Naumt tap gegn FH í jöfnum leik
Lið Tindastóls skellti sér í Hafnarfjörðinn í dag þar sem FH-stúlkur biðu þeirra í Kaplakrika. Meiðsli og veikindi hrjáðu gestaliðið sem engu að síður barðist af hörku og hefði mögulega geta nælt í stig. Tap reyndist hinsvegar útkoman þegar upp var staðið en FH gerði eina mark leiksins í uppbótartíma fyrri hálfleiks.
Stólastúlkur hefðu getað náð forystunni eftir fjórar mínútur þegar Hannah átti fyrirgjöf sem endaði í stönginni og samherjar hennar náðu ekki að koma boltanum í markið í kjölfarið. Leikurinn var jafn en lið FH náði forystunni á 46. mínútu þegar Esther Rós komst fram fyrir varnarmann Tindastóls og kom boltanum í markið. Gestirnir fengu gott færi í byrjun síðari hálfleiks og nokkra sénsa þar á eftir en það var lið FH sem komst næst því að bæta við marki þegar þær uppskáru vítaspyrnu á 90. mínútu eftir að Gwen fékk boltann í hendina. Monica varði vítið hinsvegar með tilþrifum. Melissa var svo nálægt því að jafna á 95. mínútu en skotið fór rétt yfir markið. 1-0 fyrir FH því staðreynd.
Vantar meiri dýpt í hópinn
Feykir lagði nokkrar spurningar fyrir Murr að leik loknum og byrjaði að spyrja hvort úrslitin hefðu verið sanngjörn eða Stólastúlkur átt meira skilið. „Mér fannst við koma til leiks með mikla baráttu og gáfum allt í leikinn og ég er stolt af stelpunum fyrir vinnusemina í dag. Helmingurinn af hópnum var veikur fyrir leikinn eða að stríða við meiðsli þannig að það að geta barist eins og við gerðum segir mikið um hópinn okkar. Ég held að lið FH hafi nýtt tækifærið sitt mjög vel í dag og það er það sem einmitt það sem okkur hefur vantað, að koma boltanum í netið. Þannig að allt í allt voru þetta sanngjörn úrslit – ég held að við höfum lagt nógu hart að okkur til að verðskulda jafntefli en náðum ekki að klára færin þegar þau gáfust.“
Hvað er það sem liðið vantar núna?„Það sem okkur vantar helst er dýpri hópur. Við þurfum líka að bæta varnarskipulagið okkar (tókum skref í rétta átt í dag) og framkvæmdina sóknarmegin.
Er Besta deildin jafnvel sterkari en Pepsi Max deildin fyrir tveimur árum?„Deildin í ár er geggjuð og allir eru út um allt og geta sigrað hvern sem er á sínum degi. Sem gerir það að verkum að deildin er enn meira spennandi.“
Hvað er svo planið fyrir restina af tímabilinu? „ Planið fyrir restina af tímabilinu er að þjappa okkur saman í þessari smá pásu sem er framundan og vonandi bæta við hópinn okkar og koma öllum aftur í 100% form svo við getum sótt af fullum krafti allt til loka tímabilsins. Við vitum að við erum færar um að ná árangri, við verðum bara að halda baráttunni sem við sýndum í dag og gæðum að sama marki,“ sagði Murr.
Að leik loknum sitja Stólastúlkur í níunda sæti en ÍBV stökk upp fyrir lið Tindastóls með sterkum 2-0 sigri gegn liði Þórs/KA á Akureyri í dag. Það eru einmitt Eyjastúlkur sem koma í heimsókn á Krókinn 23. júlí þegar 13. umferðin hefst.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.