September kveður með hvítri jörð
Króksarar vöknuðu upp við hvíta jörð í morgun og sennilega hafa einhverjir gripið í kreditkortið til að skafa af bílrúðunum. Víða er hálka á vegum á Norðurlandi vestra og jafnvel snjór og krapi á Þverárfjallsvegi. Það eru bara blessaðir malarvegirnir sem eru greiðfærir – í það minnsta svona fram eftir morgni. Eftir dumbung og raka helgarinnar stefnir í smá birtu og pínu aukinn yl í dag og vonandi nóg til að hálkan gefi eftir.
Reikna má með frosti á heiðum en hitatölur á láglendi um 2-4 gráður. Vænta má þess að veður verði stillt og gott þennan síðasta dag september. Á morgun hefst nýr mánuður, gamli góði október, og þá ríkur hitinn upp í allt að tíu gráður, enda sunnanátt í spánni og meðfylgjandi sunnanátt. Gæti farið yfir tíu metrana á annesjum.
Hitatölur út vikuna virðast alla jafna verða réttu megin við frostmark og í rólegri kantinum. Og ef marka má veðurspá fyrir næsta laugardag verður algjör sól okkar megin á Norðurlandi – einu skýin verða á Öxnadalsheiði og Akureyri um hádegi – en sennilega ekki þörf að leita að stuttbuxunum því hitastigin verða bara rétt yfir núllinu.
Fleiri fréttir
-
Brák og Húnaþing vestra auglýsa eftir byggingaraðilum til samstarfs
feykir.is Vestur-Húnavatnssýsla 01.10.2024 kl. 13.42Brák íbúðafélag hses. og Húnaþing vestra stefna á uppbyggingu á hagkvæmum leiguíbúðum á Hvammstanga og auglýsa því eftir byggingaraðilum til samstarfs. Byggingaraðili skal vera aðalverktaki og annast framkvæmd verkefnis í samráði við sveitarfélagið og Brák. Aðspurð hvort það skorti húsnæði í Húnaþingi vestra segir Unnur Valborg Hilmarsdóttir sveitatstjóri þörfina vera ansi mikla.Meira -
Heilbrigðisstofnun Norðurlands 10 ára í dag
feykir.is Skagafjörður, Austur-Húnavatnssýsla, Aðsendar greinar, Fréttir 01.10.2024 kl. 11.45Heilbrigðisstofnun Norðurlands, HSN á 10 ára starfsafmæli í dag, en stofnunin varð til við sameiningu Heilbrigðisstofnunar Þingeyinga, Heilsugæslunnar á Akureyri, Heilsugæslustöðvarinnar á Dalvík, Heilbrigðisstofnunar Fjallabyggðar, Heilbrigðisstofnunar Sauðárkróks og Heilbrigðisstofnunar Blönduóss, þann 1. október 2014.Meira -
Dansmaraþon Árskóla
feykir.is Skagafjörður, Fréttir 01.10.2024 kl. 11.10Dansmaraþon 10. bekkinga í Árskóla fer fram dagana 2. og 3. október. Munu nemendur dansa frá kl. 10 á miðvikudegi til kl. 10 á fimmtudegi.Meira -
Umhverfisviðurkenningar ársins 2024 veittar í Húnaþingi vestra
feykir.is Vestur-Húnavatnssýsla 01.10.2024 kl. 10.07Umhverfisviðurkenningar ársins 2024 í Húnaþingi vestra voru veittar þann 26. september 2024 á veitingastaðnum Sjávarborg á Hvammstanga. Árlega veitir sveitarfélagið þeim aðilum viðurkenningu sem þótt hafa verið til fyrirmyndar við fegrun lóða sinna. Í frétt á heimasíðu Húnaþings segir að kallað hafi verið eftir tilnefningum íbúa og nefnd vegna umhverfisviðurkenninga, sem skipuð er af sveitarstjórn, sér um valið.Meira -
Skólabörn frá Blönduósi heimsóttu Borealis Data Center
feykir.is Austur-Húnavatnssýsla, Fréttir 01.10.2024 kl. 09.30Í tilefni af Norrænu gagnaversvikunni heimsóttu 12-13 ára nemendur Húnaskóla ásamt kennurum sínum gagnaver Borealis Data Center á Blönduósi. Var þetta tækifæri fyrir nemendur að fá innsýn í heim gagnavera og kynna sér hlutverk þeirra í hinum stafræna heimi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.