Selt til góðs !
Á heimasíðu Grunnskóla austan Vatna segir að nemendur á unglingastigi hafa haft umhverfisvæna skiptislá í stofunni hjá sér í að verða tvö skólaár. Nemendur koma með föt á slána og þar fær fatnaðurinn framhaldslíf í nýjum höndum og hjá öðrum eigendum. Upp kom sú hugmynd að útfæra þetta enn frekar og halda flóamarkað til styrktar nemendafélagi skólans.
Krakkarnir sönkuðu að sér notuðum fatnaði, húsmunum, leikföngum og öðru dóti og héldu markað í grunnskólahúsnæðinu á Hofsósi í desember. Þetta var gert í góðu samstarfi með Lindu Halls sem var einnig með jólamarkað í húsinu. Krakkarnir stóðu vaktina á sínum markaði í tvær helgar og höfðu mikla ánægju af því að draga úr kolefnisspori Hofsósinga og nærsveitamanna með þessum hætti.
Nemendafélagið gaf helming ágóðans til Hjálparstarfs kirkjunnar og Linda gaf 35.000 kr. til sama málefnis og saman keyptu þau nokkur gjafabréf undir heitinu ,,Gjöf sem gefur”. Gjafabréfin sýna fram á hvað hægt er að kaupa fyrir styrkféð, en það sem var valið að kaupa var eftirfarandi:
Kamar - 11.700 kr.
Plógur - 8.000 kr.
Húsaskjól - 32.000 kr.
Geit - 4.700 kr.
Skólagögn - 4.000 kr.
Þessar gjafir fara til munaðarlausra barna í Úganda með því markmiði að auka hreinlæti og bæta aðgengi að menntun. Féð fyrir plógnum fer til bændafjölskylda í Eþíópíu sem búa á miklum þurrkasvæðum og hjálpar til við að tryggja fæðuöryggi.
Hægt er kaupa ,,Gjöf sem gefur” á https://gjofsemgefur.is/
Frábært framtak og þvílíkar fyrirmyndir .
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.