Starfsemi hafin í Húsi frítímans
Verið er að leggja lokahönd á frágang við endurbætur á húsinu að Sæmundargötu 7 á Sauðárkróki þar sem Hús frítímans verður til húsa.
Nú þegar er komin aðstaða fyrir tómstundastarf í öðrum helmingi hússins og farið af stað starf fyrir eldri borgara, unglinga og ungt fólk eldra en 16 ára. Frá og með 16. febrúar verður allt húsið tekið í notkun. Húsið er 416m2 að stærð, þar eru tveir 150m2 fjölnota salir, tónlistarherbergi, föndurherbergi, cósý-herbergi og önnur góð rými.
Allir eru velkomnir í Hús frítímans og er sérstaklega óskað eftir því að hópar sem vilja komast inn með sína starfsemi hafi samband við forstöðumann, Ivano Tasin í síma 6604634 og/eða á netfangið husfritimans@skagafjordur.is
Húsið verður opið fyrir alla, fjölrými er í boði fyrir sérstaka starfsemi og námskeið en fyrsta reglan er að virða alla hópa sem koma í húsið. Hægt verður að koma í klúbbastarf , kórastarf, fara á netið, hlusta á eða æfa tónlist, horfa á íþróttir, tala við ráðgjafa, fá sér kaffi, spila bingó, dansa, chilla, föndra, smíða, spila, spjalla, tefla, lesa, fara í pool, og önnur leiktæki fyrir börn og fullorðna, og margt fleira sem þó er ekki alltaf bundið við Húsið; til dæmis klúbbar, gönguhópur, sundhópur, skíði og fleira.
Hús Frítímans verður opið frá og með 16.febrúar
frá kl.10—16,30 mánudaga
kl. 10—22 þriðjudaga til fimmtudaga
kl. 10—23 föstudaga
helgaropnun fer eftir þörfum og óskum eftir kl. 12.30 á daginn
Verður allt í Húsinu ?
Hús frítímans verður aðal bækistöð frítímastarfsins þar sem áhugamál tengir fólk saman frekar en aldur. Starfsemin getur verið á fleiri stöðum og óþarfi að búa þar til eitthvað sem þegar er til. Nú þegar er til góð tónlistar-og leiklistaraðstaða, bókasafn, föndur-og smíðastofur, íþróttaaðstaða og svo mætti lengi telja. Í Húsi frítímans á að vera hægt að hittast, kynnast, spjalla og fræðast í góðum félagsskap. Mikið er lagt uppúr samvinnu við skóla og félög á vettvangi frítímans.
Frístundastrætó fyrir unglinga og eldri borgara fer á föstudögum á Sauðárkróki frá Hofsósi, Hólum og Varmahlíð. Ferðir verða einnig í Tindastólinn. Þá tengist íþróttahreyfingin inní framboðið auk klúbbastarfs í Húsi Frítímans.
Fleiri fréttir
-
Forsala hefst á morgun
feykir.is Skagafjörður, Austur-Húnavatnssýsla, Vestur-Húnavatnssýsla 21.04.2025 kl. 22.29Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Nú hefur verið ákveðið að halda tónleika í fjáröflunarskyni fyrir sjóðinn.Meira -
Finnst ekki gaman að gera eins og allir hinir
feykir.is Skagafjörður, Lokað efni 21.04.2025 kl. 13.00Sigrún Helga Indriðadóttir á Stórhóli í Lýtingsstaðahreppi hinum forna, konan á bak við Rúnalist, móðir fimm barna, amma þriggja, bóndi, handlagin, listakona sem hleypti heimdraganum og fór í framhaldsskóla FVA á Akranesi og síðan í Garðyrkjuskóla ríkisins á Reykjum í Ölfusi. Hún hefur í gegnum tíðina unnið við ýmislegt, garðyrkju, malbikun, fiskvinnslu, í mötuneyti, á hóteli, við kennslu, landbúnaðarstörf, eigin matvælaframleiðslu og sinnt barnauppeldi.Meira -
Langar að vera með spurningakeppi í veislunni
feykir.is Vestur-Húnavatnssýsla, Lokað efni 21.04.2025 kl. 10.00Guðni Þór Alfreðsson býr á Hvammstanga og er sonur Alfreðs Alfreðssonar og Unnar Valborgar Hilmardóttur. Alfreð verður fermdur þann 8. júní í Hvammstangakirkju af sr. Magnúsi Magnússyni.Meira -
„Ein eftirminnilegasta gjöfin var skartgripaskrín handsmíðað af afa“
feykir.is Skagafjörður, Mannlíf, Lokað efni 20.04.2025 kl. 15.01Arndís Katla Óskarsdóttir er úr Skagafirði og býr hjá foreldrum sínum á Skógarstígnum í Varmahlíð. Mamma hennar og pabbi eru Hafdís Arnardóttir og Óskar Már Atlason og systkini hennar eru Kristófer Bjarki, Hákon Helgi og Þórdís Hekla. Arndís Katla vinnur á Dvalarheimilinu Dalbær á Dalvík. Kærastinn hennar er þaðan svo hún er duglega að rúnta á milli fjarða. Arndís Katla sagði Feyki frá fermingjardeginum sínum sem var fyrir fjórum árum.Meira -
Myndi bjóða Steinda Jr. í veisluna
feykir.is Austur-Húnavatnssýsla, Lokað efni 20.04.2025 kl. 13.00Aron Logi Svavarsson býr á Skagaströnd og verður fermdur í Hólaneskirkju þann 8. júní. Sr. Guðni Þór fermir drenginn og eru foreldrar hans Fjóla Dögg Björnsdóttir og Svavar Björnsson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.