Sagnakvöld í Kakalaskála annað kvöld
Það verður Sagnakvöld í Kakalaskála laugardagskvöldið 24. ágúst en þar stíga á stokk þau Einar Kárason, Óttar Guðmundsson og Jóhanna V. Þorvaldsdóttir sem kveður rímur. Erindi Einars kallast Að elta auðnustjörnuna en Óttar mun fjalla um hinn litríka Sigurð Breiðfjörð, samskipti hans við Fjölnismenn og ýmislegt fleira.
Á síðu Kakalaskála segir um erindi Einars: „Að elta auðnustjörnuna“ byggir á frásöguþættinum „Leitin að Livingstone“ en um hann segir Halldór Guðmundsson (bókmenntafræðingur og höfundur m. a. ævisögu Halldórs Laxness): „En áhrifamesti kaflinn segir frá því þegar þeir feðgar, Einar og Kári faðir hans, Gunnarsson, héldu lengst austur á land til að verða sér úti um tóbak í verkfalli opinberra starfsmanna 1984. Í frásögninni tekst Einari það sem hann hefur dáðst að hjá Hamsun og fleiri höfundum, að hrífa lesandann með sér þótt ekki sé sagt frá stórmælum, eiginlega bara löngum bíltúr þeirra feðga í leit að sígarettum í þjóðvegasjoppum. En auðvitað er þetta öðru fremur lýsing á Kára, mjólkurfræðingi, leigubílstjóra og stórreykingamanni, og sambandi þeirra feðga. Þetta er ferð bæði austur og aftur, til æsku og uppruna. Kári var haldinn þeim sjúkdómi sem nú er kallaður geðhvarfasýki og á unglingsárum Einars var hann hátt á annað ár á sjúkrahúsi, illa haldinn; Einar segir viðkvæmnislaust frá því þegar hann heimsótti föður sinn með litlu systur sína í eftirdragi kolruglaðan á geðdeildina. En þetta er líka sagan af styrk Kára og æðruleysi, sögð með fáum góðum tilsvörum og minningarbrotum. Livingstone er ekki að leita í myrkviðum Afríku, heldur heimsálfu hugans."
Aðgangseyrir er kr. 4000 kr. en opið verður á barnum. Þá verður hægt að gæða sér á grænmetis- eða fiskisúpu og heimabökuðu brauði frá Austan Vatna frá kl. 18:00 - 19:45. Verð 3000 kr. og 3500 kr.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.