Rolluhlaupin lögðu grunninn
Hörður Hlífarsson er 24 ára hlaupagarpur frá Víðiholti í Skagafirði. Í júní síðastliðnum lauk hann Bs í viðskiptafræði frá Háskólanum á Akureyri og hefur verið að vinna eftir útskrift en Hörður tók þátt í sínu þriðja Bakgarðshlaupi á dögunum og gerði sér lítið fyrir og hljóp 120,7 km eða 18 hringi. Feykir hafði samband við Hörð og forvitnaðist hjá honum um hlaupaferilinn sem hófst þegar hann hljóp sitt fyrsta utanvegahlaup – fyrir utan að hlaupa á eftir rollum – þegar hann fór 18 km. í Súlur Vertical árið 2021.
Hörður var ekki að hlaupa Bakgarðinn í fyrsta sinn heldur þriðja nú í ár og hefur hann bætt sig rosalega á þessum þrem hlaupum. „Fyrsta skiptið var í Öskjuhlíð 2022 þar sem ég fór 8 hringi (53,6 km) og vissi þá ekkert hvað ég væri að fara út í. Síðan skellti ég mér í Heiðmörk í fyrra, þar fór ég 15 hringi (100,5 km). Eftir það hlaup hugsaði ég að ég myndi sko aldrei hlaupa þetta aftur. Það fór nú ekki svo þar sem ég tók aftur þátt núna 21. september í Heiðmörk og fór 18 hringi (120,7 km).“
Settir þú þér eitthvað markmið fyrir hlaupið? „Það er náttúrulega alltaf markmiðið að hafa gaman að þessu, þó svo fólk eigi kanski erfitt með að trúa því að það sé eitthvað gaman við þetta. Mitt markmið fyrir þetta hlaup var að bæta mig frá því í fyrra og því var markmiðið að hlaupa 16 hringi.“
Hvernig leið þér í hlaupinu? „Mér leið alls konar. Fyrstu hringina þá var maður bara frekar ferskur en svo þegar leið á fór þetta að verða nokkuð erfitt. Það sem hjálpar manni mikið í gegnum svona hlaup er að það er alltaf mikil stemning í kringum hlaupið, fullt af fólki að hvetja og taka á móti manni þegar maður kemur í mark.Síðustu hringirnir voru vel erfiðir og maður þurfti að berjast meira við hausinn heldur en líkamann til að halda áfram.“
Langaði þig aldrei að hætta? „Í 17. hring var ég alveg staðráðinn í því að þetta væri minn síðasti hringur og var ég alveg búinn að ákveða að hætta eftir þann hring. Svo kem ég í mark og Sólveig Birna tekur á móti mér sem var að aðstoða mig í hlaupinu þar sem maður má hafa aðstoðarmann eftir 9. hring. Sólveig tók ekki annað í mál en að ég myndi allavega byrja á 18. hring sem ég og gerði og kláraði hann. Ég þakka Sólveigu kærlega fyrir alla hjálpina, peppið og að koma mér einn hring í viðbót.“
Áttu eftir að gera þetta aftur? „Ég stefni á að skella mér einhvern tímann aftur já, Daði bróðir vill endilega skella sér og ætli ég verði ekki að fara með honum.“
Hvernig er líkaminn dagana á eftir? „Maður er nokkra daga að jafna sig eftir svona hlaup og lappirnar eru vel stífar eftir þetta.“
Feykir þakkar Herði fyrir spjallið og óskar honum innilega til hamingju með árangurinn í hlaupinu. Það verður spennandi að fylgjast með þegar þeir bræður fara saman. Viðtalið var birt í 37. tbl.Feykis
Fleiri fréttir
-
Finnur oft erfiðar og góðar tilfinningar á sama tíma
feykir.is Skagafjörður, Mannlíf, Lokað efni 05.10.2024 kl. 09.00Það að ganga með og eiga börn er ekki alltaf auðvelt og ekki sjálfgefið að allt gangi að óskum. Það hefur ljósmóðirin Arna Ingimundardóttir reynt á eigin skinni. Arna er uppalin á Sauðárkróki, dóttir Ingimundar [Guðjónssonar tannllæknis] og Huldu Agnarsdóttur. Arna er gift Jóhanni Helgasyni sem er uppalinn á Reynistað, sonur Helga [Sigurðssonar] og Sissu [Sigurlaugar Guðmundsdóttur]. Þau hafa verið saman í rúmlega 20 ár og eiga fjögur börn; þau Ingimund Helga 11 ára, Ástrós Huldu 7 ára, Mikael Nóa sem fæddist 2022 og svo eignuðumst þau hann Arnór Emil á nýársdag.Hún féllst á að segja Feyki sögu sína.Meira -
Þungarokksþyrstur organisti | EYÞÓR FRANZSON
feykir.is Austur-Húnavatnssýsla, Tón-Lystin 04.10.2024 kl. 19.02Það er Eyþór Franzson Wechner sem svarar Tón-lystinni að þessu sinni en hann er organisti Blönduóskirkju og nærsveita og kennir við Tónlistarskóla Austur-Húnvetninga. Hans hljóðfæri er því pípuorgel. Eyþór er fæddur árið 1990 á Akranesi en bjó unglingsárin í Hafnarfirði. „Það er engin bein tenging við Skagafjörð eða Húnavatnssýslur, nema hvað að föðursystir mín bjó á Sauðárkróki ásamt fjölskyldu. Fór svolítið þangað í fríum til að heimsækja frænda minn, sem er á aldur við mig. Svo flytur mamma á Hjalla í Akrahreppi fyrir um tólf árum og ég til Blönduóss fyrir níu árum.“Meira -
Ásgarður brotinn niður og endurbyggður
feykir.is Skagafjörður 04.10.2024 kl. 15.05Nú standa yfir framkvæmdir við Ásgarð á Skaga-strönd en það er Borgarverk sem annast endur-byggingu bryggjunnar. Það mun fyrir löngu hafa verið kominn tími á þær. Verkið hófst í byrjun september og voru áætluð verklok í desember á þessu ári. Að sögn Baldurs Magnússonar, hafnarvarðar hjá Skagastrandarhöfn, er ljóst að þeim mun seinka verulega þar sem framkvæmdir hófust mjög seint en m.v. útboðsgögn er gert ráð fyrir 7-8 mánuðum í verkið.Meira -
Náttúrustofa Norðurlands vestra og Selasetur Íslands gera nýjan samning
feykir.is Skagafjörður, Austur-Húnavatnssýsla, Vestur-Húnavatnssýsla 04.10.2024 kl. 14.59Selasetur Ísland og Náttúrustofa Norðurlands vestra hafa gert með sér nýjan samstarfssamning. Á vef Selasetursins segir að Selasetrið og NNV hafa verið í nánu og góðu samstarfi undanfarin ár. Á Hvammstanga hafi verið staðsettir starfsmenn NNV sem hafi verið virkir þátttakendur í því vísindasamfélagi sem þar er.Meira -
Blóma og gjafabúðin opnar á nýjum stað
feykir.is Skagafjörður, Fréttir 04.10.2024 kl. 14.46Blóma og gjafabúðin á Sauðárkróki hefur nú opnað á nýjum stað, Skagfirðingabraut 45, þar sem VÍS er einnig til húsa.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.