Stjörnusigur í hörkuleik í Garðabænum
Stjarnan og Tindastóll mættust í Bestu deild kvenna í Garðabænum í gær. Leikið var við fínar aðstæður og leikurinn hin ágætasta skemmtun þar sem bæði lið fengu urmul færa til að skora. Með sigri hefði lið Tindastóls skotist uppfyrir Garðbæinga og þar með í sjötta sæti deildarinnar en það var hins vegar heimaliðið sem nýtti færin betur og hirtu stigin sem í boði voru. Lokatölur 2-1.
Liðin skiptust á um að sækja og viðureignin var jöfn og spennandi. Það var Aníta Ýr Þorvaldsdóttir sem gerði fyrsta mark leiksins á 21. mínútu. Stjörnustúlkur tóku þá djúpa hornspyrnu sem þær náði að skalla út í miðjan teig þar sem Aníta átti gott skot sem gestirnir náðu ekki að verjast. Aldís María fékk gott færi í fyrri hálfleik þegar hún fékk boltann frá Murr á markteigslínu fyrir nánast opnu marki en boltinn virtist skoppa upp þegar hún ætlaði að setjann þannig laust skotið fór vel yfir marki. Staðan því 1-0 í hálfleik.
Lið Tindastóls mætti vel stemmt inn til síðari hálfleiks og ógnaði ítrekað. Á 63. mínútu átti Aldís María frábær sendingu frá hægti inn á teig þar sem Murr náði ágætum klafsskalla en boltinn small í þverslánni og aftur fyrir. Mínútu síðar var Murr búin að koma sér á markaskoraralistann. Hún fékk þá boltann frá Hugrúnu sem nikkaði boltanum aftur fyrir sig inn á teig og Murr náði hörkuskoti sem Auður í marki heimastúlkna réð ekki við. Þetta var 99. mark Murr í deild og bikar fyrir lið Tindastóls. Bergljót Ásta varð fyrir slæmum meiðslum eftir rúmlega 80. mínútna leik en hún hafði komið inn á fyrir Beatriz Salas á 37. mínútu en sú virtist hafa tognað á nára. Var Bergljót borin af velli og óttast að meiðslin væru alvarleg. Þegar leikur hófst á ný sóttu Stjörnustúlkur fast að marki Tindastóls og gestirnir náðu aldrei valdi á boltanum áður en Sædís Rún Heiðarsdóttir náði hörkuneglu frá vinstra vítateigshorni og boltinn sveif framhjá Monicu markinu og í bláhornið. Þrátt fyrir ágætar tilraunir tókst liði Tindastóls ekki að jafna leikinn og svekkjandi tap því staðreynd í Garðabænum.
Stólastúlkur spiluðu fínan leik og var Donni ánægður með spilamennsku liðsins en augljóslega svekktur með meiðslin sem upp komu í leiknum og gaf í skyn að mögulega þyrfti að skoða það að styrkja liðið enn frekar en lítið væri eftir af skiptiglugganum. Báðar spænsku stúlkurnar splunkunýju fóru meiddar af velli og Bergljót sömuleiðis og sérstaklega virðast meiðslin hrjá afturliggjandi miðjumenn Stólastúlkna.
Hefði getað dottið með okkur
„Við erum mjög óheppnar að nýta ekki færin okkar og missum smá einbeitingu varnarlega með þessi mörk sem við fáum á okkur. Ætli það megi ekki segja að þetta hafi bara verið leikur sem datt með Stjörnunni en ekki okkur því þetta var nokkuð spennandi en kaflaskiptur leikur svo þetta hefði alveg getað dottið með okkur. Eigum að mínu mati fínan leik svo þá er mjög Svekkjandi að fá ekki allavega stig!“ sagði Bryndís Rut fyrirliði Stólastúlkna þegar Feykir spurði hvað hefði klikkað í leiknum.
Það kemur sér væntanlega ágætlega fyrir Tindastól að það eru tíu dagar í næsta leik og vonandi hægt að púsla þeim leikmönnum saman sem stríða við smávægileg meiðsli. Næsti leikur er á Króknum þriðjudaginn 8. ágúst en þá mæta Selfyssingar á Krókinn. Lið Tindastóls hefur þegar tapað tvívegis, nokkuð sannfærandi, gegn botnliði Selfoss í sumar, í deild og bikar, og því kominn tími til að sýna þeim selfisku hvar Davíð keypti ölið.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.