Stólastúlkur stigi frá að tryggja sætið í Bestu deildinni
Tindastóll sótti lið Selfoss heim í annarri umferð úrslitakeppni neðri hluta Bestu deildarinnar í dag. Á sama tíma áttust við lið ÍBV og Keflavíkur í Eyjum en fyrir umferðina stóð lið ÍBV best að vígi, þá kom lið Tindastóls og loks lið Keflavíkur. Selfossliðið var hins vegar þegar fallið en gaf ekkert eftir gegn Stólastúlkum sem reyndust þó sterkari á endanum og unnu leikinn 1-2.
Sigurinn var mjög mikilvægur því lið Keflavíkur gerði sér lítið fyrir og sigraði Eyjastúlkur með sömu markatölu. Staða liðanna er því sú sama og hún var áður en úrslitakeppnin hófst nema hvað nú eru ÍBV og Keflavík með jafn mörg stig, 21, en lið Tindastóls 23 og stendur því best að vígi fyrir lokaumferðina sem verður næstkomandi laugardag. Þá kemur ÍBV í heimsókn á Krókinn en liði Tindastóls dugar eitt stig í leiknum en væntanlega verða gestirnir að sækja til sigurs því á sama tíma mæta Keflvíkingar liði Selfoss sem er ekki til stórræðanna. Spennan er því enn algjör í neðri hlutanum.
Tindastólsliðið sótti hart að marki Selfyssinga frá byrjun og uppskar mark á 16. mínútu. Stólastúlkur fengu þá góð færi eftir hornspyrnur en Karen Rós varði vel í marki heimastúlkna. Laufey tók síðan stutta hornspyrnu, gaf á Hönnuh sem sendi góðan bolta inn á markteig þar sem Karen missti af boltanum sem féll fyrir Melissu Garcia sem kom honum í markið. Guðrún Þóra Geirsdóttir jafnaði metin á 40. mínútu með sinni fyrstu snertingu en hún hafði komið inn á mínútu síðar. Hún skallaði laglega inn sendingu frá Barbáru Gísladóttur og Monica átti ekki séns í marki Tindastóls. Staðan 1-1 í hálfleik.
Stólastúlkur náðu yfirhöndinni á ný í síðari hálfleik en markið lét á sér standa. Murr slapp ein inn fyrir vörn Selfoss en aðstoðardómari flaggaði hana rangstæða. Á 81. mínútu átti Laufey langa sendingu inn fyrir vörn heimastúlkna og þá slapp Aldís María inn fyrir, með varnarmann í bakinu tókst henni að koma boltanum framhjá Kareni Rós í markinu en Karen náði Aldísi niður og uppskeran vítaspyrna. Úr henni skoraði Hannah Cade af öryggi og tryggði liði Tindastóls sigurinn.
Lokaumferð úrslitakeppninnar verður sem fyrr segir á laugardaginn og hefjast leikirnir kl. 14:00. Koma svo – áfram Tindastóll!
Fleiri fréttir
-
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.