Stólarnir unnu alla leiki sína í síðari umferðinni
Karlalið Tindastóls í knattspyrnu spilaði síðasta leik sinn í 4. deild í gær en þá sóttu strákarnir lið KÁ heim í Hafnarfjörð á BIRTU-völlinn. Stólarnir höfðu þegar tryggt sér efsta sæti deildarinnar og sæti í 3. deild að ári og því leikurinn kannski mest upp á stoltið og að halda mönnum á tánum fyrir komandi undanúrslitaleik í Fótbolti.net bikarnum. Lokatölur urðu 0-3 fyrir Stólana.
Fyrri leikur liðanna fór fram á Króknum í júlí en hann endaði með jafntefli, 1-1, en síðan þá hafa Stólarnir unnið alla sína leiki. Addi Ólafs kom Stólunum yfir í gær eftir 22 mínútur og Svend Emil bætti öðru marki við á 42. mínútu. Addi gulltryggði svo sigurinn með marki á 71. mínútu. Addi er búinn að gera níu mörk í deildinni í sumar og hefur sennilega aldrei spilað betur en að auki er hann búinn að gera tvö mörk í Fótbolti.net bikarnum.
Þar með endaði lið Tindastóls með 43 stig á toppi 4. deildar, vann 13 leiki, gerði fjögur jafntefli og tapaði aðeins einum leik. Liðið vann alla leiki sína í síðari umferð mótsins og markatala liðsins var 48-14. Þá reiknast Feyki til að liðið hafi aðeins fengið þrjú mörk á sig alla síðari umferðina. Góður árangur byggist oftar en ekki á góðri vörn og ef Stólarnir halda í sinn mannskap fyrir næsta tímabil í 3. deildinni þá veit þetta á gott.
Það er lið Ýmis í Kópavogi sem fylgir Stólunum upp um deild en Ýmir vann lið Hamars í dag, 3-2, eftir að hafa lent 0-2 undir. Árborg, sem var að spila mjög vel í seinni umferðinni, þó ekki jafn frábærlega og Stólarnir, urðu því að sætta sig við þriðja sætið. Það voru síðan Skallagrímur og RB sem féllu í 5. deild.
Fleiri fréttir
-
Æfingar hefjast hjá Skagfirska kammerkórnum.
feykir.is Skagafjörður, Austur-Húnavatnssýsla, Vestur-Húnavatnssýsla 16.09.2024 kl. 14.50Miðvikudaginn 11.september hóf Skagfirski kammerkórinn æfingar á ný eftir sumarfrí og heldur inn í sitt tuttugasta og fimmta starfsár.Meira -
Hvaðan kemur verðbólgan? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 16.09.2024 kl. 14.35Tveir helztu drifkraftar verðbólgunnar hér á landi undanfarin misseri hafa annars vegar verið kostnaður vegna húsnæðis og hins vegar innflutt verðbólga. Aðallega frá ríkjum Evrópusambandsins enda mest flutt inn þaðan. Verðbólga jókst þar ekki vegna aukinna umsvifa heldur fyrst og fremst vegna glórulausra ákvarðana evrópskra ráðamanna í orkumálum sem varð til þess að ófá ríki sambandsins urðu háð orku frá Rússlandi. Þegar loks var brugðist við í þeim efnum, þó enn sé flutt inn mikið af rússneskri orku, leiddi það til hærra orkuverðs, þar með hærri framleiðslukostnaðar og loks hærra vöruverðs sem síðan skilaði sér hingað.Meira -
Oddviti Húnabyggðar ósáttur við vinnubrögð Vegagerðarinnar
feykir.is Austur-Húnavatnssýsla 16.09.2024 kl. 10.24„Ég ætla bara að ítreka það að við erum búin að standa við okkar. Við erum búin að sameina og mér finnst það asskoti hart að fá svona í bakið fyrir mitt samfélag. Við erum að reyna að sameina samfélög, við gerum það ekki með því að búa til óeiningu milli hverfa í okkar samfélagi,“ sagði Guðmundur Haukur Jakobsson, oddviti Húnabyggðar, í samtali við RÚV í gær.Meira -
30 milljónir settar í undirbúning fyrir Fljótagöng
feykir.is Skagafjörður 16.09.2024 kl. 09.23Stjórnvöld hafa ákveðið að flýta rannsóknum fyrir jarðgöng úr Fljótum og til Siglufjarðar og er nú stefnt að því að borun fyrir jarðgöng geti hafist árið 2026. Þrjátíu milljónum verður varið í að undirbúa gerð jarðganga úr Skagafirði í Fjallabyggð sem myndi leysa af hólmi veg um Almenninga en hann hefur farið illa í veðrum og jarðhreyfingum undanfarin ár og er talinn hættulegur vegfarendum.Meira -
Kormákur/Hvöt hélt sæti sínu í 2. deild þrátt fyrir tap í lokaumferðinni
feykir.is Austur-Húnavatnssýsla, Íþróttir, Vestur-Húnavatnssýsla 15.09.2024 kl. 19.07Það var hart barist í síðustu umferð 2. deildarinnar í tuðrusparkinu í gær. Hvorki hafði gengið né rekið hjá Kormáki/Hvöt í síðustu leikjum og útlitið ekki verulega gott fyrir lokaleikinn; erfiður andstæðingur í Ólafsvík á meðan lið KF spilaði heima á Ólafsfirði gegn Hetti/Huginn sem hafði tapað fimm leikjum í röð og virtust hættir þetta sumarið. Það eina sem spilaði með Húnvetningum var að þeir höfðu stigi meira en lið KF fyrir síðustu umferðina og það reyndist heldur betur mikilvægt þar sem bæði lið töpuðu og bættu því ekki við stigasafnið. Kormákur/Hvöt náði því í raun þeim frábæra árangri að halda sæti sínu í 2. deild og það voru víst ekki margir sem veðjuðu á það fyrir mót.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.