Öll störf skipta máli
Atvinna og uppbygging atvinnutækifæra eru ásamt grunnþjónustu mikilvægustu hornsteinar byggða og samfélaga. Fjölbreytileiki atvinnulífs skapar meiri möguleika fyrir samfélög til uppbyggingar. Heimilin fá súrefni frá atvinnulífinu og krafa fólks í dag eru bætt lífskjör. Sem betur fer hefur okkur Íslendingum tekist að byggja upp samfélag sem er með því besta sem þekkist í heiminum hvernig sem á það er litið. Undirstöður atvinnulífsins eru sterkar, þó tímabundið blási á móti eru framleiðslutækin, þekkingin og krafturinn enn til staðar. Krafturinn sem við sjálfstæðismenn ætlum að virkja, fólkinu og heimilum til framdráttar.
Uppbygging á Grundartanga var mikið lán
Uppbygging stóriðju á Grundartangasvæðinu var mikið lán fyrir syðsta hluta Norðvesturkjördæmis. Saga þessarar þróunar spannar nálægt 30 ár og sér ekki fyrir endann á henni ef rétt er á málum haldið. Mikil umræða er um ný tækifæri á svæðinu t.d. gagnaver, sólarkísilverksmiðju, uppbyggingu hafnarsvæðisins og með stöðugri þróun hefur aukning framleiðsluverðmæta þeirrar vöru sem framleidd er á svæðinu vaxið mikið. Menn hafa orðið vitni að öflugri þróun byggða, atvinnulífs, þjónustu og umfram allt getu alls svæðisins til framfara á öllum sviðum. Margföldunaráhrif stóriðjustarfseminnar á svæðinu dylst engum sem vitni hafa orðið að. Stóriðjan hefur styrkt litlu fyrirtækin á svæðinu, eflt þau og í sumum tilfellum „hjálpað“ þeim að verða stór. Um er að ræða fyrirtæki í öllum greinum, þjónustu, þekkingarfyrirtæki, málmiðnaðarfyrirtæki, rafiðnaðarfyrirtæki og svo mætti áfram telja. Öll tölfræði fyrir svæðið tekur jákvæðum breytingum hvað varðar íbúaþróun, fjölgun starfa, hækkun tekna og aðra þá þætti sem máli skipta við hvern áfanga sem tekinn hefur verið í notkun á Grundartangasvæðinu á síðustu 30 árum. Starfsemin á Grundartanga hefur glætt nærsamfélagið lífi svo um munar. Það er ekki tilviljun að þau svæði landsins sem hafa haft á brattan að sækja horfa mjög til stóriðju sem lausn til að örva sín svæði. Skyldi það vera vegna þess árangurs sem þau sjá á Grundartangasvæðinu?
Verðmætasköpun fyrirtækjanna á Grundartanga er gríðarleg, bein og óbein störf eru þúsundir. Verðmætasköpunin telur í milljörðum króna á ári og þetta eru mikilvægar grunnstoðir sem Sjálfstæðisflokkurinn vill byggja á, verðmætasköpun, þekking og mannauður eru óaðskiljanlegir þættir þess að tryggja lífskjör og lífsgæði til frambúðar.
Sjálfstæðisflokkurinn vill skapa ný atvinnutækifæri
Sjálfstæðisflokkurinn vill byggja á atvinnutækifærum sem nýta allar auðlindir á sjálfbæran hátt í sátt við umhverfið og skapa með þeim hætti verðmæti og útflutningstekjur sem bæta lífskjör íbúa svæðisins og skapa þeim fleiri og fjölbreyttari tækifæri. Sjálfstæðisflokkurinn hefur í gegnum tíðina verið í forystuhlutverki í uppbyggingu á þekkingarstarfsemi af öllu tagi og sækist eftir því að leiða þá uppbyggingu áfram, þjóðinni til farsældar.
Ásbjörn Óttarsson
Höfundur situr í 1. sæti á lista Sjálfstæðisflokksins í Norðvesturkjördæmi
Fleiri fréttir
-
Tónleikar með Karlakór Eyjafjarðar í Blönduóskirkju þann 3. maí
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 15.52Það verða glæsilegir tónleikar í Blönduóskirkju laugardaginn 3. maí kl. 15:00 en þá mæta félagarnir úr Karlakór Eyjafjarðar á svæðið. Þeir ætla að flytja alls konar lög úr öllum áttum fyrir gesti og verður dagskráin bæði fjölbreytt og skemmtileg.Meira -
Samstaða og samhugur er mikill í samfélaginu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 16.04.2025 kl. 13.50Í gær var haldin samverustund á sal bóknámshúss Fjölbrautaskólans í tilefni af bílslysinu við Hofsós sl. föstudag. Settur skólameistari, Þorkell V. Þorsetinsson, flutti stutt ávarp og greindi frá fréttum af hinum slösuðu. Þar kom fram að þrír hinna slösuðu eru komnir af gjörgæslu og tveir þeirra hafa verið útskrifaðir af barnadeild Landsspítalans en ljóst er að mislangt bataferli er framundan hjá þeim öllum.Meira -
Hvað á að gera þegar komið er að slysi?
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 13.17„Dásamlegu krakkarnir okkar sem komu að slysinu gerðu allt rétt,“ segir Ásdís Ýr Arnardóttir, sérfræðingur hjá Lögreglunni á Norðurlandi vestra, þegar Feykir leitaði eftir upplýsingum hjá henni um hvað beri að gera þegar komið er að slysi, líkt og varð við Hofsós sl. föstudag. Þá slösuðust fjórir piltar á aldrinum 17-18 ára alvarlega í bílslysi en um 30 ungmenni voru á leið í veislu á Hofsósi og voru á vettvangi þegar viðbragðsaðilar komu að. Mörgum þykir ónotaleg sú tilhugsun að koma að slysi og efast kannski um að þeir viti hvernig bregðast á við. En hvað á að gera þegar komið er að slysi?Meira -
Stólastúlkur eiga heimaleik í Bestu deildinni í dag
feykir.is Skagafjörður, Íþróttir, Lokað efni 16.04.2025 kl. 11.02Keppni í Bestu deild kvenna í knattspyrnu hófst í gærkvöldi með tveimur leikjum. Breiðablik fór illa með Stjörnuna og Þróttur Reykjavík bar sigurorð af Fram-stúlkum Óskars Smára frá Brautarholti. Að sjálfsögðu skoraði hin hálfskagfirska Murr fyrsta mark Fram í efstu deild kvennaboltans en það dugði ekki til sigurs. Í kvöld taka Stólastúlkurnar hans Donna á móti liði FHL og hefst leikurinn kl. 18:00. Feykir lagði nokkrar spurningar fyrir fyrirliða Tindastóls, Bryndísi Rut Haraldsdóttur, sem hefur marga fjöruna sopið og nálgast nú óðfluga 250 leiki með liðinu.Meira -
FISK Seafood boðar vorið með umhverfisdeginum
feykir.is Skagafjörður 16.04.2025 kl. 09.15Umhverfisdagur FISK Seafood verður haldinn 3. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Litla skógi, í Varmahlíð, á Hólum, á Hofsósi, í Fljótunum og vegköntum um allan fjörð. Frá 12:15-13:00 mun FISK Seafood bjóða öllum þátttakendum að þiggja veitingar að Sandeyri 2.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.