Sögulegt tækifæri
Á kjördegi stöndum við frammi fyrir sögulegu tækifæri til breytinga á Íslandi. Ég kalla það sögulegt tækifæri því í dag getum við ákveðið að hafna þeim stjórnarháttum sem hér hafa verið viðhafðir í 26 ár af síðustu 30 og velja í staðinn stjórnvöld sem eru tilbúin til að ráðast í stóru verkefnin framundan með almannahagsmuni að leiðarljósi.
Við getum valið okkur stjórnvöld sem hugsa um venjulegt fólk. Fólk sem er í daglegu streði að reyna að veita börnum sínum betra líf en er einni bilaðri þvottavél frá því að lenda í vandræðum um mánaðamótin. Við getum valið okkur stjórnvöld sem eru tilbúin til að lækka skattbyrði barnafólks, öryrkja og eldra fólks og jafna kjörin í landinu. Stjórnvöld sem geta ekki litið fram hjá því að 41% öryrkja búa við fátækt í dag og stórir hópar eldra fólks hafa verið skildir eftir ár eftir ár.
Við getum valið okkur stjórnvöld sem ávallt munu setja almannahag framar sérhagsmunum, eru tilbúin að ráðast gegn stefnuleysi og vanfjármögnun í heilbrigðiskerfinu og vilja ráðast í uppbyggingu innviða og almannaþjónustu um allt land.
Ef kjósendur vilja slík stjórnvöld, þá verða þeir að leggjast á árar með Samfylkingunni, því Samfylkingin er sá flokkur sem líklegastur er til að leiða saman aðra og betri ríkisstjórn en þá sem nú situr. Það skiptir nefnilega ekki endilega máli hver stjórnar, heldur fyrir hverja er stjórnað og með hverjum er stjórnað og það þarf að stjórna þannig að allir Íslendingar eigi sína hlutdeild í landi tækifæranna.
Þess vegna er best að kjósa Samfylkinguna.
Valgarður Lyngdal Jónsson
Höfundur er oddviti Samfylkingarinnar í Norðvesturkjördæmi
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.