Skagafjarðarrall um helgina

feykir.is Skagafjörður, Íþróttir 23.07.2010 kl. 13.12

Bílaklúbbur Skagafjarðar heldur Skagafjarðarrallið í samstarfi við Kaffi Krók, KS og Vörumiðlun um helgina og verða keppendur ræstir frá Vörumiðlun laugardaginn 24. júli kl. 09.00 og verður þá ekið um Mælifellsdal.

Seinna um daginn verða eknar sérleiðir milli Ásgarðs og Bakka í Viðvíkursveit og rallinu lýkur með tveimur umferðum um Nafir fyrir ofan Sauðárkrók. Leiðin um Nafir liggur frá Steypustöðinni, um gamla veginn við Gönguskarðsá, upp í malarnámu og þaðan upp á Nafir.  Flaggað verður út neðan við Golfskálann. Endamark verður við Vörumiðlun kl. 17:30.  Verðlaunaafhending verður á Mælifelli kl. 21.00 og Rallýball á eftir með hljómsveitinni Spútnik.

Keppni í rallý skiptist í meginatriðum í tvo hluta, sérleiðir og ferjuleiðir. Það er á sérleiðum sem hin eiginlega keppni fer fram, þær eru lokaðar utanaðkomandi umferð á meðan á keppni stendur og þar reyna keppendur að aka sem hraðast, ná sem bestum tíma. Bílarnir eru ræstir inn á sérleiðirnar með einnar mínútu millibili og sigurvegarar þegar upp er staðið er sú áhöfn sem var fljótust að aka keppnina, þ.e. með minnstan samanlagðan tíma eftir allar sérleiðir. Sérleiðirnar eru hins vegar tengdar saman af ferjuleiðum. Ferjuleiðir eru eknar í almennri umferð og þar þurfa ökumenn að lúta öllum almennum umferðarreglum og því þurfa öll ökutæki í ralli að hafa staðist bifreiðaskoðun, auk sérstakrar öryggisskoðunar vegna keppninnar. Í hverjum bíl er tveggja manna áhöfn, ökumaður og aðstoðarökumaður.  Einnig tilheyrir hverju keppnisliði þjónustulið sem sér um viðgerðir á bílnum á milli sérleiða.

Sérleiðir keppninnar   Fyrsti bíll Lokun vegar Opnun vegar
Mælifellsdalur I 25 10:00 09:20 14:40
Mælifellsdalur II 25 11:10 09:20 14:40
Mælifellsdalur III 25 12:20 09:20 14:40
Mælifellsdalur IV 25 13:30 09.20 14:40
Ásgarður – Bakki I 5,3 15:05 14:30 16:20
Ásgarður – Bakki II 5,3 15:35 14:30 16:20
Nafir I 2,4 16:25 16:00 17:30
Nafir II 2,4 17:00 16:00 17:30

 

Það er rétt að ítreka að á þeim tíma sem lokun sérleiðar varir er almenningi óheimilt að aka um leiðina og er skylt að hlýta fyrirmælum starfsmanna keppninnar þar um.

Að þessu sinni eru 17 áhafnir skráðar til leiks. Meðal keppenda er að finna gamla reynslubolta í bland við reynsluminni ökumenn, keppendur í harðri baráttu um stig í Íslandsmeistaramótinu jafnt sem aðra sem eru þarna til að skemmta sér og öðrum.

Rásröðin verður eftirfarandi:

Rás-nr. #                                              Ökumaður:                    Aðstoðarökumaður:                                  Bifreið:        Fl.
1 1 Jón Bjarni Hrólfsson Borgar V Ólafsson Subaru Impreza STI N
2 5 Hilmar B. Þráinsson  Stefán Þór Jónsson MMC Lancer Evo 5 N
3 9 Pétur Sigurbjörn Pétursson Björn Ragnarsson MMC Lancer Evo VI N
4 11 Marian Sigurðsson Jón Þór Jónsson MMC Lancer Evo 8 N
5 10 Sigurður Bragi Guðmundsson Ísak Guðjónsson MMC Lancer Evo VII X
6 6 Aðalsteinn Jóhannsson Heimir Snær Jónsson MMC Lancer Evo X N
7 4 Fylkir Jónsson Elvar Jónsson Subaru Impreza N
8 8 Hlöðver Baldursson Baldur Arnar Hlöðversson Toyota Corolla eindrifs
9 17 Einar Sigurðsson Símon Grétar Rúnarsson Audi S2 N
10 20 Sigurður Arnar Pálsson Brynjar Sverrir Guðmundsson Toyota Celica GT 4 N
11 21 Henning Ólafsson Árni Gunnlaugsson Toyota Corolla eindrifs
12 14 Kristján Gunnarsson Halldór Vilberg Ómarsson Peugeot 306 s16 eindrifs
13 30 Baldur Haraldsson Guðrún Hildur Magnúsdóttir Subaru Impreza 2.0 4x4 Non turbo
14 23 Baldur Jezorski Franzson Elías Ilja Karevsky Grand Cherokee J
15 13 Sighvatur Sigurðsson Andrés F. Gíslason MMC Pajero J
16 22 Kristinn V Sveinsson Brimrún Björgólfsdóttir Jeep Grand Cherokee J
17 32 Þórður Guðni Ingvason Guðmundur Steinar Lúðvíksson Toyota Hilux J

Frekari upplýsingar um keppnina veitir Sigurlaug Dóra Ingimundardóttir, keppnisstjóri, í síma 862-5771.

