Systir Gitzy með gull í Tokyo
Ekki náðu Íslendingar í verðlaun á Ólympíuleikunum í Tokyo og voru ekki nálægt því að þessu sinni. Margir hafa notið þess að fylgjast með fjölbreyttum greinum sem keppt hefur verið í og öllu því ljúfsára drama og þeirri botnlausu gleði sem fylgir þessum stórkostlegu leikum. Með góðum vilja getur Tindastólsfólk samglaðst stúlku frá Dyflinni, Kellie Harrington og fjölskyldu hennar, en Kellie gerði sér lítið fyrir í nótt og nældi í gull í boxi fyrir Íra.
Kellie er fædd árið 1989 og hefur nú um nokkurt skeið verið einn albesti boxari heims í sínum þyngdarflokki og unnið til fjölda verðlauna. Og í nótt var stóra stundin þegar hún mætti Beatriz Ferreira frá Brasilíu í slag um Ólympíugull. Kellie var varkár og skynsöm og hélt kúlinu á meðan Beatriz rembdist eins og rjúpa við staur. Þrátt fyrir að hafa tapað fyrstu lotunni þá varð það niðurstaða allra fimm dómaranna að Kellie hefði unnið bardagann á stigum
Og hvað kemur þetta Tindastólsfólki við? – gæti nú einhver spurt. Jú, bróðir Kellie er hinn eini sanni Christopher Thomas Harrington, kallaður Gitzy, en hann er tveimur árum eldri en Kellie. Hann kom fyrst á Krókinn 2013 og spilaði fjóra leiki fyrir Stólana í 1. deildinni. Gitzy var ekki besti fótboltamaðurinn sem hefur skellt sér í Tindastólstreyjuna en kunnugir segjast sjaldan eða aldrei hafa kynnst manni með jafn ríkan áhuga á knattspyrnu og er þó framboðið all nokkurt af slíkum.
Eftir veruna á Króknum hefur Gitzy spilað en þó að langmestu leyti þjálfað á Íslandi með smá stoppi í Færeyjum. Hann var aðstoðarþjálfari hjá góðvini sínum Stephen Walmsley sem þjálfaði Tindastól sumarið 2017 og náði þá sex leikjum með liði Drangeyjar í fjórðu deildinni, Hann var einnig aðstoðarþjálfari kvennaliðs Tindastóls um tíma og þjálfaði yngri flokka Tindastóls. Hann hefur nú síðustu árin m.a. komið að þjálfun á Ísafirði með Bjarna Jó, á Akureyri með Donna og starfar nú í Reykjavík þar sem hann þjálfar kvennalið Fram í 2. deildinni.
Gitzy er ekki búinn að leggja skóna á hilluna því nú í sumar hefur hann spilað með liði KM í C-riðli 4. deildar. Hann er kominn með tíu leiki á tímabilinu og skoraði sitt fyrsta mark á Íslandi í 6-1 stórsigri KM á liði Álafoss – og reyndar eina sigri KM í sumar.
Kappinn flaug að sjálfsögðu heim til Írlands til að geta horft með fjölskyldu sinni á systurina taka gull. Feykir óskar Gitzy og írsku fjölskyldunni til hamingju með Kellie!
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.