Skemmtanastjórinn þarf að halda sér inni á vellinum
Einvígi Njarðvíkinga og Tindastóls í undanúrslitum Subway-deildarinnar hefst í Ljónagryfjunni í Njarðvík í kvöld og ekki laust við að fiðringur sé farinn að gera vart við sig hjá stuðningsmönnum Stólanna. Oft hafa væntingar verið miklar og eflaust hafa einhverjir lært það af reynslunni að spenna væntingabogann ekki of hátt. En lið Tindastóls hefur verið að spila vel, er með meistara Pavel í brúnni og sagt er að trúin flytji fjöll. Kannski er komið að Tindastóli? Feykir hafði samband við Brynjar Þór Björnsson, fyrrum leikmann Stólanna og margfaldan meistara úr Vesturbænum, og hann er bjartsýnn á gengi Tindastólsliðsins.
Hvaða væntingar hefur þú fyrir rimmu Njarðvíkur og Tindastóls í undanúrslitum? „Ég hlakka mikið til að fylgjast með þessum tveimur frábæru liðum sem eru bæði með breiða og góða leikmannahópa. Það hlakkar í mér og fleirum að sjá stemminguna sem er að skapast í kringum Tindstólsliðið, umgjörðin í kringum heimaleikina og mæting stuðningsmanna á útivellina er mögnuð. Þetta verður sería tveggja ólíkra leikstíla. Njarðvíkingar vilja væntanlega halda hraðanum niðri og ekki hleypa Stólunum á flug meðan Stólarnir vilja keyra upp leikinn og fá auðveldar körfur. “
Hvað þurfa Stólarnir að varast? „Skemmtanastjórinn Sigtryggur Arnar þarf að halda sér inni á vellinum. Hann er frábær varnarmaður sem á það til að lenda í villuvandræðum vegna klaufalegra villna. Ég vonast svo innilega til að hann sleppi við vandræðin, hann er svo mikið ólíkindatól að við körfuboltaunnendur viljum njóta hans einstöku hæfileika sem mest.“
Hver er spáin fyrir einvígið? „Ég tel að liðið sem fer áfram úr þessari seríu verði Íslandsmeistari. Ég spái sigri Tindastóls sem lokar seríunni fyrir fullu húsi laugardaginn 29. apríl. 3-1!“
Leikurinn hefst kl. 19:15 og þeir sem ekki komast í Gryfjuna geta horft á leikinn á Stöð2Sport.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.