Keppnisstjórn  mun einnig leitast við að senda frá sér uppfærðar upplýsingar um stöðu og aðrar athyglisverðar fréttir eftir því sem keppninni vindur fram. Ennfremur verða tímar og helstu upplýsingar aðgengilegar HÉR

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Áróra og Tommaso. MYNDIR AÐSENDAR

    Rændi skrifblokk af miðasölumanni í Metró

    feykir.is Skagafjörður, Mannlíf 19.04.2025 kl. 13.47 oli@feykir.is
    Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.
    Meira
  • Allir í Hof á Rocky Horror í uppsetningu NFNV.

    Nemó FNV fer með Rocky Horror í Hof

    feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 19.04.2025 kl. 12.15 oli@feykir.is
    Nemendur Fjölbrautaskóla Norðurlands vestra eru heldur betur stórhuga þetta vorið. Nemendafélagið setti upp frábæra sýningu, hryllingssöngleikinn Rocky Horror í leikstjórn Eysteins Guðbrandssonar, nú eftir áramótin og sýndi í Bifröst við góðar undirtektir eða ellefu uppseldar sýningar. Nú hefur verið ákveðið að setja upp sýninguna í Hofi á Akureyri og sýna dagana 9.-10. maí næstkomandi.
    Meira
  • Dagrún Dröfn Gunnarsdóttir. MYND AÐSEND

    Kjóllinn týndist á leiðinni til landsins svo þau þurftu að senda nýjan af stað

    feykir.is Skagafjörður, Lokað efni 19.04.2025 kl. 09.00 gunnhildur@feykir.is
    Dagrún Dröfn Gunnarsdóttir býr á Freyjugötunni á Sauðárkróki og verður fermd í Sauðárkrókskirkju þann 19. apríl af sr. Sigríði Gunnarsdóttur. Foreldrar hennar eru Klara Björk Stefánsdóttir og Gunnar Smári Reynaldsson. Dagrún sagði Feyki frá undirbúningnum.
    Meira
  • Fjölskyldan á jólunum. Sigrún ásamt Arnari manni sínum og börnunum; Jóni Ými, Sigfúsi Orra og Rebekku Eik. MYNDIR AÐSENDAR

    „Jú mamma, ég veit að þú átt fleiri sögur í líkamanum þínum“

    feykir.is Skagafjörður, Lokað efni 19.04.2025 kl. 09.00 gunnhildur@feykir.is
    Sigrún Alda Sigfúsdóttir er fædd og uppalin í Skagafirði, örverpið í stórum barnahópi þeirra Sigfúsar og Guðrúnar í Stóru-Gröf syðri. Sigrún flutti til Reykjavíkur þegar hún var 17 ára og hefur búið þar síðan. Í dag býr hún í Mosfellsbæ ásamt fjölskyldunni sinni. Sigrún er í sambúð með Arnari Jónssyni, verkefnastjóra og eiganda fyrirtækisins Parallel. Saman eiga þau þrjú börn, Rebekku Eik sem er 7 ára og tvíburadrengina Jón Ými og Sigfús Orra sem eru 4 ára. „Við Arnar ætlum loksins eftir tíu ára samband að ganga í hjónaband í sumar og ætlum að sjálfsögðu að gera það á fallegasta staðnum, Skagafirði.“ Sigrún er talmeinafræðingur sem gaf nýverið út bók sem hugsuð er til að auka orðaforða barna í gegnum sögulestur. Feykir spjallaði við Sigrúnu um nýju bókina og lífið.
    Meira
  • Rebekka Kristín Danielsdóttir Blöndal á Blönduósi

    Langar í Pug-hund í fermingargjöf

    feykir.is Austur-Húnavatnssýsla, Mannlíf, Lokað efni 18.04.2025 kl. 19.07 oli@feykir.is
    Rebekka Kristín Danielsdóttir Blöndal verður fermd þann 26. apríl í Blönduóskirkju. Rebekka Kristín býr á Melabrautinni á Blönduósi og eru foreldrar hennar Gígja Bl. Benediktsdóttir og Daniel Kristjánsson. Hún sagði Feyki frá undirbúningi fermingarinnar og ýmsu öðru tengt deginum.
    Meira
Yfirlit frétta