Öruggur sigur hjá Tindastól/Neista
Stelpurnar í meistaraflokk Tindastól/Neista gerðu sér lítið fyrir í gær og lögðu lið Álftanes 4 – 0. Með sigrinum tylltu stelpurnar sér í fjórða sæti fyrstu deildar.
Lýsing leiksins er tekin af heimasíðu Tindastóls; „Norðanstelpur mættu ákveðnar til leiksins og kannski heldur sókndjarfar þar sem þær voru ansi oft réttilega dæmdar rangstæðar en þær áttu marga góða spretti upp völlinn og sköpuðu sér fín færi sem betur mátti nýta. Þegar um tuttugu mínútur voru liðnar af leiknum skall hurð nærri hælum þegar Snæbjört átti lúmskt skot að marki sem virtist hættulítið en fór framhjá markmanni Álftaness og rúllaði rétt framhjá markinu. Stundarfjórðungi síðar kom fyrsta mark Tindastóls/Neista þegar Halla Mjöll renndi boltanum snyrtilega framhjá markmanni andstæðinganna eftir góða sókn og fyrirgjöf frá hægri.
Þrátt fyrir mörg marktækifæri í fyrri hálfleik tókst Tindast./Neista ekki að skora fleiri mörk og staðan því 1-0 í leikhlé.
Í síðari hálfleik komu heimastúlkur enn ákveðnari til leiks og sóttu stíft og sást greinilega að þær ætluðu sér að nýta færin og skora grimmt og fljótlega uppskáru þær mark eftir góða sókn þegar Þóra Björk setti boltann í netið og staðan orðin 2-0. Um mínútu síðar bættu heimastúlkur þriðja markinu við þegar Brynhildur skoraði laglega en hún átti marga spretti í dag og óheppin að skora ekki fleiri mörk.
Álftanesstúlkur áttu fá svör við spilamennsku heimastúlkna en komust þó í færi á 70. mínútu þegar þær áttu gott skot að marki eftir mikið strögl við vítateiginn en Kristín Halla varði glæsilega í stöng og var boltanum síðan komið í burtu. Skömmu síðar varði Kristín vel þegar þrumuskot kom að marki utan við vítateig.
Norðanstúlkur voru ekki alveg saddar og tók Brynhildur sig til og hljóp varnarmenn Álftaness af sér, geistist upp völlinn og átti gott skot að marki en boltinn flaug rétt framhjá en segja má að þar hafi heppnin verið með gestunum. Eftir hálftíma seinnihálfleik fékk Þóra sendingu upp í hægra hornið og háði mikið kapphlaup við markmann gestanna sem stormaði langt út úr marki sínu en varð aðeins seinni en Þóra sem náði að gefa boltann fyrir. Boltinn hafnaði í hendi varnarmanns innan vítateigs og réttilega dæmt víti sem Rabbí skoraði úr og staðan 4-0 sem hélst til loka leiksins.
Glæsilegur leikur hjá stelpunum sem sýndu mikla baráttu og sigurvilja allt til enda. Það má segja þeim til hróss að þær sköpuðu sér mörg marktækifæri en oft vantaði að binda endahnútinn á sóknirnar þó fjögur mörk litu dagsins ljós. Munurinn hefði hæglega getað orðið meiri ef færin hefðu verið betur nýtt og alltof oft voru stelpurnar rangstæðar en mikil hætta hefði skapast ef það hefði ekki verið því þær voru miklu fljótari og gátu stungið varnarmennina af sér. Kristín Halla átti stórleik í markinu, varði vel, átti góð úthlaup og stjórnaði vörninni af festu.
Með sigrinum í kvöld eru stelpurnar komnar upp í 4. sæti riðilsins með 6 stig, jafnmörg og Völsungur en með betra markahlutfall. Næsti leikur er útileikur við Keflavík á föstudaginn og þá heimaleikur gegn Völsungi þriðjudaginn 13.júlí.“
Fleiri fréttir
-
Tónleikar með Karlakór Eyjafjarðar í Blönduóskirkju þann 3. maí
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 15.52Það verða glæsilegir tónleikar í Blönduóskirkju laugardaginn 3. maí kl. 15:00 en þá mæta félagarnir úr Karlakór Eyjafjarðar á svæðið. Þeir ætla að flytja alls konar lög úr öllum áttum fyrir gesti og verður dagskráin bæði fjölbreytt og skemmtileg.Meira -
Samstaða og samhugur er mikill í samfélaginu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 16.04.2025 kl. 13.50Í gær var haldin samverustund á sal bóknámshúss Fjölbrautaskólans í tilefni af bílslysinu við Hofsós sl. föstudag. Settur skólameistari, Þorkell V. Þorsetinsson, flutti stutt ávarp og greindi frá fréttum af hinum slösuðu. Þar kom fram að þrír hinna slösuðu eru komnir af gjörgæslu og tveir þeirra hafa verið útskrifaðir af barnadeild Landsspítalans en ljóst er að mislangt bataferli er framundan hjá þeim öllum.Meira -
Hvað á að gera þegar komið er að slysi?
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 13.17„Dásamlegu krakkarnir okkar sem komu að slysinu gerðu allt rétt,“ segir Ásdís Ýr Arnardóttir, sérfræðingur hjá Lögreglunni á Norðurlandi vestra, þegar Feykir leitaði eftir upplýsingum hjá henni um hvað beri að gera þegar komið er að slysi, líkt og varð við Hofsós sl. föstudag. Þá slösuðust fjórir piltar á aldrinum 17-18 ára alvarlega í bílslysi en um 30 ungmenni voru á leið í veislu á Hofsósi og voru á vettvangi þegar viðbragðsaðilar komu að. Mörgum þykir ónotaleg sú tilhugsun að koma að slysi og efast kannski um að þeir viti hvernig bregðast á við. En hvað á að gera þegar komið er að slysi?Meira -
Stólastúlkur eiga heimaleik í Bestu deildinni í dag
feykir.is Skagafjörður, Íþróttir, Lokað efni 16.04.2025 kl. 11.02Keppni í Bestu deild kvenna í knattspyrnu hófst í gærkvöldi með tveimur leikjum. Breiðablik fór illa með Stjörnuna og Þróttur Reykjavík bar sigurorð af Fram-stúlkum Óskars Smára frá Brautarholti. Að sjálfsögðu skoraði hin hálfskagfirska Murr fyrsta mark Fram í efstu deild kvennaboltans en það dugði ekki til sigurs. Í kvöld taka Stólastúlkurnar hans Donna á móti liði FHL og hefst leikurinn kl. 18:00. Feykir lagði nokkrar spurningar fyrir fyrirliða Tindastóls, Bryndísi Rut Haraldsdóttur, sem hefur marga fjöruna sopið og nálgast nú óðfluga 250 leiki með liðinu.Meira -
FISK Seafood boðar vorið með umhverfisdeginum
feykir.is Skagafjörður 16.04.2025 kl. 09.15Umhverfisdagur FISK Seafood verður haldinn 3. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Litla skógi, í Varmahlíð, á Hólum, á Hofsósi, í Fljótunum og vegköntum um allan fjörð. Frá 12:15-13:00 mun FISK Seafood bjóða öllum þátttakendum að þiggja veitingar að Sandeyri 2.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.