Söluverðmæti íslenskra minkaskinna milljarður í ár
Vísir.is segir frá því í dag að söluverðmæti minkaskinna frá íslenskum loðdýraræktendum í ár mun að minnsta kosti nema einum milljarði króna. Fyrir tæpum áratug var talið að þessi búgrein ætti vart framtíð fyrir sér.
Jafnframt segir á Vísi að alls voru íslensk minkaskinn seld fyrir 370 milljónir króna á uppboði hjá Kopenhagen Fur í lok síðasta mánaðar. Um var að ræða þriðja uppboð ársins en á hinum tveimur seldust íslensk minkaskinn fyrir rúmlega 400 milljónir króna. Tvö uppboð verða haldin fyrir árslok og mun verðmæti íslenski skinna á þeim verða að minnsta kosti 200 milljónir króna.
Björn Halldórsson formaður Sambands íslenskra loðdýraræktenda segir að metverð hafi fengist fyrir íslensku minkaskinnin þar sem af er þessu ári og á því síðasta. Þetta er einkum vegna mikillar eftirspurnar Kínverja á uppboðunum í Kaupmannahöfn. Það sem gerðist á júní uppboðinu var að rússneskir kaupendur komu aftur inn á markaðinn sem og Suður-Kóreumenn. Þetta þýðir að búist er við háum verðum á minkaskinnum næstu tvö árin.
Íslensk loðdýrarækt lenti í miklum erfiðleikum um aldamótin síðustu og var henni vart hugað líf sem búgrein á þeim tíma. 22 framleiðendur lifðu hremmingarnar af og framleiða nú 160.000 til 180.000 skinn árlega. Miðað við að framleiðslukostnaður á hvert skinn sé um 4.000 kr. og meðalverð um 7-8.000 kr. mun hver framleiðandi í ár fá að meðaltali um 20 milljónir króna í hagnað af starfsemi sinni.
Björn Halldórsson segir að miðað við eftirspurnina eftir minkaskinnum þessa stundina gætu allt að 200 minkabú þrifist í landinu.
Heimild: Vísir.is
Fleiri fréttir
-
Tónleikar með Karlakór Eyjafjarðar í Blönduóskirkju þann 3. maí
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 15.52Það verða glæsilegir tónleikar í Blönduóskirkju laugardaginn 3. maí kl. 15:00 en þá mæta félagarnir úr Karlakór Eyjafjarðar á svæðið. Þeir ætla að flytja alls konar lög úr öllum áttum fyrir gesti og verður dagskráin bæði fjölbreytt og skemmtileg.Meira -
Samstaða og samhugur er mikill í samfélaginu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 16.04.2025 kl. 13.50Í gær var haldin samverustund á sal bóknámshúss Fjölbrautaskólans í tilefni af bílslysinu við Hofsós sl. föstudag. Settur skólameistari, Þorkell V. Þorsetinsson, flutti stutt ávarp og greindi frá fréttum af hinum slösuðu. Þar kom fram að þrír hinna slösuðu eru komnir af gjörgæslu og tveir þeirra hafa verið útskrifaðir af barnadeild Landsspítalans en ljóst er að mislangt bataferli er framundan hjá þeim öllum.Meira -
Hvað á að gera þegar komið er að slysi?
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 13.17„Dásamlegu krakkarnir okkar sem komu að slysinu gerðu allt rétt,“ segir Ásdís Ýr Arnardóttir, sérfræðingur hjá Lögreglunni á Norðurlandi vestra, þegar Feykir leitaði eftir upplýsingum hjá henni um hvað beri að gera þegar komið er að slysi, líkt og varð við Hofsós sl. föstudag. Þá slösuðust fjórir piltar á aldrinum 17-18 ára alvarlega í bílslysi en um 30 ungmenni voru á leið í veislu á Hofsósi og voru á vettvangi þegar viðbragðsaðilar komu að. Mörgum þykir ónotaleg sú tilhugsun að koma að slysi og efast kannski um að þeir viti hvernig bregðast á við. En hvað á að gera þegar komið er að slysi?Meira -
Stólastúlkur eiga heimaleik í Bestu deildinni í dag
feykir.is Skagafjörður, Íþróttir, Lokað efni 16.04.2025 kl. 11.02Keppni í Bestu deild kvenna í knattspyrnu hófst í gærkvöldi með tveimur leikjum. Breiðablik fór illa með Stjörnuna og Þróttur Reykjavík bar sigurorð af Fram-stúlkum Óskars Smára frá Brautarholti. Að sjálfsögðu skoraði hin hálfskagfirska Murr fyrsta mark Fram í efstu deild kvennaboltans en það dugði ekki til sigurs. Í kvöld taka Stólastúlkurnar hans Donna á móti liði FHL og hefst leikurinn kl. 18:00. Feykir lagði nokkrar spurningar fyrir fyrirliða Tindastóls, Bryndísi Rut Haraldsdóttur, sem hefur marga fjöruna sopið og nálgast nú óðfluga 250 leiki með liðinu.Meira -
FISK Seafood boðar vorið með umhverfisdeginum
feykir.is Skagafjörður 16.04.2025 kl. 09.15Umhverfisdagur FISK Seafood verður haldinn 3. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Litla skógi, í Varmahlíð, á Hólum, á Hofsósi, í Fljótunum og vegköntum um allan fjörð. Frá 12:15-13:00 mun FISK Seafood bjóða öllum þátttakendum að þiggja veitingar að Sandeyri 2.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.