Opnun málverkasýningar Tolla og Sossu
Málverkasýning Tolla og Sossu undir yfirskriftinni „Stefnumót á Krók“ var opnuð með viðhöfn sl. sunnudag. Fjöldi fólks lagði leið sína í Safnahúsið á Sauðárkróki til að bera augum málverk einna farsælustu listamanna landsins.
Stefán Vagn Stefánsson sveitarstjórnarmaður, og fyrrum nemandi Sossu við grunnskólann á Sauðárkróki, átti heiðurinn af því að opna sýninguna formlega.
Tolli og Sossa sögðust vera ánægð með útkomuna í samtali við Feyki og að myndir þeirra tóni vel saman þótt þær séu ólíkar.
Sossa málar gjarnan litríkar myndir af fólki við ýmsar athafnir og nú í seinni tíð ber meira á landslagsmyndum. „Ég málaði oft fígúrur í landslagi og það má segja að bakgrunnurinn hafi meira og meira orðið að forgrunni þegar fram liðu stundir,“ sagði hún í samtali við Feyki á dögunum.
„Ég er samt mikið að mála konurnar og vini mína – sennilega eru þessar konur allar sjálfsmyndir,“ sagði hún og bætti við að það sé alveg í lagi að hlægja að myndum hennar, því hún vilji gjarnan hafa húmor í þeim. „Það er alveg nóg af alvarleika í heiminum.“
Tolli er best þekktur fyrir litríkar landslagsmyndir. Málverkin segir hann byrja sem abstrakt myndir með stórgerðum flötum. Hann útskýrði að oft á tíðum sé hann ekki búin að ákveða hvernig myndin eigi að vera í upphafi, heldur fæðist hugmyndin oft á striganum.
„Eftir að fyrsta umferðin hefur fengið að þorna þá byggi ég upp smáatriðin. Þá skapast ákveðin spenna í myndinni út frá andstæðunum,“ sagði hann og benti á fjölda af fínlegum stráum sem standa upp úr tjörn í einu af málverkum hans.
Bæði hafa þau verið starfandi listamenn til margra ára og verið iðin við að setja upp sýningar, innanlands jafnt sem utan. Það vafðist því ekki fyrir þeim að skella saman þessari glæsilegu sýningu sem gestir Sæluvikunnar geta notið góðs af.
Sýningin í Safnahús Skagfirðinga á Sauðárkróki verður opin til 13. maí, frá kl. 13-17.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.