Stefán Sturla fær góða dóma í Finnlandi
Skagfirðingurinn Stefán Sturla Sigurjónsson rithöfundur, leikari og leikstjóri sem nú býr og starfar í Finnlandi setti upp Græna landið eftir Ólaf Hauk Símonarsson í Wasa teater í vor í sænskumælandi leikhúsinu í Vasa í Finnlandi og fékk gríðarlega góða dóma.
Með aðalhlutverkið fór Borgar Garðarsson, leikmyndina gerði Vignir Jóhannsson og þýðinguna gerði Elín Petersdóttir en hún er dóttir Borgars svo það má segja að þetta hafi verið sannkölluð íslensk sýning.
-Með svona snillinga og bestu sænskumælandi leikara Finnlands, auk Borgars, Anna Grönblom og Gogo Idman, eru manni náttúrulega allir vegir færir, segir Stefán sem var mjög sáttur við útkomuna.
-Við fengum frábæra krítík en Bertel Nygård Vasabladet skrifar; „Texti Ólafs Hauks Símonarsonar er pottþéttur, með sterkar setningar, áhrifamiklar meiningar og tilvísanir sem leiða áhorfandan rétta leið. Hin fallega blanda milli sorgar og gleði er hrífandi... Ég hef hugsað um hvort það var eitthvað sem ekki virkaði í leikstjórn Stefáns Sturlu Sigurjónssonar og finn ekkert sem ég get nefnt.“
Og Maria Sandin HBL skrifar; „Fyrir augum okkar varð til mjög sérstakur vinskapur.“
-Græna landið var sýnt 25 sinnum fyrir fullu húsi i vor. En þrátt fyrir þennan góða gang ákvað leikhúsið að halda ekki áfram með sýninguna nú í haust. Ég og leikararnir stofnuðum því leikhóp sem við köllum Teater Loki og fórum í samstarf við leikhúsið með að halda áfram sýningum. Við höfðum samband við leikhúsfólk á höfuðborgarsvæðinu... alltso í Helsinki... og viðbrögðin voru ánægjuleg. Við fengum strax boð frá fjórum leikhúsum stórum og smáum, að koma með sýninguna í haust og vetur og sýna hjá þeim. Nú erum við búin að gera samning við Sænska leikhúsið í Helsinki að sýna þar 12 sýningar í október. Þetta er langstæsta sænskumælandi leikhúsið í Finnlandi og því gaman að því að þeir vildu fá okkur sem gestasýningu strax nú í haust. Það er því ekki öll von úti enn fyrir skagfirðinga og aðra íslendinga að koma og sjá þessa uppsetningu í Helsinki, segir Stefán Sturla kampakátur með viðbrögð ánægðra Finna.
Fleiri fréttir
-
Beint millilandaflug til Norðurlands: Lykill að fjölbreyttari og stöðugri ferðaþjónustu
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 13.11.2024 kl. 09.33Nýlega komu fyrstu flug easyJet frá London annars vegar og Manchester hinsvegar beint á Akureyrarflugvöll, flogið verður tvisvar í viku út mars. Þetta skiptir ferðaþjónustu á Norðurlandi öllu gríðarlegu máli. Skagafjörður hefur alla möguleiki á að vera vinsæll áfangastaður fyrir ferðamenn, hér eru fjölbreyttir útivistarmöguleikar, mikil saga og menning, fjöldi safna og sýninga, og náttúrufegurð allan ársins hring.Meira -
Ert þú með hugmynd að áhersluverkefni fyrir árið 2025?
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 13.11.2024 kl. 08.42SSNV auglýsir eftir hugmyndum að áhersluverkefnum fyrir árið 2025. Áhersluverkefni eru hluti af Sóknaráætlun Norðurlands vestra 2025-2029 og eru skv. samningi um sóknaráætlanir: „verkefni sem hafa beina skírskotun til sóknaráætlunar landshlutans og styðja við Heimsmarkmið Sameinuðu þjóðanna“.Meira -
Fyrsta vél easyJet frá Manchester lenti á Akureyri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 12.11.2024 kl. 17.42Í morgun hófst áætlunarflug easyJet frá Manchester til Akureyrar, en flogið verður tvisvar í viku út mars 2025. Þrátt fyrir hvassviðri tókst flugmönnum easyJet að lenda vélinni örugglega, og það sama má segja um flugmenn easyJet sem stýrðu vélinni sem kom frá London eftir hádegi. Umsvif easyJet á Akureyrarflugvelli hafa tvöfaldast með tilkomu flugferða frá Manchester frá því sem var síðasta vetur, þegar flugfélagið bauð upp á ferðir frá London í fyrsta sinn.Meira -
Aukinn stuðningur við ferðasjóð íþróttafélaga dregur úr ójöfnuði | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.11.2024 kl. 15.31Frá árinu 2007 hefur ferðasjóður íþróttafélaga fengið framlag á fjárlögum Alþingis og er ljóst að ferðasjóðurinn þarf að fá verulega hækkun á fjárlögum á næstu árum. Framlag ríkisins í ferðasjóðinn er beinn fjárhagslegur stuðningur við iðkendur í íþróttum og fjölskyldur þeirra og þá sérstaklega íbúa landsbyggðarinnnar sem þurfa að fara um langan veg mörgum sinnum á ári til að taka þátt í keppni í skipulögðu íþróttastarfi. Íþrótta-og Ólympíusamband Íslands-ÍSÍ sér um úthlutun sjóðsins fyrir hönd ríkisins.Meira -
Opið bréf til samninganefnda KÍ og SÍS
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.11.2024 kl. 13.17Í dag er 11. virki dagurinn síðan KÍ boðaði til verkfalls í 9 skólum á landinu. Einn þessara skóla er leikskólinn Ársalir á Sauðárkróki, en 2ja ára dóttir mín byrjaði þar í lok ágúst. Við fjölskyldan erum nefnilega nýlega flutt á Sauðárkrók, en hingað komum við 1. maí.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.