Sannleikurinn er sagna bestur
Að gefnu tilefni ætla ég að fjalla lítillega um rekstur Iceproteins ehf. og Protis ehf. síðustu árin, þ.e. frá 2013 til 2017, en ég hef ekki niðurstöðu ársins 2018. Á árinu 2012 eignaðist FISK-Seafood ehf. allt hlutafé í rannsóknar og þróunarfyrirtækinu Iceprotein. Starfsemin það ár var mjög takmörkuð vegna sérstakra aðstæðna. Í mars 2013 er dr. Hólmfríður Sveinsdóttir ráðin framkvæmdastjóri fyrirtækisins og tók að sér það verkefni að byggja upp fyrirtækið að nýju og veita því forstöðu og hefur gegnt því starfi af miklum myndarskap allt fram að síðustu helgi.
Á árinu 2015 var fyrirtækið Protis stofnað, sprottið af sama meiði til þess að halda utan um framleiðslu og markaðssetningu þeirra afurða sem koma átti á markað. Hólmfríður var ráðin framkvæmdastjóri þess fyrirtækis, enda fyrirtækin nátengd og eigandinn sá sami þ.e. FISK-Seafood. Bæði þessi fyrirtæki eru lítil sprotafyrirtæki og hefur eigandinn staðið þétt við bakið á fyrirtækjunum m.a. með húsnæði og ýmsu öðru án endurgjalds. Samkvæmt ársreikningum Iceproteins var hagnaður á árinu 2013 kr. 4,7 milljónir, tap á árinu 2014 kr. 5,4 milljónir. Á árinu 2015 var tap kr. 3,4 milljónir, hagnaður á árinu 2016 kr. 7,2 milljónir og á árinu 2017 var hagnaður kr. 4,4 milljónir. Hagnaður þessi ár var því kr. 7,5 milljónir.
Heildartekjur þessi ár voru kr. 276,8 milljónir og samanstóðu af tekjum af seldri þjónustu, styrkjum frá opinberum aðilum og sjóðum, auk styrks úr þróunarsjóði KS til einstakra verkefna eða búnaðarkaupa. Fyrsta rekstrarár Protis var árið 2016 og var tap á rekstrinum það ár kr. 8,2 milljónir, en árið 2017 skilaði reksturinn hagnaði að fjárhæð kr. 3,3 milljónum króna, þannig að tap á Protis þessi tvö rekstarár var kr. 4,9 milljónir. Heildartekjur Protis þessi tvö ár voru kr. 86,3 milljónir og samanstóðu af sölu afurða, þjónustu, styrkja úr hinum ýmsu sjóðum þar með talið þróunarsjóði KS til ýmissa verkefna. Ef afkoma beggja fyrirtækjanna er lögð saman, kemur út hagnaður sem nemur kr. 2,6 milljónum króna. Eigið fé Iceproteins var í árslok 2017 kr. 22,6 milljónir og eigið fé Protís var í árslok 2017 neikvætt að fjárhæð kr. 4,3 milljónir.
Athygli skal vakin á því að kostnaður við vöruþróun og markaðsmál hefur verið gjaldfærður öll árin og því ekki neinar eignir skráðar í efnahagsreikningi félaganna, sem ekki eru áþreifanlegar. Færa má sterk rök fyrir því að ef sú leið hefði verið valin að halda fullum dampi í rekstri fyrirtækjanna og þeim mannauði, þekkingu og búnaði sem þar var til staðar, hefði eigandinn þ.e. FISK-Seafood ehf., ef hann hefði svo kosið, við sölu og eða sameiningu fyrirtækjanna við önnur fyrrtæki, fengið sinn eignarhlut metinn upp á tugi eða hundruða milljóna.
Ég hef verið stjórnarformaður þessara fyrirtækja þann tíma sem um ræðir fram í nóvember á síðasta ári og vil því skora á stjórnir FISK og KS að taka þessa ákvörðun til endurskoðunar og freista þess að fá dr. Hólmfríði Sveinsdóttur til þess að taka við keflinu aftur og efla þessi fyrirtæki enn frekar til hagsbóta fyrir íbúa þessa héraðs.
Jón Eðvald Friðriksson
fyrrverandi stjórnarformaður Iceproteins og Protis
Fleiri fréttir
-
Gul veðurviðvörun!
feykir.is Skagafjörður, Austur-Húnavatnssýsla, Vestur-Húnavatnssýsla 22.12.2024 kl. 21.01Lögreglan á Norðurlandi vestra vekur athygli á slæmri veðurspá næstu daga. Gul veðurviðvörun tekur gildi kl.04.00 í nótt aðfaranótt þorláksmessu og er til 10.00 í fyrramálið. Aftur brestur á með gulri viðvörun kl.19.00 og er fram á aðfaranótt aðfangadags. Suðaustan 15-23 m/s með vindhviðum allt að 35-40 m/s við fjöll. Sum sé varasamt ferðaveður á milli landshluta.Meira -
„Þótti jafn sjálfsagt í uppvextinum að prjóna eins og að draga andann“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 22.12.2024 kl. 13.38Jóhanna Erla Pálmadóttir býr að Akri í Húnabyggð ásamt syni sínum Pálma. Helga dóttir hennar er kennari í Reykjavík og býr þar. Gunnar maður hennar Jóhönnu lést frá þeim er mjög mjúk og þelmikil. Jóhanna er textílkennari frá Kaupmannahöfn en þar bjó fjölskyldan í sjö ár á níunda áratugnum. Jóhanna er verkefnastjóri hjá Textílmiðstöð Íslands í Kvennaskólanum á Blönduósi og sinnir tóvinnukennslu, umsjón með listamönnum sem dvelja hjá þeim og sinnir líka ýmsum öðrum tilfallandi verkefnum. Jóhanna telur sig vera stoltan atvinnuprjónara og selur prjónlesið sitt mest í Ullarselinu á Hvanneyri. Þar var Jóhanna verkefnastjóri þegar það var stofnað árið 1992 og nokkur ár til viðbótar. Frá upphafi hefur textíll verið viðloðandi í lífi Jóhönnu, enda þótti það vera jafn sjálfsagt í hennar uppvexti að prjóna eins og að draga andann.Meira -
Lakkrístopparnir sívinsælu urðu til í eldhúsi á Sauðárkróki
feykir.is Skagafjörður, Lokað efni 22.12.2024 kl. 09.00Arndís María Einarsdóttir er fædd og uppalin á Sauðárkróki. Dóttir Einars Einarsonar sem lengi var kenndur við Steinullarverksmiðjuna og sem gaman er að bæta við að er sonur hjónanna Einars og Dísu í verslunni Vísi á Blönduósi sem þá var og hét. Mamma hennar er Hrefna Guðmundsdóttir sem er í raun ástæða þess að Feykir hafði samband við Arndísi. Arndís bjó á Sauðárkróki fram að 18 ára aldri en flutti þá á höfuðborgarsvæðið þar sem hún býr enn ásamt eiginmanni sínum, Birgi Erni Strange, og þremur börnum; Ara Hrafni, Unu Lind og Yrsu Ýri.Meira -
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.