Naumt tap gegn Íslandsmeisturunum
Í kvöld mættust lið Breiðabliks og Tindastóls í Pepsi Max deild kvenna en Blikar eru núverandi Íslandsmeistarar. Það mátti því búast við erfiðum leik í Kópavoginum en Stólastúlkur börðust eins og ljón. Það var ekki fyrr en um stundarfjórðungur var eftir af leiktímanum sem Blikar brutu ísinn og gerðu eina mark leiksins. Lokatölur 1-0 og fyrsta tap Tindastóls í efstu deild staðreynd.
Lið Breiðabliks var talsvert meira með boltann í leiknum en uppleggið hjá liði Tindastóls var að vinna boltann og sækja hratt. Byrjunin var erfið hjá gestunum en þær komu sér betur inn í leikinn eftir um 15 mínútna leik og hefðu með smá heppni getað skorað – Blikarnir reyndar sömuleiðis en fyrri hálfleikurinn frekar daufur í heildina og markalaust í hálfleik.
Lið Tindastóls hóf síðari hálfleik ágætlega og Sylvía átti skot sem sleikti stöngina eftir sendingu frá Jackie. Á 60. mínútu skoruðu Blikar en Tiffany Mc Carty reyndist rangstæð. Murr átti gott skot að marki Blika stuttu síðar en Jackie var dæmd rangstæð. Á 76. mínútu skoraði síðan Tiffany eina mark leiksins eftir sendingu frá Áslaugu Mundu sem komst framhjá Maríu Dögg og sendi fastan bolta fyrir markið sem Tiffany potaði inn. Stólastúlkur reyndu hvað þær gátu til að jafna en það hafðist ekki í dag.
Þrátt fyrir tapið er lið Tindastóls í fjórða sæti deildarinnar með fjögur stig og á leik til góða. Næsti leikur liðsins er á Króknum fimmtudaginn 27. maí en þá koma grannarnir í Þór/KA í heimsókn. Leikurinn þar á eftir er síðan 31. maí gegn liði Breiðabliks í Kópavogi í Mjólkurbikarnum.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.