Okkar fólk
Á mínum fyrstu starfsárum vann ég á Sólheimum í Grímsnesi í tvígang. Fyrst sumarlangt og seinna frá janúar 1984 til maíloka sama ár. Foreldrar mínir unnu þar svo það var auðveldara að fá vinnu þegar sambönd voru til staðar.
Þegar ég vann um veturinn 1984, vann ég meðal annars á vinnustofum og sá um leikskóla starfsmanna. Á þeim tíma vann fólk á heimiliseiningum í 6 sólarhringa og 3 sólarhringa frí sem svo seinna breyttist í 4/4. Ég veit ekki hvernig þessu er háttað núna en í dag eru fatlaðir í sinni eigin búsetu, leigja húsnæði og borga heimilis kostnað sjálf en á þeim tíma sem að ég vann var þetta ríkisrekið batterí. Ríkið tók yfir reksturinn og launakostnað 1983, lækkaði framlög og greiddi engan viðhaldskostnað í 10 ár. Fyrir áhugasama þá set ég hér inn slóð sem vísar á sögu Sólheima. Mæli líka eindregið með að fólk leggi leið sína þangað.
Eitt sinn tók ég aukavakt á heimiliseiningu og komu þar foreldrar að heimsækja drenginn sinn og þessari heimsókn gleymi ég aldrei. Foreldrarnir komu langt að en þau bjuggu í Ísafjarðardjúpi. Venjulega komu aðstandendur bara í snögga heimsókn eða part úr degi en þessi hjón fengu að gista og voru alfarið með okkur á meðan á heimsókn þeirra stóð. Það sem að situr sterkast í mér er þakklæti þeirra til starfsfólksins sem hugsaði um son þeirra. Þau sáu að honum leið vel og var í góðu jafnvægi. Sonurinn var og er jafnaldri minn. Þegar þau kvöddu táruðust þau og ítrekuðu þakklæti sitt. Það var ekki auðvelt að láta soninn á stofnun og hvað þá svona langt í burtu. Drengurinn tjáði sig ekki og sagði ekki nema einstaka orð. Ég veit ekki hversu mörg ár hann var á Sólheimum en frétti 2017 að hann væri á sambýli á Ísafirði og þá táraðist ég að vita að hann væri enn á lífi og að hann væri nálægt sínu fólki en ekki svona hræðilega langt í burtu.
Ég vil að við önnumst okkar fólk. Ég vil að sú þjónusta fari fram í heimabyggð eins mikið og þess er kostur. Hér áður fyrr var reksturinn á vegum ríkisins en fór svo smám saman yfir á sveitarfélögin sem sum hver ef ekki flest öll standa illa undir því og þá stöðu þarf ríkið að jafna.
Kær kveðja
Jónína Björg Magnúsdóttir
2. frambjóðandi Samfylkingarinnar í Norð-Vestur kjördæmi.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.