Takkaskórnir of gamlir og rykugir fyrir Pepsi Max - Liðið mitt Hrafnhildur Guðnadóttir
Hrafnhildur Guðnadóttir, eða Rabbý eins og hún er ævinlega kölluð, hefur reynt ýmislegt á knattspyrnuvellinum. Barnsskónum sleit hún á Siglufirði og sparkaði fótbolta í gríð og erg fyrir KS í yngri flokkum en aðeins 16 ára gömul var hún farin að leika í efstu deild með sameiginlegu liði Þórs Ak., KA og KS áður en hún kom á Krókinn og lék með Stólum nokkur tímabil þar til hún munstraði sig árið 2009 í Pepsi-deildarlið KR. Þar lék hún sjö leiki og skoraði eitt mark. Ferilinn endaði hún svo í liði Tindastóls árið 2011, þá búinn að leika 96 leiki með þessum þremur liðum. Það er því ekkert undarlegt að hún hafi fengið spurningu í síðasta þætti hvort hún ætli að taka þátt í Pepsi Max ævintýri Tindastóls þetta tímabilið. Rabbý býr á Sauðárkróki og starfar sem hársnyrtir.
Hvert er uppáhalds liðið þitt í enska boltanum? -Liverpool. Þegar ég byrjaði að fylgjast með fótbolta þá var Robbie Fowler alveg frábær og þess vegna varð Liverpool fyrir valinu.
Hvernig spáir þú gengi liðsins á tímabilinu? -Liverpool tekur titilinn annað árið í röð!
Ertu sátt við stöðu liðsins í dag? -Já já, ágætlega sátt, það eru reyndar búin að vera alltof mörg jafntefli í leikjum sem þeir eiga að vinna. Svo er nú búið að vera ansi mikið um meiðsli í liðinu en vonandi fer þetta að lagast og þeir klára seinni hluta tímabilsins með stæl!
Hefur þú einhvern tímann lent í deilum vegna aðdáunar þinnar á umræddu liði? -Nei nei, það halda nú flestir í kringum mig með réttu liði, nema það að ég hef stundum þurft að ræða mjög alvarlega við son minn.
Hver er uppáhaldsleikmaðurinn fyrr og síðar? -Verð auðvitað að nefna Robbie Fowler (enda áhrifavaldur í mínu lífi:).. en svo er það líka Messi.
Hefur þú farið á leik með liðinu þínu? -Nei ekki ennþá. Ég fór til Barcelona 2015 að sjá hitt uppáhaldsliðið mitt spila og það var geggjað en ég stefni klárlega á að fara á Anfield næst.
Áttu einhvern hlut sem tengist liðinu? -Bara eitthvað smádót, trefil og könnu.
Hvernig gengur að ala aðra fjölskyldumeðlimi upp í stuðningi við liðið? -Sem betur fer hélt Helgi Rafn með Liverpool þegar við kynntumst svo uppeldið á börnunum átti að verða mjög auðvelt. En það hefur nú ekki alveg verið þannig því sá elsti er búinn að vera með vesen og þykist halda með einhverju öðru liði, miðjan okkar er Poolari og sá yngsti lofar góðu.
Hefur þú einhvern tímann skipt um uppáhalds félag? -Nei, Liverpool verður alltaf liðið mitt. En mér finnst reyndar gaman að fylgjast með Wolves spila og held alltaf pínu með þeim.
Uppáhalds málsháttur? -Sér grefur gröf þótt grafi.
Einhver góð saga úr boltanum? -Þegar ég var 16 ára bjó ég á Sigló en var að spila með m.fl. Þórs á Akureyri og þurfti að mæta á æfingar þar þrisvar í viku og svo auðvitað leikir í hverri viku líka. Til að láta þetta ganga upp þá fékk ég mér vinnu í Rækjunni og tók bara næturvaktir allt sumarið. Við vorum fjórar stelpur frá Sigló sem spiluðum með Þór og fengum Yaris til að ferðast á saman. Þetta sumar er mjög eftirminnilegt og eitt af því skemmtilegasta.
En svo verð ég að nefna að öll keppnisferðalögin sem maður hefur farið í með liðsfélögum voru jafn mikilvæg og skemmtileg eins og fótboltinn sjálfur.
Einhver góður hrekkur sem þú hefur framkvæmt eða orðið fyrir? -Nei nei, ekkert sem mér dettur í hug til að segja frá.
Spurning frá Konna Sigga Donna: -Ætlar þú að taka fram takkaskóna núna? Vera með í Pepsi Max ævintýrinu?
Svar: -Það væri reyndar geggjað!.. en ég held að takkaskórnir mínir séu orðnir of gamlir og rykugir fyrir Pepsi Max.
