Stefanía á átta hesta
ÉG OG GÆLUDÝRIÐ - Stefanía Sigfúsdóttir, Sauðárkróki
Ef það er eitthvert dýr sem Skagafjörður getur státað af þá er það hesturinn en um þessar slóðir má finna fjöldann allan af flottum ræktendum sem eru að gera góða hluti með íslenska hestinn bæði í keppnum og í ræktun og sölu erlendis. Þar sem ég er nokkuð viss um að margir lesendur Feykis viti meira um hesta en ég ákvað ég að leita uppi nokkrar staðreyndir um hesta sem hugsanlega einhverjir hafa ekki hugmynd um að væri rétt.
- Vissir þú að hestar fæðast tannlausir, fá folaldatennur á fyrstu mánuðunum en missa þær 5–6 vetra og fá fullorðinstennur líkt og mennirnir.
- Hestar, ásamt fílum, sofa einna styst af spendýrum eða um 3-4 klst á sólarhring.
- Elsti hestur sem vitað er um er hann Old Billy sem bjó í Englandi og varð 62 ára gamall!
- Hestar hafa tvo blinda bletti, annar er beint fyrir aftan þá og hinn beint fyrir framan þá.
- Hestar eyða meiri orku þegar þeir liggja heldur en þegar þeir standa.
- Hestar geta ekki gubbað.
- Hestar geta ekki andað gegnum munninn.
Stefanía Sigfúsdóttir sem býr á Sauðárkróki og er dóttir Rögnu Hjartardóttur og Sigfúsar Snorrasonar á nokkra hesta og hefur verið mikið í kringum þá frá því að hún var lítil. Feyki langaði til að forvitnast aðeins um Stefaníu og hestana hennar.
Hér er Klettur tveggja vetra en Stefanía ellefu ára.
Hvernig gæludýr áttu? Ég á nokkra hesta og þeir heita Klettur, Bikar, Framtíð, Ljómi, Silfurtoppur og Mummi og svo eru folöldin mín Steinöld og Sólketill.
Hvernig eignaðist þú hestana? Ég hef umgengist hesta síðan ég var lítil með afa en eignaðist minn fyrsta hest, hann Klett, þegar ég átti tíu ára afmæli og stórvinur minn Guðmundur Sveinsson færði mér hann í tilefni af fyrsta tugnum.
Hvað er skemmtilegast við gæludýrið þitt? Mikill vinur og það er svakalega margt skemmtilegt en toppurinn er að fara í reiðtúr í góðum félagsskap í góðu veðri!
Hvað er erfiðast? Það er erfiðast þegar þeir slasast og ekki er hægt að fara í reiðtúra á þeim lengur.
Ertu með einhverja sniðuga eða merkilega sögu af gæludýrinu? Ég ætlaði að fara í skemmtireiðtúr með tveimur vinkonum einn góðan dag í sveitinni og þurftum við að labba og sækja hestana út á tún, þá fengum við þá hugmynd, til að stytta okkur labbitúrinn til baka í réttina, að hoppa á berbak og ríða til baka en þá tóku hestarnir gleðihopp með okkur og við hrundum allar af hestunum!
Feykir þakkar Stefaníu kærlega fyrir að svara spurningunum í Ég og gæludýrið...
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.