Stjarnan hafði betur eftir sterkan endasprett
Áfram er dripplað á Króknum en í gærkvöldi mættust Tindastóll og Stjarnan í æfingaleik í Síkinu. Það voru gestirnir sem höfðu betur í leiknum þó fátt benti til þess fyrir lokafjórðunginn en það er ólíklegt að fjórði leikhluti endi á Greatest Hits DVD disk Stólanna ef hann verður einhverntímann gefinn út. Lokatölur voru 93-102.
Það er fyrrum þjálfari Stólanna, Baldur Þór, sem stýrir liði Stjörnunnar og hans menn fóru vel af stað í Síkinu, voru yfir 5-20 eftir fimm mínútur. Heimamenn komu til baka og staðan 24-28 þegar annar leikhluti hófst. Þá brá svo við að gestirnir skoruðu ekkert fyrstu fimm mínúturnar og Stólarnir náðu yfirhöndinni og leiddu í hálfleik, 49-41. Allt var í járnum í þriðja leikhluta sem endaði 26-26 og Stólarnir því enn átta stigum yfir fyrir lokaátökin. Þeir voru þremur stigum yfir þegar fimm mínútur voru eftir af leiknum en þá slokknaði á hreyflum heimamanna og Stólaþotan nauðlenti í Síkinu á meðan Stjörnumenn gengu á lagið – unnu síðustu fimm mínúturnar 18-6.
Heimamenn þurfa reyndar ekki að örvænta þar sem liðið var án Drungilas og Grikkjans Jóhannesar og þá missti Pétur af byrjuninni. Basile var stigahæstur með 19 stig, Arnar og Raggi voru með 17 og Geksarinn 16. Þá fann Nesi fjölina sem fólk var farið að halda að væri ekki lengur í Síkinu og setti 14 punkta. Hjá Garðbæingum var Ægir Þór með 27 stig en gestirnir mættu til leiks með aðeins einn erlendan leikmann.
Þá er bara að muna að úrslit í æfingaleikjum er ekki allt og óþarfi að fara á límingunum þó úrslitin séu ekki eins og í villtustu draumum – en við vitum þetta auðvitað, reynsluboltarnir sem við erum...
Fleiri fréttir
-
Sálfélagsleg þjónusta við börn og ungmenni efld hjá HSN með nýju geðheilsuteymi barna
feykir.is Skagafjörður, Austur-Húnavatnssýsla 18.09.2024 kl. 10.16Eins og tilkynnt hefur verið mun þjónusta sem barna- og unglingageðteymi (BUG) hefur veitt á Sjúkrahúsinu á Akureyri (SAk) færast til Heilbrigðisstofnunar Norðurlands (HSN) frá og með 1. október. Verður hún hluti af sálfélagslegri þjónustu HSN sem hefur sinnt grunnþjónustu (vægum til miðlungs vanda) við börn og fullorðna og sinnt einstaklingum með alvarlegri og flóknari vanda innan geðheilsuteymis fullorðinna.Meira -
Ekkert sérlega áhugaverðar sveitir
feykir.is Hr. Hundfúll 18.09.2024 kl. 09.53Herra Hundfúll rúllaði í gegnum síðu Markaðsstofu Norðurlands, northiceland.is, sem er fínasta síða. Fletti síðan spenntur í gegnum áhugaverði staði á svæðinu sem finna mátti á forsíðunni. Fékk vægt áfall þegar í ljós kom að enginn þeirra átta staða sem nefndir voru áhugaverðir voru í Eyjafirði eða Skagafirði...Meira -
Hvítserkur og Glaumbær eru mest sóttu ferðamannastaðirnir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 18.09.2024 kl. 09.03Húnahornið lagðist yfir frétt Morgunblaðinu þar sem var fjallað um aðsókn á vinsæla ferðamannastaði á Íslandi. Hvítserkur er sennilega eitt frægasta kennileiti svæðisins ásamt Drangey á Skagafirði en það er heldur einfaldara að heimsækja Hvítserk. Það sem vekur athygli er gríðarleg aukning á heimsóknum ferðamanna að Hvítserk. Metaðsókn var í fyrra frá því að mælingar hófust árið 2021 en árið 2023 heimsóttu tæplega 82 þúsund manns staðinn en í ár er talan komin í ríflega 124 þúsund heimsóknir og árið langt því frá liðið.Meira -
„Bara“ kennari | Álfhildur Leifsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 17.09.2024 kl. 16.02„Núna er nóg“ var sagt fyrir síðustu kjarasamninga kennara. En það „núna“ sem var þá, var ekki góður tími. Alveg eins og samningarnir þar áður voru líka á slæmum tíma fyrir samfélagið. Og kennarar svona samfélagsvænir, gáfu eftir. Gerðu stutta samninga með litlum kjarabótum.Meira -
Ítrekuðu kröfu um byggðakvóta og takmörkun á dragnótaveiðum
feykir.is Skagafjörður 17.09.2024 kl. 15.41Aðalfundur Drangeyjar – smábátafélags Skagafjarðar var haldinn 11. september síðastliðinn. Samþykktu fundarmenn tíu ályktanir og meðal annars var ítrekuð krafa um takmörkun á dragnótaveiðum á Skagafirði í samræmi við fyrra fyrirkomulag veiðanna, þ.e. að svæðinu innan línu úr Ásnefi í vestri í Þórðarhöfða/Kögur í austri verði lokað fyrir veiðum með dragnót. Þá leggur Drangey áherslu á að byggðakvóta í Skagafirði verði einungis úthlutað dagróðrabáta sem eru minni en 30 brt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.