Pavel þjálfari ársins í Skagafirði
Pavel Ermolinski var á dögunum valinn þjálfari ársins í Skagafirði við hátíðlega athöfn í Ljósheimum. Eins og alþjóð sennilega veit þjálfar hann sitjandi Íslandsmeistara Tindastóls í körfubolta og við getum sagt að þeir séu um það bil hálfnaðir í því verkefni að sitja áfram á þeim titli. Engin pressa. Blaðamaður hafði samband við Pavel sem segir þetta frábæra viðurkenninu fyrir sig og allt þjálfarateymið og bætir við að það sé ekki flókið að þjálfa þennan mannskap með þetta bakland sem er í kringum liðið.
Nú er hægt að segja að seinni hálfleikur sé að hefjast á tímabilinu, spenntur? „Það er mikil tilhlökkun hjá mér og liðinu að takast á við sinni part tímabilsins. Halda áfram að bæta sig og finna stigvaxandi spennu sem mun myndast í Síkinu. Allir vilja fara í þetta sama ferðalag sem liðið og allt samfélagið gekk í gegnum í fyrra,“ segir Pavel.
Þegar Pavel er spurður hvað Tindastóll sé, stendur ekki á svari, „gleði, vinnusemi og algjört sameiningartákn Skagafjarðar. Félag sem Skagfirðingar styðja af einlægni og fullum hug.
En hvað er Skagafjörður? Pavel segir gildi Skagafjarðar endurspeglast að miklu leyti í Tindastól og öfugt. Gleði, dugnaður og samheldni. Gott og vinnusamt fólk sem stendur saman og gleðst saman. Frábært dæmi um kosti þess að búa út á landi. Það er auðvelt að taka undir þessi orð með Pavel.
Var það erfið ákvörðun að halda áfram að þjálfa Tindastól og flytja út á land? „Nei, hún var tiltölulega einföld. Eftir stutta veru okkar hérna í vor var þetta ekki langt samtal á heimilinu og við sjáum ekki eftir ákvörðun okkar. Við höfum komið okkur vel fyrir og líður mjög vel.“
Hvað er það sem gerir körfubolta svona skemmtilegan? „Þetta er hraður og sveiflukenndur leikur sem ræðst á 40 mín. Sem oftast verða mjög sveiflukenndar. Það er alltaf eitthvað óvænt sem getur gerst. Það þarf ekki mikinn skilning á íþróttinni til þess að njóta hennar. Tvö lið að reyna að koma boltanum til skiptis í körfu andstæðingsins sem eru að verja hana. Inn á milli eru falleg tilþrif eða hreinlega einskær barátta milli manna sem skapar ákveðið andrúmsloft.“
En er Pavel hættur að spila eða tekur hann æfingu með strákunum? „Ég læt af og til plata mig í bumbubolta í hádeginu. Stundum dett ég inn í skotleiki á æfingum sem svalar einhverri keppnisþörf.“
Pavel og fjölskyldan fóru suður um jólin til þess að vera nær fólkinu sínu þar, en ætla að vera heima á Króknum um áramótin og hann endar á að segja „ef ég á að vera hreinskilin býst ég við alvöru flugeldasýningu því að þetta Skagfirska keppnisskap hlítur að koma fram í hver sprengir best og mest. Sem eru frábær lokaorð inn í komandi áramótahelgi, um leið og við óskum Pavel innilega til hamingju með þjálfra ársins titilinn og að sjálfsögðu nýs körfuboltaárs.
Fleiri fréttir
-
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira -
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.