Skólabörn frá Blönduósi heimsóttu Borealis Data Center
Í tilefni af Norrænu gagnaversvikunni heimsóttu 12-13 ára nemendur Húnaskóla ásamt kennurum sínum gagnaver Borealis Data Center á Blönduósi. Var þetta tækifæri fyrir nemendur að fá innsýn í heim gagnavera og kynna sér hlutverk þeirra í hinum stafræna heimi.
Norræna gagnaversvikan var haldin dagana 23.-27. september og er hún samstarfsverkefni Norrænna gagnavera sem kynntu starfsemi sína fyrir almenningi. Viðburðir á Norðurlöndum fóru fram í síðustu viku þar sem störf gagnavera voru kynnt og dyr opnaðar fyrir almenningi. Er þetta liður í að kynna framlag greinarinnar til stafrænnar væðingar og sýna fram á þau fjölbreyttu störf sem í boði eru.
Nemendurnir fengu leiðsögn um Borealis Data Center, þar sem þau lærðu hvernig gagnaver virka og hvernig þau styðja við allt frá skýjalausnum til gervigreindartækni. Þau kynntust einnig tækjum og skynjurum sem tæknimenn gagnavera nota.
Að lokinni heimsókn í gagnverið heimsóttu nemendur einnig Blönduvirkjun þar sem þeir fengu að fræðast um endurnýjanlega orku. Landsvirkjun stóð fyrir þessum hluta ferðarinnar og varpaði ljósi á hvernig sjálfbærni er samþætt í starfsemi gagnaveraiðnaðarins.
Borealis Data Center leggur áherslu á rekstur sjálfbærra gagnavera á norðurslóðum en fyrirtækið rekur rekur þrjú gagnaver hér á landi, á Blönduósi, Fitjum í Reykjanesbæ og á Korputorgi í Reykjavík og einnig í Finnlandi.
Fleiri fréttir
-
Heilbrigðisstofnun Norðurlands 10 ára í dag
feykir.is Skagafjörður, Austur-Húnavatnssýsla, Aðsendar greinar, Fréttir 01.10.2024 kl. 11.45Heilbrigðisstofnun Norðurlands, HSN á 10 ára starfsafmæli í dag, en stofnunin varð til við sameiningu Heilbrigðisstofnunar Þingeyinga, Heilsugæslunnar á Akureyri, Heilsugæslustöðvarinnar á Dalvík, Heilbrigðisstofnunar Fjallabyggðar, Heilbrigðisstofnunar Sauðárkróks og Heilbrigðisstofnunar Blönduóss, þann 1. október 2014.Meira -
Dansmaraþon Árskóla
feykir.is Skagafjörður, Fréttir 01.10.2024 kl. 11.10Dansmaraþon 10. bekkinga í Árskóla fer fram dagana 2. og 3. október. Munu nemendur dansa frá kl. 10 á miðvikudegi til kl. 10 á fimmtudegi.Meira -
Umhverfisviðurkenningar ársins 2024 veittar í Húnaþingi vestra
feykir.is Vestur-Húnavatnssýsla 01.10.2024 kl. 10.07Umhverfisviðurkenningar ársins 2024 í Húnaþingi vestra voru veittar þann 26. september 2024 á veitingastaðnum Sjávarborg á Hvammstanga. Árlega veitir sveitarfélagið þeim aðilum viðurkenningu sem þótt hafa verið til fyrirmyndar við fegrun lóða sinna. Í frétt á heimasíðu Húnaþings segir að kallað hafi verið eftir tilnefningum íbúa og nefnd vegna umhverfisviðurkenninga, sem skipuð er af sveitarstjórn, sér um valið.Meira -
Ferðaþjónustan, ráðherra ferðamála og þingmenn NV funda á Blönduósi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 30.09.2024 kl. 14.32Samtök ferðaþjónustunnar (SAF) og Markaðsstofa Norðurlands (MN) standa fyrir opnum fundi og bjóða þingmönnum Norðurlands vestra til samtals um uppbyggingu, ástand og horfur í ferðaþjónustu á svæðinu. Fundurinn fer fram þriðjudaginn 1. október á veitingastaðnum Teni, Húnabraut 4 á Blönduósi, og stendur á milli kl. 16 og 18. meðfylgjandi er hlekkur Skráning á fundinn! SAF og MN hvetja leika og lærða til að fjölmenna á fundinn og taka þátt í umræðum um ferðaþjónustu í sínu nærsamfélagi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.