Skriða hreif með sér vatnsbólið
Afleiðingar vatnsveðursins undanfarið hafa verið miklar og ábúendur á Bræðraá í Sléttuhlíð fengu að finna fyrir þeim þegar tvær stórar skriður féllu úr bæjarfjallinu Bræðraárhyrnu sl. föstudagskvöld og hrifu með sér vatnsbólið fyrir bæinn og síðan þá hefur ekkert kalt vatn verið á bænum. Ljóst er að miklar framkvæmdir eru framundan og óljóst um tjón svo ekki sé talað um þau miklu landsspjöll sem svona skriður valda.
Í fyrstu var talið að tvö vatnsból hefðu farið, bólið fyrir Bræðraá og Róðhól en vatnsbólið fyrir Róðhól liggur á mili skriðanna tveggja svo það er mikil mildi að það skyldi sleppa, á því bóli eru nokkrir bæjir og bústaðir. Verið að að skoða hvort hægt sé að tengja Bræðraá inná bólið sem slapp því framkvæmd við nýtt vatnsból er mikil og ótækt í bili enda allt gegnsósa. Undirbúningur er hafinn við að tengja langnirnar saman. Feykir heyrði í Steinunni ábúenda á Bræðraá sem líkti ástandinu á heimilinu við fjallaskálastemmingu - safna rigningavatni í fötur og selflytja svo drykkjarvatn frá tengdó á Króknum.
Kannski áttar maður sig aldei alveg á því hvað kalt rennandi vatn skiptir í raun miklu máli fyrr en maður missir það. Það flækir allar daglegar athafnir umtalsvert en sárið sem svona skriður skilja eftir í fjallinu er sennilega það sem tekur lengstan tíma að venjast, berjalandið farið og ásýndin gjörbreytt.
Fleiri fréttir
-
Birgitta og Elísa Bríet í U17 hópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 13.09.2024 kl. 16.44Snillingarnir okkar, Elísa Bríet Björnsdóttir og Birgitta Rún Finnbogadóttir frá Skagaströnd, hafa verið valdar í 20 leikmanna hóp U17 kvenna fyrir undankeppni EM 2025. Þetta er um margt afar merkilegt því þessir kornungu leikmenn meistaraflokks Tindastóls eru einu stúlkurnar af Norðurlandi sem eru í hópnum.Meira -
Guðni Þór ráðinn til starfa hjá KSÍ
feykir.is Skagafjörður, Íþróttir 13.09.2024 kl. 16.07Knattspyrnusamband Íslands hefur ráðið Króksarann Guðna Þór Einarsson í starf á innanlandssviði skrifstofu KSÍ og mun hann hefja störf 1. október næstkomandi. Fram kemur í frétt á vef KSÍ að meginverkefni séu umsjón með félagaskiptum leikmanna, skráning samninga leikmanna og utanumhald með leikmannalistum. Guðni mun einnig sinna ýmsum málum í tengslum við umsýslu móta, auk annarra tilfallandi verkefna.Meira -
Grunur um myglu í Árskóla á Sauðárkróki
feykir.is Skagafjörður 13.09.2024 kl. 15.17Feykir hafði veður af því að mygla hefði nýlega fundist í húsakynnum Árskóla. Fyrirspurn var send á Sigfús Inga Sigfússon, sveitarstjóra Skagafjarðar, sem svaraði að bragði að við undirbúning framkvæmda við skólann hafi komið í ljós að raki var í útvegg og grunur um myglu.Meira -
„Aftast í kristalskúlunni sjáum við jafnvel 0-1 sigurmark sem mun sjokkera íslenskt knattspyrnusamfélag“
feykir.is Austur-Húnavatnssýsla, Íþróttir, Vestur-Húnavatnssýsla 13.09.2024 kl. 13.38Það er lítið eitt eftir af fótboltasumrinu. Tindastólsfólk hefur haft ástæðu til að gleðjast þar sem strákarnir komust upp um deild og stelpurnar héldu sætinu í Bestu deildinni. Það verður hins vegar langur laugardagur hjá aðdáendum Kormáks/Hvatar sem munu eflaust naga neglur á meðan það ræðst hvort það verða knatttröllin úr KF, Garðbæingar í KFG eða þeirra eigin hetjur í Kormáki/Hvöt sem þurfa að bíta í það súra epli að falla úr 2. deild í þá þriðju. Lokaumferðin er á morgun. Feykir lagði nokkrar spurningar fyrir ónefndan fulltrúa Aðdáendasíðu Kormáks.Meira -
Flaggað vegna útfarar Bryndísar Klöru
feykir.is Skagafjörður, Austur-Húnavatnssýsla, Vestur-Húnavatnssýsla 13.09.2024 kl. 11.24Ýmsir hafa eflaust velt fyrir sér hvers vegna flaggað sé í hálfa stöng við Fjölbrautaskóla Norðurlands vestra í dag og fékk Feykir ábendingu um að sumir væru áhyggjufullir. Ástæðan fyrir því að flaggað er er sú að í dag er Bryndís Klara Birgisdóttir, stúlkan sem lést eftir hnífstunguárás á Menningarnótt í Reykjavík, borin til grafar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.