Opnunarhóf og málþing á Skagaströnd á laugardaginn
Rannsóknasetur Háskóla Íslands á Norðurlandi vestra býður til opnunarhófs Gagnagrunns sáttanefndabóka og málþings um störf sáttanefnda á Íslandi í húsakynnum sínum á Skagaströnd laugardaginn 29. júní. Setrið hefur frá árinu 2019, í samstarfi við Þjóðskjalasafn Íslands og Héraðsskjalasafn Skagfirðinga, unnið að gerð opins veflægs gagnagrunns yfir allar varðveittar sáttabækur frá stofnun sáttanefnda hér á landi árið 1798 til ársins 1936.
Gagnagrunnurinn er aðgengilegur öllum almenningi á vef Þjóðskjalasafns Íslands, heimildir.is, og verður opnaður með formlegum hætti við þetta tilefni. Einnig verða haldin erindi um sögu og störf sáttanefnda á Íslandi á 19. og 20. öld.
Þingið fer fram á Einbúastíg 2 á Skagaströnd næstkomandi laugardag frá klukkan 14-17. Léttar veitingar verða í boði og allir velkomnir. Verkefnið hefur notið stuðnings Innviðasjóðs, Byggðastofnunar og Nýsköpunarsjóðs námsmanna.
Og hvað eru nú sáttabækur?
Á heimasíðu Háskóla Íslands segir að sáttabækur séu afar gagnlegar heimildir um margar hliðar íslensks samfélags og menningar. Þar er að finna margvíslegar upplýsingar um líf og hagi Íslendinga.
„Misklíðarefnin sem leidd voru til sætta voru fjölbreytileg en fela almennt í sér vitnisburði um samskipti fólks sín á milli, samlíf hjóna, verslun og skuldir og samskipti vinnuveitenda og verkafólks, svo dæmi séu nefnd. Þær veita mikilvæga innsýn í réttarvitund, siðferðishugmyndir og gildismat almennings, félagsgerð og menningarmun.
Þá er þar að finna margháttaðar upplýsingar um eignarhald á landi, um örnefni og efnahagslíf. Þar birtast leiðir nærsamfélagsins til þess að leysa úr ágreiningsmálum og um leið halda friðinn án þess að leita á náðir dómskerfisins.“
Gagnagrunnurinn, sem fagnað verður á Skagaströnd á laugardaginn, mun auðvelda til muna aðgengi og notkun þessara heimilda.
Fleiri fréttir
-
Bjarni Jónsson segir skilið við VG
feykir.is Skagafjörður, Austur-Húnavatnssýsla, Vestur-Húnavatnssýsla 17.10.2024 kl. 15.43Í yfirlýsingu á Facebook hefur Bjarni Jónsson, oddviti Vinstri grænna í Norðvesturkjördæmi, lýst því yfir að hann hafi ákveðið að segja sig úr VG og segja skilið við þingflokkinn. „Flestum hefur lengi verið ljóst að flokkurinn hefur sveigt af leið og brugðist grunngildum sínum og væntingum þeirra sem stóðu að stofnun hans. Hann hefur brugðist mörgu því fólki sem hefur stutt hann,“ segir Bjarni í yfirlýsingunni.Meira -
Framboð og eftirspurn – sex vikur til kosninga
feykir.is Skagafjörður, Austur-Húnavatnssýsla, Vestur-Húnavatnssýsla 17.10.2024 kl. 14.03Nú eru rétt um sex vikur þar til landsmönnum gefst kostur á kjósa til Alþingis á ný í kjölfar þess að Bjarni Benediktsson forsætisráðherra taldi að lengra yrði ekki komist í samstarfi Framsóknarflokks, Sjálfstæðisflokks og Vinstri grænna. Forseti Íslands féllst á lausnarbeiðni hans í vikunni og hefur verið ákveðið að Alþingiskosningar verði 30. nóvember. Flokkarnir eru því komnir á fullt í að setja saman lista og gera sig klára í baráttuna um Ísland.Meira -
Kálfshamarsvík númer eitt á forgangslista Húnabyggðar
feykir.is Austur-Húnavatnssýsla 17.10.2024 kl. 13.56Húnahornið segir frá því að Kálfshamarsvík sé efst á forgangslista sveitarstjórnar Húnabyggðar vegna styrkumsókna í Framkvæmdasjóð ferðamannastaða fyrir árið 2025 en umsóknarfrestur rann út í gær. „Þrístapar eru númer tvö á forgangslistanum á eftir Kálfshamarsvík og þar á eftir er göngubrú yfir ós Blöndu, gamli bærinn á Blönduósi og Klifamýri og að lokum náttúruperlan Hrútey,“ segir í fréttinni.Meira -
Haukarnir hans Matés mæta í Síkið í kvöld
feykir.is Skagafjörður, Íþróttir 17.10.2024 kl. 11.39Körfuboltinn er kominn á fullt og lið Tindastóls farin að gleðja hjörtu stuðningsmanna. Stelpurnar komnar með tvo nokkuð óvænta sigra og strákarnir með sigur á liði ÍR – langþráður sigur eftir alveg heilar tvær umferðir! Í kvöld mæta Hafnfirðingar í liði Hauka í heimsókn í Síkið og nú er bara að fjölmenna og hvetja strákana til sigurs.Meira -
Teitur Björn sækist eftir efsta sæti á lista Sjálfstæðisflokks
feykir.is Skagafjörður, Austur-Húnavatnssýsla, Vestur-Húnavatnssýsla 17.10.2024 kl. 09.23„Ég býð mig fram til að leiða lista Sjálfstæðiflokksins í Norðvesturkjördæmi. Ákvörðun Bjarna Benediktssonar um að leggja til að þing verði rofið og þar með boðað til alþingiskosninga var hárrétt. Kyrrstaða í málum sem eru jafn mikilvæg framtíð þjóðarinnar og raun ber vitni er óásættanleg,“ segir í tilkynningu frá Teiti Birni Einarssyni, öðrum þingmanni Sjálfstæðisflokks í Norðvesturkjördæmi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.