillögu að bjóða lágvöruverslunum ívilnanir þar sem felld verði niður eða veittur verði verulegur afsláttur af lóða- og gatnagerðagjöldum. Við vitum að skipulagsvinna og gatnagerð kostar mikla fjármuni og styðjum við ekki að íbúar Skaga-fjarðar taki þann kostnað á sig.“
Í bókun Gísla Sigurðssonar, Sjálfstæðisflokki, sagði m.a. að það kæmi honum verulega á óvart að VG og óháðir „... skuli fara fram með þessum hætti að vilja sveigja og beygja reglur sveitarfélagsins til að geta veitt stórfyrirtækjum eins Högum, Festi eða öðrum „lágvöruverðsverslunum á Íslandi“, sérstaka og óumbeðna ívilnunarsamninga fyrir fram og festa það sem kvöð á lóðir í deiliskipulagsgerð. Engin fordæmi eru til í Skagafirði um t.d. afslátt af gatnagerðagjöldum til fyrirtækja.“
Steinunn Rósa Guðmundsdóttir, VG, lét m.a. bóka að röksemdir um að „...ekki megi hygla með ívilnunum með þessum hætti eru kómísk í þessu sveitarfélagi sem sannarlega hyglir með slíkum hætti og hefur gert lengi. Þar má nefna sérsniðna gjaldskrá heita vatnsins þar sem stórt fyrirtæki á svæðinu fær 70% afslátt en svo rausnarlegur afsláttur þekkist ekki í öðrum sveitarfélögum. Sú heitavantsívilnun og það að þessi tillaga til að verða við óskum íbúa sé felld, er ansi afhjúpandi."
Að lokum kvaddi Einar E. Einarsson, Framsókn, sér hljóðs og lagði fram eftirfarandi bókun: „Meirihluti sveitarstjórnar vill árétta og leiðrétta að það er ekkert í gjaldskrá gatnagerðargjalda Skagafjarðar sem heimilar sjálfkrafa afslátt gatnagerðagjalda. Samkvæmt okkar reglum þarf sá sem óskar afsláttar að sækja um til sveitarstjórnar og verður það þá að afgreiðast sérstaklega með rökstuðningi. Við viljum jafnframt árétta að meirihlutinn myndi fagna komu lágvöruverslana en það verða allir að sitja við sama borð gagnvart reglum sveitarfélagsins."
Forseti bar síðan upp tillögu meirihluta um að tillögu VG yrði hafnað og var það samþykkt með sjö atkvæðum gegn tveimur atkvæðum VG og óháðra.
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.