Öllu er afmörkuð stund :: Leiðari Feykis
Það er fjör í pólitíkinni þessa dagana, ný forysta tekin við í Samfylkingunni, eftir vel heppnaðan landsfund um helgina, og það stefnir í harðan formannsslag hjá Sjálfstæðisfólki um næstu helgi en þá fer fram landsfundur flokksins.
Það var í sjálfu sér lítil spenna í formannskosningum Samfylkingarinnar þar sem enginn bauð sig fram á móti Kristrúnu Frostadóttur, kannski meiri spenna hverjar væntingar formannsins væru til framtíðar. Í ræðu sinni sagðist Kristrún ætla að fara aftur í kjarnann og leggja ofuráherslu á kjarnamál jafnaðarmanna, eins og fram kemur á heimasíðu flokksins. „Allt hefur sinn tíma. Öllu er afmörkuð stund. Og nú gengur í hönd tími breytinga í Samfylkingunni. Því að Samfylkingin – jafnaðarflokkur Íslands er nú flokkur með nýja forystu. Og breytingarnar, þær byrja strax í dag. Þær hefjast hér og nú,“ sagði hinn nýkjörni formaður.
Þingflokksformaður flokksins, Helga Vala Helgadóttir, er sú eina sem eftir er í forystusveit flokksins úr fyrri stjórn og hún er þekkt fyrir að vera afdráttarlaus í sínum skoðunum. Haft er eftir henni á Vísi.is að gefa þurfi Sjálfstæðisflokknum frí og útilokar ríkisstjórnarsamstarf við hann á komandi árum.
Bjarni Benediktsson hefur staðið við stýrið hjá Sjálfstæðisflokknum frá árinu 2009, tók við á erfiðum tímum eftir hrunið svo kallaða og hefur staðið í ströngu, sérstaklega við að halda flokknum í ríkisstjórn. Sjálfstæðisflokkurinn hefur verið við kjötkatlana alræmdu frá árinu 2013 þegar ráðuneyti Sigmundar Davíðs Gunnlaugssonar, þá formanns Framsóknar, tók við af ráðuneyti Jóhönnu Sigurðardóttur leiðtoga Samfylkingarinnar.
Nú finnst Guðlaugi Þór Þórðarsyni sem stund Bjarna sem formanns sé liðin og hefur skorað félaga sinn á hólm í formannsslag fyrir Sjálfstæðisflokkinn svo landsfundarfulltrúar, sem telja nokkur hundruð, fá bæði völina og kvölina við að velja á milli þeirra um næstu helgi.
Þau Kristrún og Guðlaugur Þór hafa bæði uppi háleit markmið um endurheimt fyrra fylgi sinna flokka en sem dæmi fékk Sjálfstæðisflokkur tæp 34 prósenta fylgi árið 2003 og 22 þingmenn og Samfylking tæp 31 prósent og 20 þingmenn samanborið við 9,93% og sex þingmenn í síðustu kosningum en þá fékk Sjálfstæðisflokkur 24,39% fylgi og 16 þingmenn.
Líklegt má telja að þessi fortíðarþrá sé ofar skýjum því þegar kosið var 2003 voru sex flokkar sem buðu fram á landsvísu en hafði fjölgað í ellefu í kosningunum 2021.
Hvort Guðlaugi tekst ætlunarverk sitt, og tími Bjarna að renna sitt skeið, er erfitt að sjá fyrir á þessari stundu en eins og predikarinn segir í Biblíunni, og margir hafa haft eftir er öllu afmörkuð stund og sérhver hlutur undir himninum hefur sinn tíma, Ein kynslóðin fer og önnur kemur, en jörðin stendur að eilífu.
Góðar stundir
Páll Friðriksson
Fleiri fréttir
-
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira -
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.