Rekinn úr bréfaskólanum - fékk bréfið eftir 20 ár
Eiríki Metúsalemssyni á Sauðárkróki brá heldur betur í brún þegar honum barst sendibréf, með póststimpli frá 13. febrúar 1980. Var bréfið frá Bréfaskólanum, þar sem Eiríki var tilkynnt að hann hafi verið rekinn úr skólanum.
- Ég varð auðvitað hissa þegar ég sá gamalt og snjáð bréf á forstofugólfinu hjá mér í gær og þegar ég fór að skoða það betur sá ég að þetta var umslag frá Bréfaskólanum. Ég var í þeim ágæta skóla í ein tvö ár, var að læra þar norsku, en fékk að lokum leið á náminu og skrópaði því í skólanum, sagði Eiríkur við Dreifarann. - Bréfið var mjög harðort og mér tilkynnt að ég hafi eytt þarna tíma margra mætra manna til einskis, allt frá kennaranum sjálfum og til ritarans sem sleikti frímerkin á bréfin, sagði Eiríkur jafnframt og bætti við að skólastjórinn hefði þarna vísað sér formlega úr skólanum.
Bréfaskólinn var til hér á árum áður og var hann í eigu BSRB, Farmanna- og fiskimannasambandsins, Kvenfélagasambands Íslands, Menningar- og fræðslusambands alþýðu, SÍS og Stéttarsambands bænda.
En hvernig fór Eiríkur að því að skrópa í Bréfaskólanum? - Jú þegar ég hafði misst áhugann á þessu fór ég að leita leiða til að hætta náminu, en þar sem ég fékk ekki endurgreidd námsgjöldin, þá hætti ég í raun við að hætta, en sendi þessi í stað bara tóm umslög inn í skólann, sagði Eiríkur. - Því var greinilega misvel tekið og því var ég rekinn úr skólanum, sagði Eiríkur að lokum við Dreifarann.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.