Sviðamessa til styrktar fyrstu vegasjoppunni á Íslandi
Boðað hefur verið til sviðamessu nk. laugardag, 29. október, í Félagsheimilinu á Hvammstanga og mun allur ágóði viðburðarins mun renna til endurbyggingar Norðurbrautar, fyrstu vegasjoppunnar, sem hugmyndir eru um að komið verði fyrir á lóð Verslunarminjasafnsins ásamt Bangsabát.
Á Facebooksíðu viðburðarins kemur fram að sagt verði stuttlega frá sögu Norðurbrautar og áform kynnt um endurbygginguna og hugmyndir um staðsetningu. Þá verða á borðum bæði heit og köld svið, sviðalappir og tilheyrandi meðlæti og á barnum til sölu bæði áfengir og óáfengir drykkir. Húsið/barinn opnar kl. 19:00 og borðahald hefst kl. 20:00.
Hverjir stíga á SVIÐ?
Veislustjóri verður hinn síkáti Ingimar á Kjörseyri. Fram koma m.a.: Söng- og tónlistarhópurinn Næturgalarnir, Elinborg Sigurgeirsdóttir og Kristín Guðmundsdóttir á píanó og þverflautu auk Stórhljómsveitar Elinborgar harmonikkuhljómsveitar með meiru. Þá verða happdrættismiðar til sölu með fjölda frábærra vinninga.
Aðgöngumiðar verða seldir hjá Þuríði Þorleifsdóttur í síma 845 0586 en fyrirtæki og einstaklingar á svæðinu styrkja þetta framtak með því að gefa mestallt hráefni og vinnu. Miðaverð 6.000 krónur.
„Missið ekki af einstakri veislu og skemmtun. Fyrstir koma, fyrstir fá,“ segir í Facebookfærslu Verslunarminjasafnsins og samstarfsaðila.
Fleiri fréttir
-
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.