Sprækir Álftnesingar spóluðu yfir Stóla
Tindastólsmenn tóku á móti liði forseta Íslands, Áltftanesi, í Síkinu í gær og að sjálfsögðu var Guðni mættur. Því hefur stundum verið haldið fram að Stólarnir mæti jafnan til leiks eftir áramót haldnir illvígri hátíðaþinnku, sama hverjir eru í liðinu, og sú var raunin í gær þó ekki megi gera lítið úr frammistöðu gestanna frá Álftanesi sem eru firnasterkir. Frammistaða Stólanna var hins vegar langt undir pari og sóknarleikurinn dapur. Gestirnir leiddu nær allan leikinn og eftir að Tóti minnkaði muninn í eitt stig í fjórða leikhluta þá pökkuðu þeir meisturunum okkar saman og lönduðu sterkum sigri. Lokatölur 68-80.
Allir Stólar voru mættir til leiks í gær, að minnsta kosti líkamlega, og áttu sennilega einhverjir stuðningsmenn því von á að sjá meistarana hnykkla vöðvana og sýna nýliðunum í tvo heimana. Það eru þó engir aukvisar í liði Kjartans Atla sem höfðu endurheimt Hössa og þá reyndist um on-leik að ræða hjá Hauki Helga. Lið Álftaness náði strax undirtökunum og leiddi 20-22 að loknum fyrsta leikhluta. Drungilas jafnaði leikinn, 25-25, en Hössi gerði þá fimm stig í röð og gestirnir héldu frumkvæðinu það sem eftir lifði leiks. Þeir voru átta stigum yfir í hálfleik, 37-45.
Stólarnir náðu upp góðri vörn í þriðja leikhluta og gestirnir skoruðu þá aðeins níu stig. Stólunum gekk ekki vel að nýta sér tækifærin sem sterkur varnarleikur skapaði en höfðu þó minnkað muninn í tvö stig, 52-54, fyrir lokafjórðunginn. Þá voru örugglega einhverjir sem hugsuðu með sér að Stólarnir gætu skellt í góðan endasprett og stolið sigrinum. Tóti minnkaði muninn í eitt stig, 57-58, en næstu níu stig voru gestanna og munurinn tíu stig þegar fimm mínútur voru til leiksloka. Í gærkvöldi fann enginn leikmanna Tindastóls fjölina sína og þá eru alvöru endasprettir ólíklegir og sú var einmitt raunin í þessum leik.
Það var Arnar Björnsson sem var stigahæstur heimamanna með 14 stig en næstur honum en næstur honum kom Þórir með 13 stig. Geks var síðan með 11 stig og þá má geta þess að þetta var 100. leikur Arnars í röð þar sem hann setur í það minnsta einn þrist. Haukur Helgi var stigahæstur gestanna með 22 stig og Douglas Wilson var með 18 stig en báðir voru þeir með tíu fráköst.
Slæmt tap því staðreynd sem var nú alls ekki það sem kokkurinn mælti með í jafnri og spennandi toppbaráttur. Nú er að hrista af sér vonbrigðin og koma með toppstykkið í toppstandi í næsta toppleik Tindastóls sem verður í Keflavík.
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.