Stólastúlkum mistókst að stela sjöunda sætinu af Stjörnunni
Stólastúlkur spiluðu síðasta leik sinn í Bestu deildinni þetta sumarið í gær þegar þær heimsóttu Stjörnuna í Garðabæinn í úrslitakeppni neðri liða. Bæði lið voru örugg með sitt sæti í deildinni en Donni vildi sjá sitt lið sækja til sigurs og ræna sjöunda sætinu af Stjörnunni og vinna Forsetabikarinn. Tindastóll þurfti að vinna leikinn með þriggja marka mun til þess að svo gæti orðið en það hafðist ekki í þetta skiptið. Lokatölur 2-1 fyrir Stjörnuna.
Reyndar leit þessi draumur ekki svo fáránlega út í byrjun því Jordyn Rhodes kom liði Tindastóls yfir eftir 22 sekúndur, Gabby vann þá boltann á miðjunni kom honum fram á Jordyn sem lagði boltann fyrir sig og lét vaða af um 25-30 metra færi og boltinn söng í netinu. Leikurinn var býsna opinn eftir þetta og bæði lið fengu færi og urmul hornspyrna. Stjörnustúlkur vörðust vel föstum leikatriðum Tindastóls. Á 24. mínútu jöfnuðu heimastúlkur metin með marki Huldu Arnarsdóttur eftir laglegt samspil. Jafnt var í hálfleik en á 48. mínútu fór Hrefna Jónsdóttir illa með vörn Tindastóls, brunaði framhjá nokkrum leikmönnum og komst á auðan sjó inn á teig og afgreiddi boltann örugglega í mark Monicu.
Sigurinn hefði getað lent hvoru megin sem var og leikurinn bar þess kannski merki að það voru engin ósköp undir, bæði lið nokkuð sátt við sitt í sumar. Það hefur verið jákvæð þróun í leik Tindastóls síðustu misserin, liðinu gengur mun betur að halda í boltann, spila boltanum fram völlinn og skapa færi. Það sem finna má að er kannski helst að varnarleikurinn hefur ekki verið jafn öflugur og oft áður og ekki hefur tekist nógu vel að nýta færin.
Lið Tindastóls átti undir högg að sækja í síðari umferð Bestu deildarinnar en náði vopnum sínum í úrslitakeppninni. Liðið endaði með 19 stig, markatöluna -18 en Jordyn Rhodes gerði tólf mörk í 21 leik í Bestu deildinni og er næst markahæst í deildinni. Lið Fylkis og Keflavíkur féllu í Lengjudeildina en þau lið voru ágætlega spilandi; Fylkiskonum gekk hinsvegar illa að skora og Keflvíkingum hörmulega að halda forystunni í sínum leikjum.
Fleiri fréttir
-
Frítt í landsbyggðarstrætó á bíllausa daginn
feykir.is Skagafjörður, Austur-Húnavatnssýsla, Vestur-Húnavatnssýsla 18.09.2024 kl. 15.03Vegagerðin tekur virkan þátt í Evrópsku samgönguvikunni, meðal annars með því að hafa frítt í landsbyggðarstrætó á bíllausa daginn, sunnudaginn 22. september. Á netsíðu Vegagerðarinnar segir að borgir og bæir á Íslandi hafi tekið þátt í Evrópsku samgönguvikunni frá árinu 2002. Samgönguvikan er samstillt átak sveitarfélaga í Evrópu sem er ætlað að ýta undir sjálfbærar samgöngur.Meira -
Skólafólk nestaði sig inn í nýtt skólaár
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 18.09.2024 kl. 15.01Haustþing Kennarasambands Norðurlands vestra fór fram í Miðgarði í Varmahlíð þann 30. ágúst síðastliðinn. Formaður KSNV er Álfhildur Leifsdóttir kennari við Árskóla á Sauðárkróki og hún féllst á að svara nokkrum spurningum Feykis um þingið og eitt og annað tengt skólamálum.Meira -
Hefur sennilega aldrei slegið garð foreldranna jafn oft
feykir.is Austur-Húnavatnssýsla, Íþróttir, Vestur-Húnavatnssýsla 18.09.2024 kl. 13.43Feykir heyrði síðast hljóðið í Ingva Rafni Ingvarssyni, þjálfara Kormáks/Hvatar í 2. deildinni í knattspyrnu þegar um sex umferðir voru eftir af mótinu. Þá stóðu Húnvetningar ansi vel, voru í áttunda sæti með 18 stig og virtust nokkuð öruggir með sætið í deildinni. Ingvi Rafn vonaðist eftir sex stigum í næstu tveimur leikjum og það átti að fara langt með að tryggja sætið. Liðið vann ekki einn einasta leik frá þeim tíma en slapp við fall í síðustu umferðinni þar sem KF náði ekki að vinna sinn leik.Meira -
Stundum líður manni eins og við séum að spila berfætt á grýttum malarvelli
feykir.is Austur-Húnavatnssýsla, Mannlíf 18.09.2024 kl. 10.44„Framundan er árleg vinna við fjárhagsáætlun sem á sér fastan sess í dagatali sveitarfélagsins. Sameining við Skagabyggð er nýlega formfest og nú er hafin vinna við að sameina fjáhag sveitarfélaganna en þau verða gerð upp sem eitt á þessu ári,“ segir Pétur Bergþór Arason, sveitarstjóri Húnabyggðar, þegar Feykir gabbar hann í að svara nokkrum spurningum tengdum Húnabyggð. Sveitarfélagið Húnabyggð varð til við sameiningu Blönduóss og Húnavatnshrepps sumarið 2022 og Pétur því fyrsti sveitarstjórinn.Meira -
Sálfélagsleg þjónusta við börn og ungmenni efld hjá HSN með nýju geðheilsuteymi barna
feykir.is Skagafjörður, Austur-Húnavatnssýsla 18.09.2024 kl. 10.16Eins og tilkynnt hefur verið mun þjónusta sem barna- og unglingageðteymi (BUG) hefur veitt á Sjúkrahúsinu á Akureyri (SAk) færast til Heilbrigðisstofnunar Norðurlands (HSN) frá og með 1. október. Verður hún hluti af sálfélagslegri þjónustu HSN sem hefur sinnt grunnþjónustu (vægum til miðlungs vanda) við börn og fullorðna og sinnt einstaklingum með alvarlegri og flóknari vanda innan geðheilsuteymis fullorðinna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.