Skagfirskir Blikar með smá Húnvetnsku ívafi gera gott körfuboltamót í Danmörku
Íslandsmeistarar í 7. flokki drengja í körfubolta, Breiðablik, höfnuðu um síðustu helgi í 2. sæti á alþjóðlegu móti sem nefnist Copenhagen Invitational og fór fram í Kaupmannahöfn. Í fyrra var Feykir með frétt um efnilega körfuboltadrengi í MB11 sem væru með skagfirskt blóð í æðum í liði Breiðabliks og nú voru þessir drengir aftur á ferðinni og gerðu heldur betur gott mót.
Þetta eru þeir Rúnar Magni Rúnarsson, Sölvi Hrafn Arnarsson, Axel Kári Arnarsson og Kristján Ágústsson. Foreldrar Rúnars Magna eru Rúnar Svenna Siffa og Efemía Rún Bjössa Skarp og Ingu Möggu. Foreldrar Sölva Hrafns eru Helga Hrönn Þorbjörnsdóttir (Árna) og Arnar. Foreldrar Axels Kára eru Arnar Kárason (Mar) og Gunnhildur Árnadóttir (Stefáns og Herdísar). Foreldrar Kristjáns eru Sigrún Kristjánsdóttir og Ágúst. Pabbi hennar er Kristján Eiríksson (frá Fagranesi)
Þeir, ásamt félögum sínum í Breiðablik, unnu alla sína leiki í riðlakeppninni en eitt af þeim liðum sem þeir spiluðu við voru ríkjandi Scania Cup - meistara í Hørsholm 79ers. Í þeim leik var hörku barátta en þegar 2,5 sek. voru eftir af leiknum skoruðu Blikar þriggja stiga körfu og unnu þar með leikinn með minnsta mögulega mun.
Úrslitaleikinn spiluðu þeir svo á móti sænsku meisturunum í Trelleborg Pirates og var leikurinn jafn og spennandi nánast allan tímann. Þegar fjórði leikhluti var hálfnaður komust Blikar einu stigi yfir en þá tóku Svíar leikhlé. Blikar lentu svo í villuvandræðum og misstu mikilvægan leikmann út af sem Svíar nýttu vel og gengu á lagið og kláruðu leikinn 62-50 og 2. sætið því staðreynd. Frábær árangur hjá þessum flottu strákum.
Til að toppa þessa glæsilegu velgengni var Rúnar Magni Rúnarsson (Sjá mynd hér til hægri) valinn í All Star lið mótsins, en hann var fjórði stigahæsti leikmaðurinn á mótinu liðsfélagi hans, Benedikt Arnór Þórólfsson, náði einnig inn á topp tíu listann. Önnur athyglisverð tölfræði eftir mótið var að Blikar voru í 3ja sæti á öllu mótinu yfir flestar þriggja stiga körfur (allir aldursflokkar, bæði drengir og stúlkur). Miklar skyttur á ferðinni hjá Blikum.
Þá barst Feyki til eyrna að það séu fleiri tengsl hingað norður hjá hópnum en þjálfari hópsins, Þórólfur Heiðar Þorsteinsson, er fæddur og uppalinn í Húnavatnssýslu. Fæddur að Syðri - Löngumýri, Blöndudal - en ólst að mestu upp á Reykjum, Húnavöllum. Synir hans, Benedikt Arnór og Matthías Örn, eru líka í leikmannahópnum og eiga þeir stóran frændgarð í Skagafirði því systkini ömmu þeirra búa í Skagafirði en það eru þau Sigurgísli Kolbeinsson (Gísli í Trésmiðjunni Borg), Þórdís Þórisdóttir (gift Árna Egils) og Bjarni frá Mannskaðahóli. Þannig að það er ótrúlega gaman hversu stór hluti af hópnum á rætur að rekja hingað norður.
Til hamingju með árangurinn strákar og vonandi eigum við eftir að sjá ykkur alla á parketinu í Síkinu í framtíðinni.
Heimild: Karfan.is
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.