Stafræn leiðsögn um Þrístapa og Villa Nova
feykir.is
Skagafjörður, Austur-Húnavatnssýsla, Vestur-Húnavatnssýsla
14.03.2024
kl. 11.24
Ljósmynd af Villa Nova tekin á tímabilinu 1905-1912. Mynd úr safni HSk. tekin af heimasíðu Héraðsskjalasafnsins.
Í byrjun janúar úthlutaði SSNV, Samtök Sveitarfélaga á Norðurlandi vestra, úr Uppbyggingasjóði og var Sýndarveruleiki ehf. á Sauðárkróki veitt styrk upp á 2.500.000 milljón króna til að vinna að verkefni sem felst í frekari tilraunum á virkni þeirra tæknilausna sem þróaðar hafa verið innan vébanda Sýndarveruleikans undanfarin ár. Er það ætlað að lengja dvalartíma ferðafólks á svæðinu með tilheyrandi margfeldisáhrifum í ferðaþjónustu.
Feykir setti sig í samband við Freyju Rut Emilsdóttur, framkvæmdarstjóra Sýndarveruleika ehf, sem á og rekur sýninguna 1238:Baráttan um Ísland og spurði nánar út í þetta áhugaverða verkefni.
"Á Þrístöpum í Húnabyggð verður gestum boðið að skanna kóða og fá þannig hljóðleiðsögn í sín snjalltæki. Við Villa Nova á Sauðárkróki munu gestir einnig geta nálgast hljóðleiðsögn, en einnig nýtt viðbættan veruleika til að sjá myndir af húsinu á mismunandi tímabilum í sögu þess. Allt efnið munu gestir geta nálgast endurgjaldslaus. Ætlunin er að upplifun gesta verði meiri, dvölin ánægjulegri, en líka lengri sem vonandi verður til þess að heildardvöl á svæðinu lengist, með tilheyrandi kaupum á þjónustu á svæðinu."
Ljósm. af Þrístöpum. Mynd:PF
Þá segir Freyja að ferðafólki sem sækja heim þá tvo staði sem hér um ræðir hefur fjölgað mikið undanfarin misseri og hefur bætt aðgengi að Þrístöpum stóraukið áhuga á staðnum. Margir aðrir þættir hafa einnig haft áhrif eins og m.a. koma skemmtiferðaskipa í höfn á Sauðárkróki hefur fjölgað sem og þeim sem leggja leið sína í Aðalgötuna á Sauðárkróki. Miklar upplýsingar, sögur og myndefni eru til í kringum Villa Nova og önnur sögufræg hús í Aðalgötunni og ekki þarf að hafa mörg orð um þá sögu sem tengist Þrístöpum. Þar hafa Magnús Sveinsson og fleiri verið duglegir við að leiðsegja um svæðið og segja sögur, auk þess sem ritaðar hafa verið skáldsögur og framleiddar kvikmyndir um þá atburði sem þar áttu sér stað.
"Stafrænni leiðsögn um sögustaði er ætlað að brúa bil milli þjóðlegs fróðleiks og ferðafólks - með notkun snjalltækja. Þessi þjóðlegi fróðleikur liggur víða, í handritum, í skýrslum, í bókum og í munnlegri geymd, en aðgengi ferðafólks að þessum upplýsingum er oft flókið sem verður til þess að fólk kemur við á sögustöðum og skoðar gömul hús án þess að kynnast sögu viðkomandi staða. Ný tækni, viðbættur veruleiki (augmented reality) gefur gestum kost á að skoða gamlar myndir af stöðum með því að beina myndavél að viðkomandi stað. Þannig er t.d. ætlunin að notendur stafrænnar leiðsagnar um sögustaði geti beint myndavél á snjalltæki að Villa Nova og séð á skjánum hvernig húsið leit út á mismunandi tímabilum á síðustu öld," segir Freyja.
Fyrirtækið Sýndarveruleiki ehf. hefur unnið að nýsköpun og nýtingu nútímatækni til menningarmiðlunar frá stofnun árið 2017. Sýningin 1238 : Baráttan um Ísland á Sauðárkróki er í fararbroddi þeirra sem nýta tæknilausnir í miðlun sögu og það verkefni sem hér er til umfjöllunar er afrakstur þeirrar vinnu sem þar hefur verið unnin. Í fyrirtækinu er nú þekking á uppbyggingu menningartengdrar ferðaþjónustu og nýtingu á nýjustu tækni í miðlun og er verkefnið liður í að byggja enn frekar undir þá starfsemi og skapa um leið nýja möguleika fyrir ferðafólk á Norðurlandi vestra.
Fleiri fréttir
-
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.