Tap gegn Ármanni eftir hörkuleik
Lið Ármanns og Tindastóls mættust í hörkuleik í 1. deild kvenna í körfubolta en lið heimastúlkna var aðeins hársbreidd frá því að tryggja sér sæti í efstu deild í vor, vann deildina en tapaði fyrir ÍR í fimm leikja seríu um sætið í Subway-deild kvenna. Það mátti því búast við erfiðum leik í gær en leikurinn var hnífjafn í fyrri hálfleik en í þeim síðari náði Ármann undirtökunum. Stólastúlkur gáfu þó ekkert eftir, komust yfir þegar rúmar fimm mínútur voru til leiksloka, en endaspretturinn var Ármanns. Lokatölur 78-66.
Lið Tindastóls byrjaði leikinn vel en líkt og í leiknum á Akureyri í miðri viku þá mætti lið Tindastóls til leiks með aðeins átta leikmenn, sökum meiðsla og veikinda. Stólastúlkur náðu sjö stiga forystu í lok fyrsta leikhluta, 15-22, og það leit lengstum út fyrir að gestirnir héldu forystunni út fyrri hálfleikinn. Staðan 35-40 þegar mínúta var til hlés en þá skellti Schekinah Bimpa í tvo þrista í röð og Ármann leiddi í hálfleik, 41-40.
Hún bætti við íleggju í upphafi síðari hálfleik og Jónína Þordís Karlsdóttir skellti í þrist og heimastúlkur komnar sex stigum yfir eftir 12-0 kafla. Þær voru síðan með 4-8 stiga forskot næstu mínúturnar en tveir þristar frá Chloe og íleggja frá Emese sáu til þess að þremur stigum munaði fyrir lokafjórðunginn, staðan 60-57. Bimpa hélt áfram að bæta í stigasafnið í upphafi fjórða leikhluta en þristur frá Ingu Sólveigu kom Stólastúlkum aftur á bragðið. Þrjár körfur frá Chloe breyttu stöðunni úr 64-60 í 64-66 þegar rúmar fimm mínútur voru til leiksloka. Þá skellti lið Ármanns í lás í vörninni og náðu hrikalegum 14-0 kafla – lið Tindastóls skoraði semsagt ekki eina körfu í rúmar fimm mínútur.
Í samtali við Evu Rún, fyrirliða, í vikunni þá tjáði hún Feyki að það væri mikill munur að mæta með átta eða tólf leikmenn í leik, þá skorti talsvert upp á orku og liðsanda. Það er ljóst að þær Eva, Chloe og Emese munu spila megnið af leikjum liðsins í vetur en þær skiluðu allar 40 mínútum í gær. Það eru því væntanlega þreyttir fætur sem þurfa að tækla lokamínúturnar þegar slíkt gerist.
Chloe Wanink var með 27 stig í gær en slaka 3ja stiga nýtingu. Emese Vida gerði 12 stig en var með 24 fráköst og endaði með 41 framlagspunkt. Inga Sóveig setti niður þrjá þétta þrista og gerði 11 stig og Eva var með níu stig. Fleiri stúlkur skoruðu ekki fyrir Tindastól. Í liði Ármanns voru Bimpa og Jónína langöflugastar, bæði stigaskori og fráköstum. Bimpa gerði 30 stig og tók 11 fráköst en Jónína 28 stig og tók 14 fráköst.
Næsti leikur Tindastóls er hér heima gegn liði Snæfells næstkomandi laugardag. Snæfell er með tvö stig að loknum tveimur leikjum. Tapaði naumlega gegn KR í fyrstu umferð en malaði síðan Breiðablik b líkt og Stólastúlkur.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.