Stólarnir í stuði gegn stemningslitlu liði KR
Tindastólsmenn skelltu sér í Vesturbæinn í gær þar sem tveggja punkta KR-ingar biðu þeirra. Vanalega eru rimmur liðanna spennandi og skemmtilegar en því fór víðs fjarri í gær. Leikurinn var skemmtilegur fyrir stuðningsmenn Tindastóls en Vesturbæingar hefðu sjálfsagt flestir kosið að hafa haldið sig heima fyrir framan endursýningu á Barnaby. Reyndar munaði aðeins tíu stigum í hálfleik en Stólarnir bættu vörnina í síðari hálfleik og stungu stemningslitla KR-inga af. Lokatölur 77-104.
Það má segja að Tindastólsliðið hafi verið mun betri aðilinn í leiknum og lék oft á tíðum við hvurn sinn fingur. Til dæmis var hreinlega magnað að fylgjast með samspili Sigga og Arnars en Siggi endaði stigahæstur með 23 stig og Arnar átti 13 stoðsendingar og sumar hrein listaverk. Svona er að sjálfsögðu hægt að spila þegar andstæðingurinn er úti á þekju en varnarleikur Vesturbæinga var hreinlega ekki til staðar á löngum köflum í leiknum. Það breytir þó ekki því að Stólarnir voru góðir, spiluðu hratt og fundu oftar en ekki góð skot og þá var varnarleikur gestanna oft þannig að það mátti vorkenna mótherjunum pínulítið – eða það lá við.
Stólarnir komust í 0-6 með þristum frá Ragga og Arnari en fljótlega jöfnuðu heimamenn leikinn, 9-9. Körfur frá Zoran, Sigga og Key komu Stólunum á ný í bilstjórasætið og tíu stigum munaði að loknum fyrsta leikhluta, staðan 18-28. KR-ingar héldu í horfinu fram að hálfleik en þá var enn tíu stiga munur, staðan 40-50.
Gestirnir komu ákveðnir til leiks í síðari hálfleik og Helgi Magg, þjálfari KR, varð að taka leikhlé eftir eina og hálfa mínútu en þá höfðu Stólarnir gert sjö fyrstu stigin og komnir með 17 stiga forystu. Það skilaði ekki miklu því munurinn var fljótlega orðinn tuttugu stig og ljóst að Stólarnir stefndu á að taka stigin með sér heim. Undir lok þriðja leikhluta náðu KR-ingar að rétta örlítið úr kútnum og minnkuðu muninn í 15 stig, 56-71, en Stólarnir leiddu 60-78 fyrir lokafjórðunginn. EC Matthews, sem var langbestur í liði KR, minnkaði muninn í 14 stig snemma í fjórða leikhluta en þá tóku Arnar og Siggi yfir og Stólarnir náðu 22 stiga forystu og þá var nú allur móður úr Vesturbæingum. Vlad skellti inn yngri og eldri mönnum sem sigldu heim öruggum sigri.
Lið Tindastóls var gott í gær og margir leikmenn sýndu sínar bestu hliðar. Siggi Þorsteins var stigahæstur með 23 stig á 21 mínútu og virðist óðum nálgast sitt besta form eftir meiðslavesen. Hann var vinnusamur, varði skot og skrínaði af miklum móð. Taiwo Badmus var sömuleiðis í gírnum og gerði nánast það sem honum sýndist og skoraði körfur í öllum regnbogans litum. Hann var með 22 stig. Keyshawn var með 17 stig, sex fráköst og níu stoðsendingar og Arnar 13 stig og 13 stoðsendingar. Þá var Zoran með 12 stig og fimm fráköst. Þá má nefna það að Orri Svavars átti fína innkomu, gerði fimm stig í tveimur skotum. Pétur var á bekknum en kom ekki við sögu í leiknum en það mátti skilja á Vlad fyrir leik að nokkrir leikmenn væru að stríða við veikindi eða meiðsli. EC Matthews gerði 31 stig fyrir KR en næstur honum var Þorri með 12 stig.
Nú eru Stólar komnir í stutt jólafrí en á milli jóla og nýárs, nánar tiltekið kl. 18:15 þann 29. desember, koma Íslandsmeistarar Vals í heimsókn. Þá er spurning að sýna Hlíðarendapiltum hvar Davíð keypti jólaölið...
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.