Hvern myndir þú vilja sjá svara þessum spurningum? -Halldór Halldórsson
Hvaða spurningu viltu lauma að viðkomandi? -Er stefnan að horfa á næsta HM í fótbolta í Drangey?
Fleiri fréttir
-
Sögumaður gefur út sögu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.12.2024 kl. 10.00Magnús Ólafsson gaf nýverið út bókina Öxin, Agnes & Friðrik sem fjallar um síðustu aftökuna á Íslandi sem framkvæmd var á Þrístöpum í landi Sveinsstaða í Austur-Húnavatnssýslu. Feykir hafði samband við Magnús og forvitnaðist aðeins um nýútkomna bók og lífiðMeira -
Húnabyggð hlaut Umhverfisverðlaun Ferðamálastofu fyrir uppbyggingu við Þrístapa
feykir.is Skagafjörður, Austur-Húnavatnssýsla, Vestur-Húnavatnssýsla 23.12.2024 kl. 08.09Umhverfisverðlaun Ferðamálastofu fyrir árið 2024 koma í hlut Húnabyggðar fyrir uppbyggingu við Þrístapa en verkefnið var á höndum Húnavatnshrepps áður en sveitarfélögin sameinuðust. Þrístapar er menningarsögulegur ferðamannastaður og þar er að finna síðasta aftökustaðinn á Íslandi. Aftakan fór fram þann 12. janúar 1830 þegar þau Agnes Magnúsdóttir og Friðrik Sigurðsson voru hálshöggvin. Sagan hefur verið vinsælt viðfangsefni, bæði í skáldsögum og kvikmynd, eins og Húnvetningar flestir þekkja, segir á huni.is.Meira -
Gul veðurviðvörun!
feykir.is Skagafjörður, Austur-Húnavatnssýsla, Vestur-Húnavatnssýsla 22.12.2024 kl. 21.01Lögreglan á Norðurlandi vestra vekur athygli á slæmri veðurspá næstu daga. Gul veðurviðvörun tók gildi kl.04.00 í nótt, aðfaranótt þorláksmessu, og er til 10.00 í dag. Aftur brestur á með gulri viðvörun kl.19.00 í kvöld og er fram á aðfaranótt aðfangadags. Suðaustan 15-23 m/s með vindhviðum allt að 35-40 m/s við fjöll. Sum sé varasamt ferðaveður á milli landshluta.Meira -
„Þótti jafn sjálfsagt í uppvextinum að prjóna eins og að draga andann“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 22.12.2024 kl. 13.38Jóhanna Erla Pálmadóttir býr að Akri í Húnabyggð ásamt syni sínum Pálma. Helga dóttir hennar er kennari í Reykjavík og býr þar. Gunnar maður hennar Jóhönnu lést frá þeim er mjög mjúk og þelmikil. Jóhanna er textílkennari frá Kaupmannahöfn en þar bjó fjölskyldan í sjö ár á níunda áratugnum. Jóhanna er verkefnastjóri hjá Textílmiðstöð Íslands í Kvennaskólanum á Blönduósi og sinnir tóvinnukennslu, umsjón með listamönnum sem dvelja hjá þeim og sinnir líka ýmsum öðrum tilfallandi verkefnum. Jóhanna telur sig vera stoltan atvinnuprjónara og selur prjónlesið sitt mest í Ullarselinu á Hvanneyri. Þar var Jóhanna verkefnastjóri þegar það var stofnað árið 1992 og nokkur ár til viðbótar. Frá upphafi hefur textíll verið viðloðandi í lífi Jóhönnu, enda þótti það vera jafn sjálfsagt í hennar uppvexti að prjóna eins og að draga andann.Meira -
Lakkrístopparnir sívinsælu urðu til í eldhúsi á Sauðárkróki
feykir.is Skagafjörður, Lokað efni 22.12.2024 kl. 09.00Arndís María Einarsdóttir er fædd og uppalin á Sauðárkróki. Dóttir Einars Einarsonar sem lengi var kenndur við Steinullarverksmiðjuna og sem gaman er að bæta við að er sonur hjónanna Einars og Dísu í verslunni Vísi á Blönduósi sem þá var og hét. Mamma hennar er Hrefna Guðmundsdóttir sem er í raun ástæða þess að Feykir hafði samband við Arndísi. Arndís bjó á Sauðárkróki fram að 18 ára aldri en flutti þá á höfuðborgarsvæðið þar sem hún býr enn ásamt eiginmanni sínum, Birgi Erni Strange, og þremur börnum; Ara Hrafni, Unu Lind og Yrsu Ýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.