Stólarnir negla samning við Nesa
Körfuknattleiksdeild Tindastóls hefur samið við heimamanninn Hannes Inga Másson um að leika með liðinu á komandi tímabili í Bónus-deildinni. Hannes þarf vart að kynna fyrir Tindastólsfólki og það eru ákaflega ánægjuleg tíðindi að hann taki slaginn með liðinu áfram.
„Ég er virkilega spenntur fyrir komandi tímabili, mér lýst vel á nýja þjálfara og hópinn sem við erum með,” segir Hannes en hann sýndi góða takta í æfingaleiknum gegn Stjörnunni á dögunum og smellti í 14 stig.
Dagur formaður er líka spenntur fyrir tímabilinu og ánægður með veru Hannesar í liðinu „Það er sérstaklega ánægjulegt að halda svona öflugum heimamanni í liðinu. Hannes er frábær liðsmaður og í fantaformi og verður gaman að fylgjast með honum í vetur."
Þriðji æfingaleikur Stólanna er síðan annað kvöld en þá mætir lið Hattar frá Egilsstöðum í Síkið og hefst leikur kl. 19:15.
Fleiri fréttir
-
Afnám tollfrelsis minni skemmtiferðaskipa þegar farið að hafa neikvæð áhrif
feykir.is Skagafjörður 19.09.2024 kl. 13.30„Höfnin hérna er búin að vera að byggja upp komur skemmtiferðaskipa til Skagafjarðar og á næsta ári var þegar búið að bóka tíu komur á Sauðárkrók og fimm á Hofsós,“ sagði Dagur Þór Baldvinsson, hafnarstjóri Skagafjarðarhafna, þegar Feykir innti hann eftir því hvort hann hefði áhyggjur af afleiðingum þess að um áramótin er stefnt að því að tollfrelsi minni skemmtiferðaskipa verði afnumið. Dagur sagðist hafa miklar áhyggjur af þessu og nú þegar hafi eitt skip afboðað komu sína vegna þessa.Meira -
Æfingaleik kvennaliðs Tindastóls frestað
feykir.is Skagafjörður, Íþróttir 19.09.2024 kl. 12.39Til stóð að kvennalið Tindastóls, sem mun stíga sín fyrstu spor í efstu deild eftir tvær vikur, ætti að spila æfingaleik við Stjörnuna í kvöld en leiknum hefur verið frestað vegna meiðsla og veikinda sem herja á hóp Tindastóls. Samkvæmt heimildum Feykis er verið að reyna að koma á koma leiknum á að nýju eftir viku en ákvörðun liggur ekki fyrir.Meira -
Héraðsbókasafn Skagfirðinga heldur upp á 120 ára afmælið
feykir.is Skagafjörður, Mannlíf 19.09.2024 kl. 11.17Héraðsbókasafn Skagfirðinga er 120 ára í ár en það var stofnað í kjölfar sýslufundar árið 1904. Síðustu tvo daga hefur verið haldið upp á tímamótin með kökuveislu á afgreiðslustöðvum safnsins; fyrst í Varmahlíðarskóla á þriðjudaginn og á Hofsósi í gær. Það verður svo hægt að gæða sér á köku í dag í höfuðstöðvum safnsins í Safnahúsinu við Faxatorg á Sauðárkróki.Meira -
Þrjú fjós í byggingu og eitt á teikniborðinu
feykir.is Skagafjörður 19.09.2024 kl. 09.40Það hlýtur að teljast til tíðinda og ekki árlegur viðburður að byggingaverktakar í Skagafirði standi í ströngu við að byggja ekki eitt heldur þrjú fjós og það fjórða er á teikniborðinu. Fyrst ber að nefna 1000 m2 fjós á bænum Ytri Hofdölum í Viðvíkursveit, 843 m2 fjós í Flugumýrarhvammi í Blönduhlíð og að lokum 1100 m2 viðbygging við fjósið sem fyrir er á Gili í Skarðshreppi hinum forna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.