Stólarnir töpuðu naumlega fyrir Dalvík/Reyni í Mjólkurbikarnum
Tindastóll spilaði ekki bara körfuboltaleik sl. laugardag því fótboltastrákarnir skruppu yfir Öxnadalsheiðina og mættu sameinuðu liði Dalvíkur/Reynis á Dalvíkurvelli. Leikurinn var liður í 2. umferð Mjólkurbikars KSÍ. Heimamenn spila tveimur deildum ofar en Stólarnir, eru semsagt í 2. deildinni, en þeir lentu í brasi með gestina. Lokatölur voru þó 2-1 fyrir Dalvík/Reyni og sigurganga Tindastóls í bikarnum reyndist því stutt.
Það var Blönduósingurinn knái, Jón Gísli Stefánsson, sem náði forystunni fyrir lið Tindastóls á 18. mínútu og litlu mátti muna að gestirnir héldu forskotinu fram að leikhléi. Borja Lopez Laguna jafnaði því miður metin fyrir Dalvík/Reyni á þriðju mínútu í uppbótartíma fyrri hálfleiks. Það var síðan á 72. mínútu leiksins sem Áki Sölvason gerði sigurmark leiksins og sendi Stólana út úr bikarnum.
Það var kannski helst að frétta af liðsuppstillingu Dom Furness, þjálfara Tindastóls, að hann var í svipaðri stöðu og Pavel Ermolinski, þjálfari Stólanna í körfunni – átti hann að velja sjálfan sig í liðið!? Jú. Ólíkt Pavel þá mætti Dom í keppnisbúningnum á Dalvíkurvöll og spilaði sinn fyrsta leik fyrir Stólana frá því sumarið 2012.
Við munum alltaf hafa áætlun um hvernig á að vinna leikinn
Feykir lagði nokkrar spurningar fyrir Dom þjálfara og byrjaði á að spyrja hvað honum hefði fundist um leikinn á Dalvík. „Við vorum með plan fyrir leikinn og trúðum því að þetta væri leikur sem við gætum unnið gegn andstæðingi á hærra stigi. Það er hugarfarið sem við þurfum að hafa. Sama hvaða andstæðing við spilum á móti, við munum alltaf hafa áætlun um hvernig á að vinna leikinn, jafnvel þó það sé andstæðingur á efstu stigi. Sú trú er svo mikilvæg og maður sá að hún var áberandi á vellinum, hvernig strákarnir unnu og börðust fyrir hvern annan og settu pressu á mark Dalvíkinga alveg þangað til flautað var til leiksloka.“
Varstu ánægður með liðið? „Strákarnir hafa verið stórkostlegir frá fyrsta degi. Þeir hafa tekið vel á því á æfingum, ýtt hver við öðrum, stutt við bakið á félögum sínum, keppt hver við annan – þetta hefur verið frábært. Viðhorfið hefur verið frábært og þeir hafa lagt hart að sér.“
Stefnirðu á að styrkja liðið fyrir átökin í 4. deildinni? „Spyrðu hvaða þjálfara sem er og þeir munu alltaf leitast við að styrkja liðið, auðvitað erum við ekkert öðruvísi; við erum að vinna hörðum höndum að því að ná árangri.“
Næsti leikur Tindastóls er ekki fyrr en eftir rúman mánuð en þá hefst keppni í 4. deild Íslandsmótsins. Stólarnir fá Uppsveitir í heimsókn laugardaginn 13. maí og hefst leikurinn kl. 15:00.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.