Stríðinn klaufabárður
Það er eitthvað svo krúttlegt við að fylgjast með Dachshundi trítla með eiganda sínum í göngutúr um götur bæjarins að mann langar ekkert annað en að heilsa upp á þennan fallega hund sem elskar að fá athyggli og klapp. Dachshund eða langhundur eins og hann er kallaður á Íslandi var fyrst ræktaður til veiða á kanínum en varð svo vinsælt gæludýr meðal kóngafólks. Í dag er þessi tengud á meðal tíu vinsælustu hundategunda í heiminum. Þeir eru þekktir fyrir stuttar lappir og langan búk sem sumum þykir minna helst á pylsu en þrátt fyrir að vera smágerðir eru þeir mjög kraftalega vaxnir.
Rebekka Ósk Rögnvaldsdóttir, dóttir Margrétar Viðarsdóttur og Rögnvaldar Inga Ólafssonar á Króknum, er svo heppin að eiga eina svona „krúttpylsu“ sem ber nafnið Freyja.
Hvernig eignaðist þú Freyju? Ég eignaðist hundinn í gegnum fyrrverandi kærasta minn, frænka hans passar og þjálfar hunda og var með þennan hund í pössun. Hann sendi mér mynd af hundinum í vor og sagði mér í djóki að kaupa hann, þar sem við vorum nýbúin að missa hinn hundinn okkar. Svo enduðum við á því að kaupa Freyju og fengum hana í hendurnar 17. júní í útskriftarveislu hjá fyrrverandi.
Hvað er skemmtilegast við gæludýrið þitt? Það er sennilega hve klaufaleg hún er, búkurinn hennar er svo langur og fæturnir stuttir og það virðist sem svo að hún geri sér ekki oft grein fyrir því. Hún á það til að drífa ekki þegar hún ætlar að hoppa upp í sófa, og hún er mikið að vinnameð það að troða sér inn á milli einhvers staðar og ná ekki að koma sér aftur út því hún nær ekki að snúa við.
Hvað er erfiðast? Hún er svo agalega athyglissjúk og stríðin. Ef henni er ekki veitt öll athygli byrjar hún að gelta hástöfum og ráðast á tærnar á manni. Svo er hún mikið að vinna með það að vaða í óhreina tauið hjá manni og fá mann til að elta sig um húsið þar sem hún er með óhreinar nærbuxur í kjaftinum.
Ertu með einhverja sniðuga eða merkilega sögu af gæludýrinu? Þegar við vorum búin að eiga hana í svona mánuð, varð hún allt í einu rosalega veik. Hún borðaði ekki neitt og lá bara í bælinu sínu allan daginn, einu skiptin sem hún fór fram úr var til að æla. Okkur leist ekkert á hana og heyrðum í dýralækni og henni versnaði bara og versnaði. Svo stuttu áður en við fórum með hana til dýralæknis kúkaði hún loksins og þá komumst við að því að hún hafði gleypt skopparabolta, sem hún skilaði þarna rétt fyrir læknatímann. Það var allt í himnalagi með hana eftir það.
Feykir þakkar Rebekku kærlega fyrir að taka þátt í gæludýraþættinum
Sigga sigga sigga
Fleiri fréttir
-
"Finnst mjög gaman að skapa fyrir barnabörnin"
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 26.12.2024 kl. 13.58Helga Þorbjörg Hjálmarsdóttir fædd og uppalinn á Tunguhálsi ll í Tungusveit býr með Guðmundi Guðmundssyni frá Fossum í Svartárdal á Lækjarbrekku á Steinsstöðum. Þau byggðu sér hús þar árin 1994-1995 og ólu upp sín fjögur börn sem öll eru flogin úr hreiðrinu, eiga sjö barnabörn og eitt á leiðinni. Helga starfar sem stuðningsfulltrúi í Varmahlíðarskóla og við heimaþjónustu í Skagafirði.Meira -
Aðsend Jólasaga - „Anna litla og tuskudúkka“ | Rúnar Kristjánsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.12.2024 kl. 13.00Anna litla sat úti í einu horninu á litlu lóðinni kringum húsið og lék sér með tuskudúkkuna sína. Það var sólskin og blíða og hún var þarna ein að dunda sér. Henni fannst svo mikils virði að fá að vera í friði með sín hugðarefni. Það var svo sjaldan hægt að fá frið, því systkinin voru mörg og oft svo hávaðasamt á heimilinu. Eldri bræður hennar þóttust orðnir heilmiklir karlar og litu á hana sem smábarn og stóra systir gat stundum verið svo mikil skessa við hana. Önnu litlu fannst hún oft vera ein í heiminum. Það var eins og enginn skildi hana eða vildi gefa sér tíma til að sinna henni.Meira -
Héldu glöð, ánægð og hrærð út í kvöldhúmið
feykir.is Skagafjörður, Lokað efni 25.12.2024 kl. 10.00Kirkjukór Glaumbæjarprestakalls lagði land undir fót í aðdraganda aðventu í byrjun nóvember og hélt til Þýskalands til að syngja á menningarnótt í Rheinsberg þar í landi. Ferðin var farin ári á eftir áætlun og Feykir hafði samband við Gunnar Rögnvaldsson á Löngumýri og bað hann að segja okkur ferðasöguna.Meira -
Fyrst New York Times og nú Feykir
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.12.2024 kl. 09.00Ragnheiður Sjöfn Jóhannsdóttir er fædd á Landsspítalanum að morgni 27. júlí 1955 og flaug sína fyrstu flugferð tíu daga gömul til Sauðárkróks, með kjörforeldrum sínum, en hún er kjördóttir þeirra Jóhanns Sólbergs Þorsteinssonar mjólkursamlagsstjóra og Áslaugar Sigfúsdóttur og hefur verið Sauðkrækja síðan. Ragnheiður segist þurfa að búa á landsbyggðinni og bjó lengi í Borgarnesi og svo Mosfellsbæ áður en hún flutti á Hvammstanga þar sem hún býr í dag með manni sínum Guðmundi Hauki Sigurðssyni.Meira -
Gleðileg jól
feykir.is Skagafjörður, Austur-Húnavatnssýsla, Vestur-Húnavatnssýsla 24.12.2024 kl. 18.00Steikin inn í ofninum og spennan stöðugt vex, allir bíða eftir því að klukkan slái sex, eins og segir í textanum, nú þarf ekki lengur að bíða þess og óskar Feykir lesendum og landsmönnum öllum gleðilegra jóla og farsældar á komandi ári með kærri þökk fyrir það liðna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.